Jems 2:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ E fo, gumazamiziba igharaz darazir apangkuvan koghtɨ, God kotiamɨn me tuisɨghamin dughiamɨn, God uaghan men apangkuvighan kogham. Ezɨ gumazim o amizim igharaz darazir apangkufi, God kotiamɨn a tuisɨghamin dughiamɨn a Godɨn apangkuvimɨn ganam.

Godɨn Akar Aghuim; Akar Dɨkɨrɨzir Gavgavir Igiam

¹³ E fo, gumazitam igharaz darazir apangkuvir puvatɨ, eghtɨ God kotiamɨn a tuisɨghamin dughiamɨn God uaghan an apangkuvighan kogham. Ezɨ gumazim igharaz darazir apangkufi, Godɨn kotiamɨn a tuisɨghamin dughiamɨn a Godɨn apangkuvimɨn ganam.

Jems 2:13 ပူးပေါင်းရင်းမြစ်များ

Matyu 5:7

Ia gumazamizir igharaz darazir apangkuviba, God ian apangkuvam. Kamaghɨn ian naviba deragh.

Matyu 6:15

Ia men arazir kuraba gɨn amangan koghtɨ, ian Afeziam uaghan ian arazir kuraba gɨn amangan kogham.”

Aghuzir Akaba 21:13

Nɨ uan kuarimning mɨgoroghtɨ, onganarazibagh amir gumazamiziba uarir akurvaghsɨ nɨn dɨmtɨma nɨ me baraghan kogham, eghtɨ gɨn gumazamiziba nɨ dɨmdiam bareghan kogham.

Luk Osirizir Akar Aghuim 6:37

Iesus ua kamaghɨn mɨgei, “God ia tuisɨgh ian ikuraghan koghsɨ, ia munen araziba tuisɨghan markɨ, egh suam men araziba ikufi. Ivezir kuram anɨngan markɨ, eghtɨ God ivezir kuram ia danighan kogham. Ia men arazir kuraba gɨn amadaghtɨ, God ian arazir kuraba gɨn amadagham.

Onger Akaba 18:25

Ikiavɨra Itir God, gumazir nɨ ataghɨrazir puvatɨzim, nɨ uaghan an ataghɨrazir puvatɨ. Gumazir nɨn damazimɨn derazim, nɨ uaghan arazir aghuim an akakasi.

Maika 7:18

O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.

Onger Akaba 85:10

Dughiar kamɨn, gumazamiziba uarir apangkuvigh, guizɨn arazir aghuibar zurara uarir amuam. Me Godɨn damazimɨn deragh ikɨ, navir amɨrizimɨn ikɨ, deragh uari ko dapiagh ikiam.

Jeremaia 9:24

Gumazim bar akueghsɨ, a bizir bar vamɨra bagh bar akongegham. Bizir kam kamakɨn: Kɨ Ikiavɨra Itir God, a na gɨfozir bizim bagh bar akongegh. Kɨ zurara nguazimɨn gumazamiziba bar men apangkufi. Egha kɨ zurara guizɨn arazimɨn gɨn ghua arazir aghuibar me gami. Kɨ arazir kam damuasa bar akonge. Kɨ Ikiavɨra Itir God, kɨ kamaghɨn mɨkemegha gɨfa.”

Gumazir Dapaniba 1:7

Ezɨ Adoni Besek kamaghɨn mɨgei, “Kɨ fomɨra atrivir 70plan dafarir puzir amebaba ko suer puziba aghorezɨma, me dagher daghatevir muziarir nan dakozimɨn apengan iriba isa da api. Ezɨ datɨrɨghɨn kɨ me gamizir arazimra, God a ikaragha an na gami.” Ezɨ Judaba Adoni Besek inigha ghua Jerusalemɨn ikia ghuav iti an areme.

Esekiel 33:11

Nɨ me mɨkɨm suam, kɨ Ikiavɨra Itir Godɨn Ekiam, kɨ zurara angamɨra ikia mamaghɨra ikia, egha kɨ uan ziamɨn bar guizbangɨra ia mɨgei: Arazir kurabagh amir gumazamiziba ariaghɨrima, nan navim derazir puvatɨ. Kɨ kamaghsua, me arazir kuraba ategh angamɨra ikiasa kɨ ifonge. O Israelɨn ikɨzim, ia oragh! Arazir kurar ia amiba, ia da atakigh, egh ua na bagh izɨ. Ia tizim bagha ovengasa?

Jenesis 42:21

Egha Josepɨn aveghbuaba a ko ikiavɨra ikia, uarira uariv gɨa ghaze, “Bar guizbangɨra, e uan aveghbuam pazava a gamigha egha osɨmtɨzir kam iti. E an gari an en diava arava uabɨn akurvaghasa en gari, ezɨ e an akam baraghizir puvatɨ. Kamaghɨn osɨmtɨzir datɨrɨghɨn e batozir kam, en arazir kurar kam ikara.”

Jems 5:4

Ia deravɨra oragh, ingangarir gumazamiziba ian azenibar dagheba isi, ezɨ ia me gifaragha men ivezir mabar anogoroke. Ezɨ ingangarir gumazamizir kaba me uan ivezibagh nɨghnɨgha, Godɨn dɨa ghaze, a ian arazir kuraba ikarvagham. Ezɨ ingangarir gumazamizibar dɨmdiam, Ekiar Gavgaviba Bar Itim, a baraki.

Luk Osirizir Akar Aghuim 16:25

“Ezɨ Abraham an dɨmdiam ikaragha ghaze, ‘Otarim, nɨ bizir kam uam a ginɨrɨgh, nɨ angamɨra itir dughiamɨn, nɨ bizir aghuiba iti. Ezɨ Lasarus bizir kuraba iti. Ezɨ a datɨrɨghɨn kagh deraghavɨra itima nɨ mɨzazir kuram isi.

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.

2 Eghaghaniba 28:11

Ia oragh. Guizbangɨra, Ikiavɨra Itir God bar puv ian anɨngaghegh bar puv ia damigham. Kamaghɨn amizɨ, ia datɨrɨghɨn uan namakar ia kalabuzibar mɨn arɨghiziba ateghtɨ, me uamategh uan nguibabar mangɨ.”

Aghuzir Akaba 22:16

Gumazim arazir kuramɨn onganarazibagh amir gumazamizibagh amuava, men biziba isi, ko gumazir dagɨaba izɨvazir gumazim bizir aghuim isa a ganɨdim, gumazir kamaghɨn amimning, uaning gumazir onganarazibagh amimningɨn mɨn ikiam.

Jems 3:17

Ezɨ gumazamizir fofozir aghuir Godɨn Nguibamɨn izezim iniziba, me arazir kabagh ami: Faragha zuir arazim, me zurara nɨghnɨzir zuezibar gɨn zui. Egha me igharaz darazi ko navir vamɨran iti, egha gumazamizibar asughasusi. Egha me gumazamizir igharazibar akaba barasi. Me igharaz darazir apangkuva egha arazir aghuibar me gami. Egha me arazir kamra gumazamiziba bar me gami. Egha me arazir aghuibar gɨn ghua ifarir puvatɨ. Me bar guizbangɨra dar gɨn zui.

Gumazir Dapaniba 5:27

Ezɨ Sisera tevimning apɨrigha soroghafariba kunigha, Jaelɨn dagarimningɨn boroghɨn irɨghav iti, gumaka a uam angamɨra itir puvatɨ. A bar aremegha gɨfa.