Hosea 7:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Kɨ men arazir kuraba gɨn amadaghan kogham. Puvatɨgham. Ezɨ me bizir kam gɨnɨghnɨzir puvatɨ. Men arazir kuram me avara, ezɨ kɨ zurara men arazir kurar kamra gari.”

Hosea 7:2 ပူးပေါင်းရင်းမြစ်များ

Luk Osirizir Akar Aghuim 12:2

Moegha itir biziba, da azenim giregham. Akar aven itiba, gumazamiziba dagh fogham.

Onger Akaba 90:8

Nɨ en arazir kuraba bar adar gari. En arazir kurar e mogava amiba, nɨ bar ada isa azenim garigha gɨfa.

Amos 8:7

Ikiavɨra Itir God, a Jekopɨn ovavir boribar God, an akam akɨrigha ghaze, Ia Israelia, ia amir arazir kurar kaba, kɨ da bakɨnɨghnighan kogham.

Jeremaia 14:10

Ezɨ Ikiavɨra Itir God, gumazamizibagh nɨghnɨgha ghaze: “Me pura tintinibar daruasa bar ifuegha, deragha uan daroribar garir puvatɨgha akɨrim na gasara. Ezɨ kɨ Ikiavɨra Itir God, kɨ arazir kam bagha bar me gakongezir puvatɨ. Kɨ datɨrɨghɨn men arazir kurar kabagh nɨghnɨgh, me ikaragh ivezir kuram me danɨngam.”

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Hibru 4:13

Ezɨ bizir God ingariziba, tam Godɨn damazimɨn modoghan kogham. Bar puvatɨ. Ezɨ biziba bar kuiaghiregha Godɨn damazimɨn bar azenara ikiam. Eghtɨ Godra arazir e amiba tuisɨghtɨma e dar a geghanam.

1 Korin 4:5

Kotiamɨn Dughiam tɨghar otivam. Kamaghɨn, ia gumazamizir igharazibar araziba tuisɨghan markɨ. Ia Ekiam izamin dughiam mɨzuam. A bizir mɨtarmemɨn mueghav itiba inigh angazangarimɨn dar atɨgham. Egh a gumazamiziba bar men navir averiabar itir nɨghnɨziba, azenim darɨgham. Eghtɨ dughiar kamɨn, God bar vaghvagh e mɨkɨm suam, en ingangarim deraz, o ikufi.

Hosea 9:9

Ia arazir kuram gamuavɨra iti, mati ian inazir afeziaba fomɨra Gibean nguibar ekiamɨn amizɨ mokɨn. Kamaghɨn amizɨ, God ian arazir kurabagh nɨghnɨgh, ia ikarvagh ivezir kuram ia danɨngam.

Jeremaia 32:19

Nɨ bizir aghuibar amuasa nɨghnɨsi. Nɨ gavgavim ikia, egha nɨ ingangarir ekiabagh ami. Nɨ gumazamiziba amir biziba nɨ bar adar gari. Egha nɨ vaghvagha gumazamiziba amir araziba tuisɨgha, arazir me amibar ivezimra ikarvagh me ganɨdi.

Jeremaia 16:17

Me amir biziba bar nan modozir puvatɨ. Da bar nan damazimɨn azenara iti. Me uan arazir kuraba mongɨva avegham.

Jeremaia 4:18

Ia uari osɨmtɨzir kabagh amigha, tuavir kuramɨn ghu. Ezɨ bizir kam bagha ia bar osɨmtɨzir ekiam ini. Ian arazir kurabara ia gamima, ia mɨzazir kam isima, ian naviba bɨaghire.”

Aisaia 5:12

Ia isabagh amua, wain apava, gitaba ko buabav sogha, marvibagh ivia, ighiar guar avɨribagh ami. Egha ia arazir kaba bar dagh fo. Egha Ikiavɨra Itir God amir biziba, ia fofozim dar itir puvatɨ.

Onger Akaba 25:7

Kɨ uan igiamra ikiava amizir arazir kuraba, ko nan arazir akaba batoziba, nɨ dagh nɨghnɨghan markɨ. O Ikiavɨra Itir God, nɨ deragha na gamua bar nan apangkufi, kamaghɨn amizɨ nɨ na gɨnɨghnɨgh.

Onger Akaba 9:16

Ikiavɨra Itir God, guizɨn arazimɨn gumazamiziba tuisɨzir dughiamɨn, a uan arazir aghuim akakasi. Gumazamizir kuraba, igharaz darazigh asɨghasɨghasa amir biziba meraram asɨghasɨsi. (Nɨ akar kam gɨnɨghnɨgh kuarimɨn aven bar aghumra ighiam damu.) (Ighiam gamua an suiam atugha avughsegha ua ighiam gami.)

Hosea 8:13

Me ofan avɨribagh amua ofa gamir asɨzibar tuziba api. Ezɨ kɨ Ikiavɨra Itir God, kɨ ofan kabagh ifongezir puvatɨ. Kamaghɨn amizɨ, kɨ datɨrɨghɨn men arazir kurabagh inɨrɨgh, ivezir kuram isɨ me danɨngam. Kɨ me amadaghtɨ, me mangɨ ua Isipɨn kantrin otogh kalabuziabar mɨn ikiam.

Aisaia 1:3

Bulmakauba uan ghuavibagh fo. Ezɨ donkiba men ghuaviba dagheba me ganɨdi me apir danganibagh fo. Ezɨ nan gumazamiziba, Israelia, me kamaghɨn na gɨfozir puvatɨ, kɨ me geghufi. Ezɨ bulmakauba ko donkiba, dar fofozim bar men fofozim gafira.”

