Hosea 7:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egha Ikiavɨra Itir God kamaghɨn mɨgei: “Gumazamizir maba tintinimɨn arazir kurabar amuasa akam akɨri, egha atrivim ko an gumazir dapaniba apezepera me gifari.

Hosea 7:3 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 1:32

Me fo, Godɨn Akɨnafarimɨn itir Akar Gavgavim kamaghɨn mɨgɨa ghaze, “Gumazamizir kamaghɨn amiba, me ivezir kuram inigh arɨmɨghiregham.” Gumazamizir kaba Godɨn Akar Gavgavim gɨfogha, me a batogha arazir kurar avɨribagh ami. Egha uaghan me arazir kurar kabarama amir pu. Puvatɨ. Me arazir kurar kabagh amir gumazamizir igharazibar ziaba fe.

Maika 7:3

Gumazamizir bar arazir kurabagh fogha dagh amiba, me zuraram arazir kurabagh ami. Gavmanɨn ingarir gumaziba ko, jasba kotɨn dughiamɨn, me gumazamizibar azangsɨzima, me moga dagɨabar me giveza me gakaghorima, me paza kotiaba barasi. Gumazir ziar ekiaba itiba pura uan ifongiabar jasbav geima, jasba guizɨn arazim ategha pura gumazir kurar kabar ifongiabar gɨn zui.

1 Jon 4:5

Gumazamizir kaba, me nguazir kamɨn gumazamiziba. Ezɨ men mɨgɨrɨgɨaba nguazir kamɨn mɨgɨrɨgɨaba. Ezɨ nguazir kamɨn gumazamizir igharaziba me barasi.

Maika 6:16

Atrivim Omri ko an otarim, Atrivim Ahap, ia aningɨn arazir kurabar gɨn ghuezir gumazamiziba, aning faragha amizir araziba, ia datɨrɨghɨn aningɨn gɨn ghua dagh ami, kamaghɨn amizɨ, kɨ ia gasɨghasightɨ, Kantrin Igharazibar Gumazamiziba, akɨrim ragh ia gasɨ dɨbovir akabar ia mɨkɨmam. Eghtɨ ia nan gumazamizir nguibar ekiar kamɨn itiba bar moghɨram aghumsigham.”

Hosea 7:5

Atrivim isar ekiam gamir dughiamɨn, a uan gumazir dapaniba ko, me wainɨn dɨpar bar avɨriba ame. Egha me bar onganigha arazir onganibagh amua, dɨbovir gumaziba ko arazir kuram damuamin akam mɨsosi.

Hosea 5:11

Efraimia uan atrivimɨn akar gavgavimɨn gɨn ghua marvir guar kɨnibar ziaba fe. Kamaghɨn amizɨ, kɨ kotɨn aven me tuisɨgh ivezir kuram me danɨngɨva me dɨkabɨnam.

Hosea 4:2

Me akar kurabar gumazamizibav gei. Me uarigh ifarava, gumazamizibav sozi me ariaghiri, egha igharazibar biziba okɨava, egha poroghamiba uari bakeir arazim gami. Me arazir kurar avɨrim saram ami, egha gumazamizibav suagharɨgha ghuavɨra iti. Ezɨ arazir kam bar ekevegha ghuavɨra iti.

Jeremaia 37:19

Nɨn akam inigha izir gumazir maba kamaghɨn akam akunigha ghaze, ‘Babilonɨn atrivim izɨ nɨ ko kantrin kamɨn mɨsoghan kogham.’ Egha datɨrɨghɨn akam inigha izir gumazir kaba managh iti.

Jeremaia 9:2

Kamaghɨn deragham, kɨ ti gumazamiziba puvatɨzir danganitamɨn mangɨ tuavir mɨriamɨn averpenir gumaziba daru dakuamin tamɨn ingarigh, an aven ikiam. Nan gumazamiziba bar, Godɨn itir nɨghnɨzir gavgavimɨn arazim anetegha, asebar gɨn ghua arazir mɨzɨrɨzibagh ami. Kamaghɨn amizɨ, kɨ ti me ategh mangɨ saghon ikiam.

Jeremaia 5:31

Kɨ garima, akam inigha izir gumaziba, uari uan akaba akuri, egha gumazamizibagh ifari. Ezɨ ofa gamir gumaziba, gumazamizibagh ativagha akam inigha izir gumazibar akar ifavarir kabar gɨn zui. Ezɨ nan gumazamiziba arazir kam bar a gifonge. Kɨ mɨzazir kuram ia gaseghtɨ ian arazir kurar kam gɨvagham. Eghtɨ dughiar kamɨn men tinara ian akuragham?”

1 Atriviba 22:13

Ezɨ, gumazir dapanir Ahap Mikaia iniasa amadazɨ ghuzim, an a inigha izi. Aning atrivim boroghɨn iza, gumazir dapanir kam Mikaia mɨgɨa ghaze, “Akam inigha izir gumaziba bar moghɨra ghaze, atrivim mɨdorozimɨn Siriaba abɨragham. Kamaghɨn amizɨ, nɨ uaghan kamaghɨra, akar atrivim bar akueghamin tamɨn atrivim mɨkɨm.”

1 Atriviba 22:6

Ezɨ Atrivim Ahap 400plan akam inigha izir gumazibar diazɨ me izima a men azara, “Kɨ mangɨ Ramotɨn nguibar ekiam uam a iniam, o puvatɨgham?” Ezɨ me ghaze, “A deragham, nɨ mangɨ. Ekiam nɨn akuraghtɨ, nɨ me abɨragham.”

Hosea 10:13

Ezɨ ia kamaghɨn amir pu. Puvatɨ, ia mati gumazim azenimɨn ingari, ezɨ ian azenibar, ia arazir kuram ko ifavarir arazim opari. Kamaghɨn amizɨ, ian azeniba, dagher kuraba dar aghui, ezɨ ia da api. “Ia ti ghaze, ian mɨdorozir gumazir avɨrim ian akuragham. Ia ghaze, ia deravɨra ikiamin tuavim gɨfogha gɨfa. Ezɨ puvatɨ.

Hosea 11:12

Ikiavɨra Itir God ua kamaghɨn mɨgei: “Efraimian gumazamiziba bar dughiar avɨribar na gifari. Kɨ Godɨn Bar Zuezim, kɨ zurara uan akar dɨkɨrɨzimɨn gɨn zui. Ezɨ Judaba nan apengan ikia gavgafi.”