Jems 3:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Gumazitam o amizitam uabɨ uan mɨzem damightɨ an an apengan ikeghan kogham. Bar puvatɨ. En mɨzeba zurara akar kurabav gei. Mati imezir kurar gumazamizibagh ami me ariaghɨriba, da en akabagh izɨfa.

Godɨn Akar Aghuim; Akar Dɨkɨrɨzir Gavgavir Igiam

⁸ Gumazitam uabɨ uan mɨzem damightɨma an an apengan ikeghan kogham. Bar puvatɨ. En mɨzeba zurara akar kurabav gei. Mati imezir kuraba gumazibagh amima da ariaghiri, da en akabagh izɨfa.

Jems 3:8 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 3:13

Men akar toriba mati gumazamizir moziba akaba akari; kamaghɨn amizɨ me mɨgeima ovevem otifi. Me akar ifavarir bar avɨribagh ami. Me gumazibagh asɨghasɨghasa mɨgeir akaba, men akatoribar ikia mati kuruzim imezir kuram an aven iti.

Onger Akaba 140:3

Men mɨzebar otivir akaba, kuruzir ataribar mɨn bar ghumi. Me gumazibagh asɨghasɨghasa mɨgeir akaba, men akatoribar ikia mati kuruzim imezir kuram an aven iti. (Ighiam gamua an suiam atugha avughsegha ua ighiam gami.)

Jems 3:6

Ezɨ mɨzem uaghan mati avim, egha a en mɨkarzir otevir muziarir mam. Egha a uaghan arazir kurar avɨribagh ami da otifi. A en mɨkarzibagh amima da mɨze, egha arazir kurar avɨribagh amima da en ikɨrɨmɨribar otifi, mati avir mɨzariar ekiaba. Avir kam a uabɨ helɨn avim.

Onger Akaba 55:21

A uan akamɨn, akar isɨngtɨzibar na mɨgei, egha nan apanim gamuavɨra iti. A uan akamɨn na ko navir amɨrizimɨn ikiasa mɨgei. Ezɨ mɨzer otevir a mɨgeiba, da mati mɨdorozir sabar ghumtɨzimɨn mɨn na aghori.

Onger Akaba 57:4

Nan apaniba bar na okarizɨ kɨ men torimɨn akui. Me laionbar mɨn gumazibar amasa men atariba baribar mɨn bar ghumi. Ezɨ men mɨzeba sabar ghumtɨzir pumuning itimɨn mɨn bar ghumi.

Onger Akaba 59:7

Nɨ men akar otuariba baragh, men mɨgɨrɨgɨaba mati mɨdorozir sabamɨn mɨn bar ghumi. Me ghaze, “Tina e baregham.”

Onger Akaba 58:4

Men mɨgɨrɨgɨaba mati, kuruzimɨn aven itir imezir kuram dagh izɨfa. Egha me kuruzimɨn mɨn, uan kuarir toribav konegha biziba barazir puvatɨ.

Fofozir Gumazim 10:11

Eghtɨ gumazim kuruzim damightɨ a nɨmɨra ikiamin arazim gɨfogh, a deragham. Egh a kuruzim ateghtɨ, an a givightɨ, an fofozim manmaghɨn an akuragham? Bar puvatɨ.

Godɨn Araziba 32:33

Egha men araziba, mati wainɨn dɨpar me kuruzir imezir kuram itimɨn an ingari.

Akar Mogomem 12:9

Ezɨ Maikelɨn enselba kuruzir ekiam akunizɨ a izaghira irɨ. Kar kuruzir fomɨra itim, me Satan a garɨsi egha uaghan an ziar mam, “Gumazir Akam Gumazamizibagh asim.” A gumazir nguazimɨn itir gumazamizibagh ifarim, a datɨrɨghɨn uan enselba ko iza nguazim girɨ.

Aghuzir Akaba 17:20

Gumazim nɨghnɨzir kuraba ko ifavarir akaba zurara dav gei, a deraghvɨra ikian kogham. Puvatɨ. An osɨmtɨzibara ruiam.

Jems 3:7

E fo, gumazamiziba asɨzir atiaba bar moghɨra da isava dar dai, kuaraziba ko asɨzir davaragharuiba ko ongarimɨn aven itir biziba bar. Egha me bizir kabar dava dar gari da men apengan iti.