Hosea 7:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Me bar poroghamiba tintinibar uari bakɨa uari koma akuir gumazamiziba. Men navir averiaba arazir kam bagha isi, mati bret tuamin danganimɨn mɨn iti. Bretba tuer gumazim avim atɨzɨ a isi, egh aneteghtɨ a ikɨtɨ bret buigham. Bret buigh gɨvaghtɨ, an avim giveraghtɨ a dafogh isi bar ekevegham. Men arazim a kamaghɨn zui.

Hosea 7:4 ပူးပေါင်းရင်းမြစ်များ

Jeremaia 9:2

Kamaghɨn deragham, kɨ ti gumazamiziba puvatɨzir danganitamɨn mangɨ tuavir mɨriamɨn averpenir gumaziba daru dakuamin tamɨn ingarigh, an aven ikiam. Nan gumazamiziba bar, Godɨn itir nɨghnɨzir gavgavimɨn arazim anetegha, asebar gɨn ghua arazir mɨzɨrɨzibagh ami. Kamaghɨn amizɨ, kɨ ti me ategh mangɨ saghon ikiam.

Jems 4:4

Ia God ataki, mati amizim uan pam ategha ghua gumazir igharaziba isava akui. Ia orakigh! Ian tav nguazimɨn arazibagh ifonge, a Godɨn apanim. Ezɨ ia ti bizir kam gɨfozir puvatɨ, o? Gumazim o amizim nguazimɨn arazibar namakam gami, a Godɨn apanimɨn oto.

Hosea 4:12

Egha me akar mogomeba azenim darɨghasa, pura ter otevibar ingarizir marvir guabar azangsɨsi. Me ghaze, ter otevir kaba, bizir me foghasa ifongezibar gun me mɨkɨmam. Me na ategha gɨfa, egha asebar gɨn zui, mati amizir mam tintinimɨn gumaziba koma akui.

Hosea 4:2

Me akar kurabar gumazamizibav gei. Me uarigh ifarava, gumazamizibav sozi me ariaghiri, egha igharazibar biziba okɨava, egha poroghamiba uari bakeir arazim gami. Me arazir kurar avɨrim saram ami, egha gumazamizibav suagharɨgha ghuavɨra iti. Ezɨ arazir kam bar ekevegha ghuavɨra iti.

1 Korin 5:6

Ia uari uan ziaba fe, kar arazir aghuim puvatɨ. Ia ti kamaghɨn fozir pu, yisɨn muziarim, a bret damuamin plaua bar a gamima, a bui?

Jeremaia 23:10

Nguibar kamɨn gumazamizir avɨrim Ikiavɨra Itir God ataki, egha amiziba ko gumaziba uan paba ko amuiba ataghɨragha, tintinibar uari isava akui. Gumazamiziba zurara tuavir kurabar gɨn zui, egha me uan gavgaviba isa puv arazir kuramra anɨga, gumazamizir igharaziba paza me gami. Kamaghɨn amizɨ, Ikiavɨra Itir God, uan akamɨn gɨn ghua nguazir kam gasɨghasɨki. Ezɨ graziba bar mɨsiga gɨfa, ezɨ nguazim azi. Kɨ Ikiavɨra Itir God, kɨ mɨkemegha gɨfa.”

Hosea 4:10

Ia akɨrim ragha Ikiavɨra Itir God gasaragha pura asebar gɨn zui. Kamaghɨn amizɨ, ia dagher aghuibar amɨva, egh izɨvaghan kogham. Ia borir avɨriba inisɨ, asebar ziaba fɨva, poroghamiba uari bakeir arazim damuva, egh ia boriba puvatɨgh kamaghɨra ikiam.”

Jeremaia 9:1

Kɨ ghaze, Kamaghɨn deragham, nan dapanim dɨpamɨn mɨn ikɨtɨ, nan damazimning mozir dɨpar zurara anaga ivemarimɨn mɨn ikɨ. Eghtɨ kɨ arueba ko dɨmagaribar nan gumazamizir kɨ bar ifongeziba, apaniba mɨsoghezɨ ariaghireziba, me bagh aziva arangvɨra ikiam.