Jems 3:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ kamaghɨra, mɨzem uaghan bar suvigha en mɨkarzimɨn aven iti. Egha a zurara bar puvɨra ifaghata, uabɨ uan ziam puv a fe. E fo, avir muziarimra avir ekiam damightɨ a bar ekeveghtɨ, ruarimɨn temeba bar isigham!

Godɨn Akar Aghuim; Akar Dɨkɨrɨzir Gavgavir Igiam

⁵ Ezɨ kamaghɨra, mɨzem uaghan bar suvigha en mɨkarzimɨn aven iti. Egha a zurara bar puvɨra ifaghati, egha uabɨ uan ziam puv a fe. E fo, avir muziarimra avir ekiam damightɨ a bar ekeveghɨva egh ruarimɨn isitɨma temeba bar isigham!

Jems 3:5 ပူးပေါင်းရင်းမြစ်များ

Aghuzir Akaba 18:21

Nɨn mɨgɨrɨgɨaba, da gavgaviba iti. Da gumazim damutɨ a deraghvɨra angamɨra ikiam, o da uaghan gumazim damutɨ a ikuvigham. Kamaghɨn amizɨ, nɨ mɨgɨrɨgɨar aghuibav kɨmamin arazim gifongegh, nɨ deraghvɨra ikiam.

Aghuzir Akaba 12:18

Gumazim deraghvɨra nɨghnɨzir puvatɨgha mɨgei, an akaba gumazir igharazimɨn navim gasɨghasigham, mati mɨdorozir sabam a mɨtɨ. Ezɨ gumazir nɨghnɨzir aghuim itim, a mati marasinɨn aghuim gumazamizibar akurvasi.

Aghuzir Akaba 15:2

Gumazim nɨghnɨzir aghuim ikia akam akuri, a gumazamizibagh amima me nɨghnɨzir aghuim ko fofozim baka. Gumazim nɨghnɨzir aghuim puvatɨgha akam akuri, a puram akam arava pura mɨgei.

Onger Akaba 17:10

Me gumazamizir igharazibar apangkuvir nɨghnɨzitam tong bar men itir puvatɨ. Me akaba akara egh uarira uan ziaba fe.

Jut Osirizir Akɨnafarim 1:16

Gumazamizir kaba, me bativir biziba me da bagha naviba ikufi, egha me puv mɨgei. Me uan navibar arazir kurabar gɨn zui. Me pamtemɨn diava puv uan ziaba fe. Egha me gumazamiziba apezeperima me me ifongezir arazibar gɨn zui.

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Onger Akaba 10:3

Gumazir kuram uabɨ fa, uan navir averiamɨn aven itir arazir kurabagh ifonge. Gumazir bizir avɨribagh ifongezim, an akar kurabar Ikiavɨra Itir God mɨgɨava, akɨrim ragha a gasi.

Esekiel 28:2

“O nguazir kamɨn gumazim, nɨ Tairɨn atrivim mɨkɨm suam: “Kɨ Ikiavɨra Itir Godɨn Ekiam kamaghɨn a mɨgei: Nɨ puvɨra uabɨ fa, uabɨ mɨgɨa ghaze, nɨ godɨn mam. Nɨ ghaze, nɨ godɨn mamɨn mɨn atrivir dabirabim gaperaghav iti, ezɨ ongarim nɨ ekɨaru. Nɨ ghaze, nɨn nɨghnɨzim godɨn mamɨn nɨghnɨzim ko magh ghu. Ezɨ puvatɨ! Nɨ pura nguazir kamɨn gumazir kɨnim! Nɨ god puvatɨ.

2 Pita 2:18

Gumazamizir kaba pura tiariba akara egha uan akar onganir kabav gɨa ghaze, erara dera. Me gumazamiziba apezepera me gamima, me naviba dɨkavava arazir poroghamiba uari isava akuiba, ko inivafɨzimɨn arazir kurar igharazibar amuasa nɨghnɨsi. Ezɨ arazir kamɨn, me gumazamizir datɨrɨghɨra navibagh iragha arazir kuraba ataghiziba, me me gamima, me gumazamizir kurar kabar gɨn zui.

Daniel 4:30

Egha kamaghɨn mɨgei, “Ia gan, Babilon a nguibar bar ekiam egha bar dera. Nan gavgavimɨn kɨ uabɨ an ingari, kɨ nguibar kam gamizɨ an otogha, uan gavgavim ko ziar ekiam isɨ gumazamizibar akakaghasa.”

Jopɨn Akɨnafarim 22:17

Gumazir kaba kamaghɨn God mɨgei, ‘Nɨ e ategh mangɨ.’ Egha me uaghan kamaghɨn mɨkeme, ‘Godɨn Gavgaviba Bar Itim bizir manamra e damuam?’

Ua Me Ini 15:9

“Apaniba ghaze, ‘E men agɨntɨgh men suigham. Egh men bizir aghuariba inigh da tuisɨgh uan adarazir anɨngam. Egh e bizir manam inisɨ e puram a iniam. E sabar mɨsozim asigh, uan gavgavimɨn me gasɨghasɨgham.’

Daniel 3:15

Ezɨ datɨrɨghɨn, ia sɨghaba ko mariviba ko gitaba ko buaba ko ighiar igharaziba baraghɨva, teviba pɨrighɨva avigh marvir guar kamɨn ziam fɨ. Ia kamaghɨn damuan koghtɨ, kɨ datɨrɨghɨra gumazibav kemeghtɨ me ia isɨ danganir ekiar avir bar pamten isimɨn aven ia kunigham. Eghtɨ godɨn manam ian akuragh nan gavgavim da ua ia inigham?”

Esekiel 29:3

Nɨ kamaghɨn a mɨkɨm suam: “Kɨ Ikiavɨra Itir Godɨn Ekiam, kɨ kamaghɨn Isipɨn atrivimɨn mɨgɨa ghaze, Kɨ nɨn apanim gami. Nɨ mati, goar bar dafar Isipɨn dɨpabar itim. Nɨ ghaze, Nailɨn Fanem, nɨ ua bagha an ingarizɨ a nɨn bizimra.

Ua Me Ini 5:2

Ezɨ atrivim ghaze, “Ikiavɨra Itir God, a tina? Kɨ tizim bagh a baregh Israelia ateghtɨ me mangam? Kɨ Ikiavɨra Itir God gɨfozir puvatɨ, kamaghɨn kɨ Israelia ateghtɨ me mangɨghan kogham.”

Onger Akaba 39:1

Kɨ uabɨra uabɨ mɨgɨa ghaze, “Kɨ amir araziba bagh deravɨra uabɨn ganam. Kɨ uan mɨzem bagh deraghvɨra gantɨ, a na isɨ arazir kuratam datɨghan kogham. Gumazir kuraba na ko ikɨtɨ, kɨ mɨzer otuaritam mɨkɨman kogham.”

Aghuzir Akaba 26:20

Me dazibar avim atɨghan koghtɨ, avim mungegham. Eghtɨ gumazamiziba gɨrakɨrangɨn mɨkɨman koghtɨ, akam adariba bar gɨvagham.

Jems 3:4

Ezɨ ia kuribagh nɨghnɨgh. Kuriba bizir bar ekiaba, ezɨ amɨnir ekiar gavgaviba dagh ivaima, da ongarim gisɨn ivemari. Ezɨ dar stiaba bar sufi. Ezɨ dar stian suizir gumaziba managh mangasa ifongegha, dar stiaba gɨghavkɨrima kuriba tuavir keptenba mangasa ifongezibar zui.