Jems 4:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ia Godɨn damazimɨn bar uari dɨkabɨragh ikɨ. Ia kamaghɨn damutɨ, God ia fegham.

Godɨn Akar Aghuim; Akar Dɨkɨrɨzir Gavgavir Igiam

¹⁰ Ia Godɨn damazimɨn bar uari dɨkabɨragh ikɨ. Ia kamaghɨn damutɨ, God ia fegham.

Jems 4:10 ပူးပေါင်းရင်းမြစ်များ

Onger Akaba 147:6

A gumazamizir uarira uan naviba abɨra itiba, a men dafaribar suigha me fe me dɨkafi. Egha arazir kurabagh amir gumazamiziba, a me dɨkabɨri me nguazim giri.

Matyu 23:12

Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiaba iniam.”

1 Pita 5:6

Kamaghɨn amizɨ, ia uan ifongiaba abɨnɨva Godɨn agharir gavgavimɨn apengan ikɨ. Eghtɨ dughiar God ifongezim a ia fegham.

Luk Osirizir Akar Aghuim 14:11

Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiam iniam.”

Jopɨn Akɨnafarim 22:29

Nɨ fo, gumazamizir uan ziaba feba, God me abɨri, egha uari abɨrir gumazamiziba, a men akurvazima, me deravɨra iti.

Onger Akaba 113:7

A gumazamizir onganarazir nguazir mɨnemniabar tongɨn itiba, men akura. A gumazamizir biziba puvatɨgha averenimɨn tongɨn itir kaba, a iza me fe.

Luk Osirizir Akar Aghuim 1:52

God atrivibar gavgavim dɨkabɨragha gumazamizir kɨniba fe.

Luk Osirizir Akar Aghuim 18:14

Kamaghɨn amizɨ kɨ guizbangɨra ia mɨgei, gumazir dagɨaba isir kam, a Godɨn damazimɨn dera, egha dɨpenimɨn ghu. Ezɨ igharazim puvatɨ. Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiaba iniam.”

Onger Akaba 27:6

Nan apanir na okarigha itiba, kɨ bar me abɨragham. Egh bar akongegh dɨmɨva arang an Purirpenimɨn a bagh ofa damuam. Egh onger akabar amu Ikiavɨra Itir Godɨn ziam fam.

Onger Akaba 30:1

O Ikiavɨra Itir God, nan osɨmtɨziba na abɨrazɨ, nɨ ua na fegha anabogha nan akura. Egha nan apaniba ataghizɨ me na dɨpovezir puvatɨ. Kamaghɨn amizɨ, kɨ bizir kam bagha bar akuegha nɨn ziam fe.

1 Samuel 2:9

“Ikiavɨra Itir God, gumazamizir a baghavɨra itiba a me geghufi. Egha gumazamizir kuraba a me gasɨghasightɨ, me nguibar kurar mɨtatem itimɨn ovegham. E fo, gumazir gavgavir ekiam itim, a bar uan gavgavimɨn ikɨva avegham.

Onger Akaba 28:9

O Ikiavɨra Itir God, nɨ uan gumazamizibar akuragh. Kar gumazamizir nɨ ua baghavɨra inabaziba, nɨ deraghvɨra me damu. Nɨ sipsipbar garir gumazimɨn mɨn, me inigh me ater mangɨ, deragh men gan kamaghɨra ikɨ.

Ua Me Ini 10:3

Egha Moses ko Aron atrivimɨn bighan ghugha, a mɨgɨa ghaze, “Ikiavɨra Itir God, a Hibruian God, a ghaze, ‘Dughiar ruarimɨn iza datɨrɨkɨn, nɨ nan akam batoke. Nɨ uabɨ abɨragh nan apengan izan aghua, a? Nɨ nan gumazamizibar amamangatɨghtɨ me mangɨ, nan ziam fam.

1 Samuel 2:7

Ikiavɨra Itir God gumazir mabagh amizɨ me biziba puvatɨ, egha marazi gamizɨ, me bizir avɨriba iti. A gumazir mabagh amima, men ziaba bar iraghuegha bar vɨn iti. A marazi gamizɨ, me ziar ekiam ikia bar pɨn iti.

Jopɨn Akɨnafarim 5:11

A ziar ekiaba, ziaba puvatɨzir gumazamizibagh anɨdi. Egha azia naviba ikuvir gumazamizibar arareba agɨva me gamima, me ua deragha bar akuegha iti.

Aghuzir Akaba 29:23

Gumazim ifaghata uabɨra uan ziam fe, me an ziam dɨkabɨragham. Eghtɨ gumazim uabɨ uan ziam dɨkabɨraghtɨ, me an ziam fam.

Esekiel 21:26

Kɨ Ikiavɨra Itir Godɨn Ekiam, kɨ kamaghɨn mɨgei, nɨ uan atrivir dapanir asuam ko inir nɨ dapanim ikezim suegh. Biziba kamaghɨra ikian kogham, da ighɨghɨregham. Kɨ onganarazibagh amir gumazamizibar amightɨ, me gavgaviba ikiam! Eghtɨ ziaba itir adarasi, kɨ me abɨragham!