Hosea 7:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Men nɨghnɨzir me bizir kuram damuasa amim, mati bret tuer danganimɨn mɨn fei. Ezɨ dɨmagarimɨn gumazir danganir kamɨn bretba tuem, an akui, egha me mati avivkɨabar mɨn isi, ezɨ mɨgharimram otifi. Egha mɨzarazimɨn da bar puvɨra isi.

Hosea 7:6 ပူးပေါင်းရင်းမြစ်များ

Maika 2:1

Ia gumazir dɨmagaribar akui puvatɨgha, arazir kurabar amuasa nɨghnɨgha itiba, amɨnim tirazɨ arazir kurar kam damuamin tuavim otozɨ, ia zuamɨrama a gami. Ia kamaghɨn amir gumazamiziba iavzika! Ia bar ikuvigham.

Hosea 7:7

“Me bret tuamin danganimɨn mɨn puvɨra anɨngaghegha, gumazir dapaniba ko atriviba vaghvagha me mɨsoghezɨ me ariaghire. Men arazir kurar kam men kantrin aven itima, ezɨ gumazitam nan dia na ko mɨgeir puvatɨ.”

Hosea 7:4

Me bar poroghamiba tintinibar uari bakɨa uari koma akuir gumazamiziba. Men navir averiaba arazir kam bagha isi, mati bret tuamin danganimɨn mɨn iti. Bretba tuer gumazim avim atɨzɨ a isi, egh aneteghtɨ a ikɨtɨ bret buigham. Bret buigh gɨvaghtɨ, an avim giveraghtɨ a dafogh isi bar ekevegham. Men arazim a kamaghɨn zui.

Aghuzir Akaba 4:16

Gumazir kuraba arazir kuratam damusɨ nɨghnɨgh egh dakuighan kogham. Me arazir kuratam gumazir igharazitam damighvɨrama, egh me deraghvɨra dakuam.

Onger Akaba 21:9

An azenaram otogh izamin dughiamɨn, avim bizibar isia da gevi moghɨn, a me agɨvagham. Guizbangɨra, Ikiavɨra Itir God puv men ataram, mati gumazim bizim tuvaremezɨ a bar iraghuzɨ moghɨn, God me agɨvagham. An anɨngagharim avimɨn mɨn men isi bar me gasɨghasigham.