Hosea 9:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Tarazi boriba batɨtɨ, kɨ me mɨsueghtɨ, me arɨmɨghiregham. Kɨ tav ateghtɨ a ikian kogham. Kɨ gumazamiziba ateghamin dughiamɨn, bizir kuraba tintinimɨn me bativam. Mevzika!”

Hosea 9:12 ပူးပေါင်းရင်းမြစ်များ

Hosea 7:13

“Mevzika! Me bar ikuvigham. Me na ategha gɨfa, egha nan akam batosi. Kamaghɨn amizɨ, kɨ me gasɨghasigham. Kɨ faragha men akurvaghasava amima, me nan moga na gifari.

Hosea 9:16

Efraimia boriba batan kogham, mati temem an biba mɨsigha gɨfa, egh ua ban kogham. Eghtɨ tarazi boriba batɨtɨ, kɨ borir me bar ifongezir kabav soghtɨ, me arɨmɨghiregham.”

Godɨn Araziba 32:25

Eghtɨ mɨdorozir ekiam me batoghtɨ, apaniba men gumazir igiaba ko, guivir igiaba, borir aghɨriba, ko gumazir ghuriba, me tuavir toribar me mɨsoghɨrarightɨ me bar arɨmɨghiregham. Eghtɨ marasi, uan dɨpenibar aven muegh bizir kam baragh, puvɨra atiatingam.

Godɨn Araziba 31:17

Eghtɨ kɨ dughiar kamɨn bar men anɨngaghegham. Egh kɨ me ategh, egh uan guam bar men modogham. Eghtɨ me bar moghɨra ikuvigham. Eghtɨ bizir kurar avɨrim me bativtɨ, me dar gan fogh suam, ‘God ti e ko itir puvatɨzɨ, bizir kurar kaba e batifi.’

Hosea 9:13

Egha Hosea kamaghɨn mɨgei: “O Ikiavɨra Itir God, Efraimia faragha, mati Tairɨn nguibar ekiamɨn mɨn bar deravɨra iti. Ezɨ kɨ garima, apaniba izava Tair gasɨghasɨki. Eghtɨ arazir kam uaghan Efraimian otivam. Apaniba izɨ men boribav soghtɨ me arɨmɨghiram.

Jeremaia 15:7

“Judan gumazamiziba uan arazir kurabagh irazir puvatɨ. Kamaghɨn amizɨ, kɨ Judan nguibaba vaghvagha dar gumazamiziba bar me inigha, me givaragha me batoghezɨ me ghuezɨ moghɨn, mati amɨnim witɨn afezibagh ivarazɨ da ghue. Kɨ uan gumazamiziba bar me gasɨghasigha men boribav soghezɨ me ariaghire.

Jopɨn Akɨnafarim 27:14

Gumazir kaba borir avɨriba ikɨtɨ, apaniba borir kabav mɨsoghtɨ me arɨmɨghiram. Egh me zurara dagheba puvatɨgham.

2 Atriviba 17:23

Ezɨ gɨn Ikiavɨra Itir God bar men aghua, egha me batoghezɨ me uan kantrin saghon ghue. Ikiavɨra Itir Godɨn arazir kamɨn mɨngarim kamakɨn, God dughiar avɨriba ikiangsɨzir akaba isa Israelia bagha uan akam inigha izir gumazibagh anɨngi. Kar an ingangarir gumaziba, ezɨ me arua Israelia mɨgɨavɨra iti, ezɨ me me baraghan aghua. Kamaghɨn amizɨ, Asiriaba iza Israelia mɨsogha me abɨragha, me inigha uan kantrin ghue, ezɨ me kantrin kamɨn ikiavɨra iti.

2 Atriviba 17:18

Ikiavɨra Itir God bar Israelian anɨngaghegha, men guabar ganan aghua. Kamaghɨn amizɨ, a men nguazimɨn me batoghezɨ, me ghua saghon itir kantrin ghu. Ezɨ Judan anabamɨn gumazamiziba uan nguazimɨn ikiavɨra iti.

1 Samuel 16:14

Dughiar kamɨn Ikiavɨra Itir Godɨn Duam Sol ataghizɨma, Ikiavɨra Itir God, duar kurar mam amadazɨ a ghua an nɨghnɨzim gasɨghasɨghizɨma a bar atiatingi.

Gumazir Dapaniba 4:16

Ezɨ Barak men karisba ko mɨdorozir gumazibar agɨragha ghua, Harosetɨn Hagoimɨn nguibamɨn oto. Egha Barakɨn mɨdorozir gumaziba, Siseran mɨdorozir gumazibav soghezɨ me bar ariaghire, men tav ua itir puvatɨ.

Godɨn Araziba 28:32

Ia pura gantɨ, ikɨzir igharazibar gumaziba izɨ ian otariba ko guiviba inigh mangam. Eghtɨ ia zurara dughiabar me uamateghsɨ me bagh tuavir akabar gan mangɨ ian damaziba puvɨra ia damuam. Egh ia ua boriba inigh izɨsɨ bizitam damuva avegham.

Dɨboboniba 26:65

Ikiavɨra Itir God fomɨra kamaghɨn mɨgɨa ghaze, “Gumazir datɨrɨghɨn itir kaba bar moghɨra gumazamiziba puvatɨzir danganimɨn arɨghiregham.” Kamaghɨn amizɨ, men tav itir puvatɨ, me bar ariaghire. Ezɨ gumazir pumuningra, Jefunen otarim Kalep ko, Nunɨn otarim Josua, aning uaningra ikia angamɨra ikiavɨra iti.

Jeremaia 6:8

O Jerusalemia, ia nan akam barakigh. Puvatɨghtɨ, kɨ zuamɨra akɨrim ragh ia gasaragham. Egh kɨ ia damightɨ ia nguibar soriam gavaghtɨ, gumazamiziba puvatɨgham.”

Malakai 2:12

Kɨ kamaghsua, Ikiavɨra Itir God gumazir kamagh amiba bar me agɨvaghtɨ, me ko men ikɨziba sara ua Israelian gumazamizibar tongɨn ikian kogham. Kamaghɨn amizɨ, men tav ua Ikiavɨra Itir Godɨn Gavgaviba Bar Itim bagh ofaba inigh mangan kogham.

Dɨboboniba 14:34

Ian gumazir dapaniba 40plan aruebar nguazir aghuim getigha, moga an gani. Eghtɨ ia uan arazir kuraba bangɨn, ivezir kuram inivɨra ikɨ mangɨtɨ, 40plan azeniba gɨvagham. Kɨ 40plan aruer kabagh nɨghnɨgha da mengegha 40plan azenibar ivezir kuram ia danɨngam. Eghtɨ ia kamaghɨn ganigh na gɨfogham, arazir ia amir kaba, kɨ bar dagh ifongezir puvatɨ.

Godɨn Araziba 28:18

“God, pazɨ ia damuva, borir avɨriba ia danighan kogham. Eghtɨ ian azeniba bar ikuvightɨ, dagher avɨriba ikian kogham. Eghtɨ ian bulmakauba ko sipsipba otɨ avɨrasemeghan kogham.