Jems 3:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Ezɨ kamaghɨn e navir vamɨra iti, kar mati e dagher anabam akara. Ezɨ navir vamɨran arazimɨn tuavimɨn, arazir aghuiba en dabirabimɨn otifi, mati dagher aghuiba azenimɨn aghui.

Godɨn Akar Aghuim; Akar Dɨkɨrɨzir Gavgavir Igiam

¹⁸ Ezɨ kamaghɨn e navir vamɨra iti, kar mati e dagher anabam akara. Ezɨ navir vamɨran arazimɨn tuavimɨn, arazir aghuiba en dabirabimɨn otifi, mati dagher aghuiba azenimɨn aghui.

Jems 3:18 ပူးပေါင်းရင်းမြစ်များ

Matyu 5:9

Ia gumazamizir adariba ko mɨdoroziba ageviba, me ‘Godɨn Boriba,’ ia darɨgham. Kamaghɨn ian naviba deragh.

Hosea 10:12

Kɨ kamaghɨn Israelia ko Judabav gei, ‘Ia arazir kurar kam ategh, arazir aghuibar amu, egh guizbangɨra nan ziam fɨ, mati gumazim azenir igiamɨn nguazim abigha dagheba oparima, da deravɨram aghua dagher avɨriba bati. Datɨrɨghɨn ia ua Ikiavɨra Itir God bagh izɨ. Ia ua na bagh izɨtɨ, kɨ bar deravɨra ia damuam.’

Filipai 1:11

Eghtɨ arazir aghuir Krais Iesus ami otiviba, da bar ia gizɨvagham. Eghtɨ gumazamiziba dar ganɨva ziar ekiam God danɨngɨva egh an ziam fam. Kamaghɨn, kɨ ia bagha God ko mɨgei.

Aghuzir Akaba 11:30

Arazir aghuimɨn daghem, a mati ikɨrɨmɨrir aghuim anɨdir temem. Ezɨ gumazir nɨghnɨzir aghuim itim, a gumazir igharazibagh amima me izɨva a ko ikiasa ifonge.

Hibru 12:11

Afeziam e akɨrmɨghasa osɨmtɨzim e ganɨngizɨ, e ghaze, osɨmtɨzir kam bar e itarazɨma e ikia bar akongezir puvatɨ. Egha en navir averiaba bar oseme. Eghtɨ an e akɨrigh gɨvaghtɨ, dagher aghuir en otivamibara kara: e Godɨn damazimɨn arazir aghuibara damuam, eghtɨ en navir averiaba amɨragh ikiam.

Aghuzir Akaba 11:18

Gumazir kuraba inizir biziba, me ghaze da men akuragham, da bar men akuraghan kogham. Da mati pura bizir kɨniba. Ezɨ gumazir arazir aghuibagh amiba, me guizɨn ivezir bar aghuim iniam.

Jems 1:20

E fo, atarir gumazim, Godɨn damazimɨn arazir aghuibagh amima da otivir puvatɨ.

Jon Osirizir Akar Aghuim 4:36

Gumazir dagheba isim, a datɨrɨghɨn uan ivezim isi, egha zurara itir ikɨrɨmɨrir aghuarim bagha dagheba akufi. Kamaghɨn amizɨ, gumazir dagheba oparim ko gumazir dagheba isim aning vɨrara bar akuegham.

Amos 6:12

Ia ti ghaze, hoziaba dagɨar ekiabagh isɨn ivemaram? Egha ia ghaze, gumazim bulmakau inigh mangɨ, ti dagɨabagh isɨn mangɨ nguazim abɨgham? Ti Puvatɨgham. Arazir kaba da bar guizbangɨra puvatɨgham. Ia guizɨn arazibagh irazɨ, da ghua imezimɨn mɨn oto. Egha ia arazir aghuim gɨrazɨ, a ghua bizir kuramɨn mɨn oto.

Aghuzir Akaba 11:28

Gumazim suam, nan dagɨabara nan akurvaghtɨ kɨ deraghvɨra ikiam, puvatɨ, a mati temer dafarir mɨdiarim irɨ. Eghtɨ gumazir aghuiba me bar deraghvɨra ikiam, mati temem dafarir igiaba an iti.

Onger Akaba 92:14

Da ghurizir dughiamɨn, dar dagheba ikiavɨra iti. Dar dafaribagh arɨghavɨra itima, da gavgavigha mɨdir puvatɨ.