Hosea 9:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Efraimia boriba batan kogham, mati temem an biba mɨsigha gɨfa, egh ua ban kogham. Eghtɨ tarazi boriba batɨtɨ, kɨ borir me bar ifongezir kabav soghtɨ, me arɨmɨghiregham.”

Hosea 9:16 ပူးပေါင်းရင်းမြစ်များ

Esekiel 24:21

Nɨ Israelɨn ikɨzimɨn mangɨ akar kam me mɨkɨm. Kɨ Ikiavɨra Itir Godɨn Ekiam, kɨ kamaghɨn mɨgei: Ia nan Dɨpenim bagha bar akongegha ghaze, a bar deragha gavgafi. Ia Dɨpenir kam bar faraghvɨrama anerɨgha bar a gifonge. Ia uan navir averiabar aven, zurara a baghavɨra iti. Ia bizir kam gɨfogh, kɨ a gasɨghasightɨ a bizir kɨnimɨn mɨn otogham. Eghtɨ ian borir Jerusalemɨn ikiavɨra itiba, me mɨdorozimɨn aven arɨmɨghiregham.

Aisaia 5:24

Ia Ikiavɨra Itir Godɨn Gavgaviba Bar Itimɨn akaba baraghan aghua. Ia akɨrim ragha Israelian Godɨn Bar Zuezimɨn Akar Gavgavibagh asaragha gɨfa. Kamaghɨn amizɨ, ia dadar mɨsɨngizibar mɨn ikuvigham, mati dar biba kurigha gɨvazɨ, dar akɨmariba asiaghira nguazim gɨra, mɨnezibar mɨn mɨgha ghue. Osɨmtɨzir kam bar zuamɨram ia batogham, mati avim isia ghua dadar mɨsɨngizibagh irɨgha zuamɨra isigha gɨfa.

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Hosea 8:7

Men arazir kuram, mati pura amɨnir muziarim, eghtɨ arazir kurar kamra, gumazamizibagh asɨghasɨgham, mati amɨnir ekiam iza gumazamizibagh asɨghasɨsi. Egha mati witɨn azenir dagheba mɨsevir puvatɨzim, ezɨ bretbar ingaramin witba puvatɨ. Eghtɨ witɨn kurar kam dagher bar muziariba mɨseveghtɨ, kantrin igharazimɨn gumazamizibara izɨ dar amam.

Hosea 5:11

Efraimia uan atrivimɨn akar gavgavimɨn gɨn ghua marvir guar kɨnibar ziaba fe. Kamaghɨn amizɨ, kɨ kotɨn aven me tuisɨgh ivezir kuram me danɨngɨva me dɨkabɨnam.

Aisaia 40:24

Atriviba mati, akɨmarir igiaba gumazamiziba datɨrɨghɨra da opari, ezɨ dar biba tɨghar nguazimɨn magɨram. Eghtɨ Ekiam amɨnir fefem amadaghtɨ, a izamin dughiamɨn, me zuamɨra mɨsɨngam. Eghtɨ amɨnim mɨnezir muziarimɨn mɨn, me giveragh mangɨgham.

Jopɨn Akɨnafarim 18:16

Gumazamizir arazir kurabagh amiba bar gɨvagham, mati temem, an biba ko an aguaba mɨsɨngizɨ a bar mɨsɨngi.

Jenesis 41:23

Ezɨ gɨn 7plan raizɨn dapanir igharaziba otifi. Amɨnir mam danganir mɨsɨngizimɨn otogha iza dagh apongezɨ da isigha, bar sufi.

Godɨn Araziba 32:25

Eghtɨ mɨdorozir ekiam me batoghtɨ, apaniba men gumazir igiaba ko, guivir igiaba, borir aghɨriba, ko gumazir ghuriba, me tuavir toribar me mɨsoghɨrarightɨ me bar arɨmɨghiregham. Eghtɨ marasi, uan dɨpenibar aven muegh bizir kam baragh, puvɨra atiatingam.