Onger Akaba 50:22

“Ia deraghvɨram oragh! Ia gumazamizir akɨrim ragha na gasaraziba. Ia kamaghɨn damutɨ, kɨ ia gasɨghasightɨ, gumazitam ian akuragh ua ia inighan kogham.

Jopɨn Akɨnafarim 34:21

“E managh zui, Godɨn damazim en araziba bar dar gari. Dughiaba bar, an damazim deravɨra en daroribar garavɨra iti.

Godɨn Araziba 32:29

Me ti nɨghnɨzir aghuiba ikiava, bizir me gasɨghasɨghamin kamɨn mɨngarim deragha a gɨfoghai. Ezɨ puvatɨ.

Dɨboboniba 32:23

Kɨ akar gavgavimɨn kamaghɨn ia mɨgei, ia uan akar dɨkɨrɨzimɨn gɨn mangan koghɨva, ia guizbangɨra Ikiavɨra Itir Godɨn damazimɨn arazir kuram gami. Ia kamaghɨn deravɨra fogh, Ikiavɨra Itir God ian arazir kurar kam bagh pazavɨra ia damigham.

Aisaia 44:19

Gumazim nɨghnɨzir aghuim ikɨ, arazir kam tuisɨgh egh kamaghɨn mɨkɨmam, ‘Kɨ temer otevir kabar mabar avim atɨ, egha uaghan bretba ko asɨziba tuegha da ame. Egh tizim bagh kɨ an otevir kam inigh, bizir bar kurar kamɨn marvir guamɨn ingarigh, uan tevimning apɨrigh an ziam fam?’ Guizbangɨra, gumazamizir onganir kaba, me nɨghnɨzir aghuiba puvatɨgh mɨgɨrɨgɨar katam damuan kogham.

Aisaia 26:16

O Ikiavɨra Itir God, nɨ uan gumazamiziba puv me gamima, men gavgaviba gɨfa. Egha me osɨmtɨzibar tongɨn ikia nɨ bagha iza osɨmtɨzir dafam sara sighsirir akabar nɨ ko mɨgei.

Jeremaia 17:1

Ikiavɨra Itir God kamaghɨn mɨgɨa ghaze, “Judaba, arazir kurar ia amiba kar ian arazir ia zurarama amiba da zurara ian ikɨvɨra ikiam. Mati gumazim tuizimɨn akar oteviba aghorezɨ moghɨn, ia dar uan navir averiar gavgavibar da osirigha, da isa ofa gamir dakozibar 4plan mɨkebabar, bulmakaun komba aghoregha da osiri.

Jeremaia 44:21

“Fomɨra ia ko, ian ovaviba, ko atriviba, ko gumazir dapaniba, ko gumazamizir igharaziba bar, ia Judan nguibaba ko Jerusalemɨn tuavibar ikia, aseba bagha ofan mɨgharir mughuriar aghuim zuibagh ami. Ezɨ ia ti ghaze, Ikiavɨra Itir God, ti ian arazir kabagh nɨghnɨzir puvatɨ, a? Puvatɨ. A deraghvɨram dagh fogha dagh nɨghnɨsi.

Hosea 4:9

Kɨ pazɨ gumazamizibar amightɨ, me ikuvigham. Eghtɨ ia ofa gamir gumaziba, men mɨrara ikuvigham. Kɨ ian arazir kurar ia amiziba ikarvagh pazɨ ia damuam.

Hosea 9:15

Egha Ikiavɨra Itir God ua kamaghɨn mɨgei: “Efraimia fomɨra Gilgalɨn ikia egha faraghavɨra arazir kurar kabagh ami. Ezɨ dughiar kamra, kɨ uaghan men anɨngagha men atari. Gumazamiziba arazir kurar avɨrim gamima, men gumazir dapaniba uaghan nan akaba batosi. Kamaghɨn amizɨ, kɨ uan dɨpenimɨn me batuegham. Egh ua me gifueghan kogham.

Hosea 12:2

Ikiavɨra Itir God Judaba tuisɨghamin mɨgɨrɨgɨam iti. Egh a Israelia amizir arazir kuram ikarvagh ivezir kuram me danɨngam.

Jona 1:2

“Niniven nguibar bar ekiam, an arazir kuram nan damazimɨn otogha gɨfa. Kamaghɨn amizɨ, nɨ datɨrɨghɨra mangɨ, akam akunɨva a gasɨva a mɨkɨm.”

Onger Akaba 10:11

Gumazir kuram kamagh nɨghnɨgha ghaze, “God ti arazir kurar kɨ amir kaba, mɨghɨgha dagh nɨghnɨzir puvatɨ. A uan damazimning dukuagha, nan garir puvatɨ.”

Esekiel 21:29

Ia Amonia irebamɨn mɨn garir bizir ifavariba ia dar gari, egha gɨn otivamin bizir ia mɨgeiba, da guizbangɨra puvatɨ. Ia ghaze, ia uari mɨdorozir sabar kamɨn suiragh, egh gumazir nan akaba batogha arazir kurabagh amibav soghɨrarɨgham. Ezɨ irebar kam, guizbangɨra puvatɨ. Bar guizbangɨra, ian arazir kuraba ikarvaghamin dughiam izegha gɨfa, ezɨ ia a damighan kogham.

Hosea 6:2

Dughiar pumuning o pumuning ko mɨkezim mangɨ gɨvaghtɨ, an e damutɨ e ghuamaghegham. A ti uam e feghtɨ, e an damazimɨn deravɨra ikiam.