Hosea 9:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Efraimian gavgavim mangɨ gɨvagham, mati kuarazim mɨghegha ghu. Eghtɨ men amiziba naviba asang boriba batan kogham.

Hosea 9:11 ပူးပေါင်းရင်းမြစ်များ

Hosea 10:5

Golɨn bulmakaun nedazir Betelɨn itir kam, Samarian nguibar ekiamɨn itir gumazamiziba, me a bagh akongɨva arangam. Guizbangɨra, apaniba an kurkaziba adegham. Kamaghɨn amizɨ, ofa gamir gumaziba ko an gumazamiziba bar, me an apangkuv egh aziam.

Hosea 9:14

O Ikiavɨra Itir God, nɨ ti ivezir manam me danɨngam? Nɨ men amizibar amutɨ me naviba asangan kogham. Nɨ amizir borir iririviba itiba men oter eboribar amightɨ da mɨsɨngigh, eghtɨ me oteba boribar anɨngan kogham.”

Hosea 4:7

“Ia ofa gamir gumaziba bar avɨraseme, egha kamaghɨn ia arazir kurar avɨrim gami. Ia datɨrɨghɨn ziar ekiaba iti. Eghtɨ kɨ ia abɨraghtɨ, ia bar aghumsigham.

Godɨn Araziba 28:18

“God, pazɨ ia damuva, borir avɨriba ia danighan kogham. Eghtɨ ian azeniba bar ikuvightɨ, dagher avɨriba ikian kogham. Eghtɨ ian bulmakauba ko sipsipba otɨ avɨrasemeghan kogham.

Luk Osirizir Akar Aghuim 23:29

Gɨn dughiatam otoghtɨma, me kamaghɨn mɨkɨm suam, ‘Amizir furabaghatiba ko amizir tɨghar boriba batamiba ko, amizir oteba boribagh anɨngizir puvatɨziba, me bar akuegham.’

Amos 1:13

“Ia oragh! Ikiavɨra Itir God Akar Gavgavir kam ia ganɨga ghaze, Amonian kantrin gumazamiziba, arazir kurabagh amua ghuavɨra iti. Me ua nguazitaba iniasa mɨsosi, egha Gileatɨn Distrighɨn itir amizir naviba adaiba, me men naviba abɨzi da bɨaghiri. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Fofozir Gumazim 6:3

Eghtɨ gumazitam borir 100pla ikɨva, nguazir kamɨn azenir avɨribar ikɨ, egh gumazir kam uan bizir aghuir kaba bagh bar akuegh ikian kogh, egh gɨn aremeghtɨ, me deragh a bagh mozim gɨkuigh anefaghan koghtɨ, arazir kam, a bar derazir puvatɨ. Kɨ guizbangɨra mɨgei, borir amebamɨn navimɨn aven aremezim, a gumazir azenir avɨribar nguazir kamɨn itim gafira.

Onger Akaba 58:8

Nɨ me damutɨ, me demdembar mɨn arɨmɨghiregh puvatɨgh. Nɨ me damightɨ, me borim amebamɨn navir averiamrama aremezɨ moghɨn ikɨ. Egh amebam gɨn a bateghtɨ an aruemɨn ganighan kogham.

Jopɨn Akɨnafarim 18:5

Gumazamizir arazir kurabagh amiba, God me gasɨghasɨsi. A gumazamizir kaba agefi, mati gumazim lam amunge.

Godɨn Araziba 33:17

Josepɨn anabam, mati bulmakaun atiar apurir komɨn pumuning itimɨn mɨn bar gavgafi. An otarir mam Manase, an ovavir borir bar avɨrim, me bar gavgavigha, mati bulmakaun kamɨn komɨn mam. Ezɨ an otarir igharazim Efraim, an ovavir borir bar avɨrim, me bar gavgavigha, mati bulmakaun kamɨn komɨn igharazim. Egh aning uan komɨn kamningɨn ikɨzir igharazibagh iniv me akuntɨ, me saghon tintinibar nguazir kamɨn mɨkebaba bar dagh iregham.”

Jenesis 49:22

“Josep nɨ mati wainɨn ikarɨzir aghuim, a dɨpar atuir mamɨn boroghɨn otogha aghua ovɨziba bati. Egha an aghariba ruarigha dɨvazim avara.

Jenesis 41:52

Egha a uaghan ghaze, “God borim danganir kɨ osɨmtɨziba itimɨn na ganɨngi.” Egha uan otarir dozim, ziam “Efraim,” a gatɨ.

Aisaia 17:3

Apaniba, kantri Israelɨn nguibar gavgavibagh asɨghasigh, egh uaghan Damaskusɨn gumazamizibagh gativagham. Datɨrɨghɨn kantri Israel ko Siria, aning ziar ekiamning itima, gumazamizir avɨrim aningɨn iti. Eghtɨ kantrin kamning bar ikuvightɨ, gumazamizir varazira ikiam. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Hosea 5:9

Dughiar kamra ia Efraimia bar ikuvigham. Kɨ ia mɨgei, guizbangɨra, bizir kam kɨ mɨkemezɨ moghɨn, a Israelɨn anababar tongɨn otogham.

2 Samuel 6:23

Ezɨ bizir kam bangɨn, Solɨn guivim Mikal, a borir tam batezir puvatɨgha ikia ghuava areme.