Hosea 7:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Osɨmtɨzibar dughiabar, me uarir akurvaghasa na bagh izir pu. Puvatɨ, me aser gavgaviba puvatɨziba baghavɨra zui. Me paza zuir tuavir kam, a mati barir pir kuram. Men gumazir dapaniba uari fa ghaze, me gavgavim ikia uari uan apaniba mɨdorozimɨn me abɨnigham. Ezɨ puvatɨ. Me mɨdorozimɨn aven arɨmɨghiregham, eghtɨ Isipia puvɨra men ingaravakam.”

Hosea 7:16 ပူးပေါင်းရင်းမြစ်များ

Hosea 9:3

Egh ia Efraimia, ia uam Ikiavɨra Itir Godɨn nguazimɨn ikian kogham. Eghtɨ ian tarazi uamategh mangɨ Isipɨn kalabuziabar mɨn ikiam. Eghtɨ ian tarazi uaghan Asirian kantrin mangɨ kalabuziabar mɨn ikiam. Ia kantrin kamningɨn ikɨ dagher God anogoroghezibar amam.

Onger Akaba 78:57

Men inazir afeziaba faragha amizɨ moghɨn, me an akaba batogha nɨghnɨzir gavgavim dar itir puvatɨ. Me mati barir pim ikɨrazɨ, gumazim asi bariba ikɨzɨrɨgha zui.

Esekiel 23:32

Kɨ Ikiavɨra Itir Godɨn Ekiam, kɨ kamaghɨn mɨgɨa ghaze: “Kɨ bar pazavɨra nɨ damigham, kɨ paza nɨn avenemebam, gamizɨ moghɨn pazɨ nɨ damigham. Kɨ nɨ damightɨ nɨ ivezir kuram iniam, mati ivezir kuram itir kavɨn bar izɨvazir mam nɨ aneremam. Eghtɨ gumazamiziba bar nɨn gan nɨ dɨpov nɨn ingaravakam.

Onger Akaba 73:9

Me mɨzer otuaribar Godɨn uan Nguibamɨn itimɨn mɨgei. Me uarira uan ziaba fe, gumazamiziba men gɨn mangasa me arazir kam bagha bar gavgafi.

Hosea 9:6

Ia oragh! Gɨn osɨmtɨzir ekiam otoghtɨ, ia tintinibar arɨ mangegham. Eghtɨ Isipia izɨ ia batogh ia inigh mangɨtɨ, ia Isipɨn kantrin otivigh kalabuziabar mɨn ikiam. Egh ia ikɨ mangɨ arɨghireghtɨ, me uan nguibar ekiam Memfisɨn ian kuabar afegham. Ia uamategh uan nguibamɨn izeghan kogham. Puvatɨgham. Eghtɨ ian silvan dagɨaba ko dɨpeniba ko ian bizir aghuiba pura ikɨtɨ, ruarim aghung bar da avaragham.

Onger Akaba 12:4

Me kamaghɨn mɨgɨa ghaze, “E mɨkɨmsɨ ifongegh e mɨkɨmam. Gumazitam en anogoroghan kogham. Tinara e gativagh en ganam?”

Akar Mogomem 13:5

God asɨzir atiamɨn amamangatɨzɨ, an akam God gasava Godɨn ziamɨn tiraghtirazir gavgavim ikia, ghua 42plan iakɨnibar tu.

2 Pita 2:8

Gumazir aghuir kam Lot men tongɨn ikia egha men arazir bar kurabar gari. Egha dughiabar zurara men akar kuraba barasi. Ezɨ an navim deragha iti. Ezɨ a me Godɨn Araziba batozir arazim bagha an navim bar ikufi.

Jems 3:5

Ezɨ kamaghɨra, mɨzem uaghan bar suvigha en mɨkarzimɨn aven iti. Egha a zurara bar puvɨra ifaghata, uabɨ uan ziam puv a fe. E fo, avir muziarimra avir ekiam damightɨ a bar ekeveghtɨ, ruarimɨn temeba bar isigham!

Luk Osirizir Akar Aghuim 8:13

Ezɨ dagɨaba itir danganibagh irezir witɨn ovɨziba mati, gumazamizir akam baregha bar akongeziba, ezɨ men biba nguazim giraghuezir puvatɨ. Me dughiar otevimɨn nɨghnɨzir gavgavim Godɨn iti, ezɨ osɨmtɨzibar dughiam me God ataki.

Matyu 12:36

Ezɨ kɨ ia mɨgei, Godɨn Kotɨn Dughiamɨn, a pura men mɨgɨrɨgɨar nɨghnɨziba puvatɨziba bagh vaghvagh men azangsɨghɨva, me tuisɨgham.

Hosea 11:7

Me zurara akɨrim na gasi, kamaghɨn ivezir kurar kɨ me danɨngamim, me a gitaghan kogham. Me uarir akurvaghsɨ asebar dɨmam. Eghtɨ aser kɨnir kaba men akuraghan kogham.

Hosea 7:13

“Mevzika! Me bar ikuvigham. Me na ategha gɨfa, egha nan akam batosi. Kamaghɨn amizɨ, kɨ me gasɨghasigham. Kɨ faragha men akurvaghasava amima, me nan moga na gifari.

Hosea 6:4

Ezɨ Ikiavɨra Itir God men akam ikaragha ghaze: “Ia Israelia ko Judaba, kɨ manmaghɨn ia damuam? Ia na gifongezir arazim, a zuamɨra gɨfa. Mati mɨzarazimɨn ghuariam a zuamɨrama asigha ghuavanabogha puvatɨ. Egha uaghan mati ghuariar dɨpam dadabagh irezɨ, aruem anadi da zuamɨra mɨsigha gɨfa.

Esekiel 36:20

Me tintinibar ghuezɨ, Kantrin Igharazibar Gumazamiziba men garima, me nan ziar bar zuezim gasɨghasɨgha ghaze, a pura ziar kɨnim. Ezɨ Kantrin Igharazibar Gumazamiziba ghaze, ‘Kar Ikiavɨra Itir Godɨn adarasi. A me gamizɨ, me an nguazim ategha gɨfa.’

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Jeremaia 3:10

Israelɨn buaramizim Juda, nɨghnɨzir gavgavir nan itir arazim ategha, arazir kurabagh ami, egha guizbangɨra uan navim gɨrazir puvatɨgha ua na bagha ize. Bar puvatɨ. A ifara navim gɨra. Kɨ Ikiavɨra Itir God, kɨ mɨkemegha gɨfa.”

Aisaia 3:8

Jerusalem ko Juda, men mɨgɨrɨgɨaba ko ingangariba, Ikiavɨra Itir God dɨkabɨrava, an ziar ekiam gasɨghasɨsi. Egha me arazir kurar kaba an damazimɨn dagh ami. Kamaghɨn amizɨ, dughiar kuram me batozɨma, me akuiaghirɨgha uaghiri.

Onger Akaba 78:37

Me an akabar gɨn zuir puvatɨ, egha a me ko Dɨkɨrɨzir Akar Gavgavim abɨki.

Onger Akaba 57:4

Nan apaniba bar na okarizɨ kɨ men torimɨn akui. Me laionbar mɨn gumazibar amasa men atariba baribar mɨn bar ghumi. Ezɨ men mɨzeba sabar ghumtɨzir pumuning itimɨn mɨn bar ghumi.

Onger Akaba 52:2

Nɨn mɨzem resan mɨn bar ghumigha ifavaribagh ami da otifi. Dughiabar zurara nɨ gumazamizibagh asɨghasɨghasa mɨgei.

Onger Akaba 12:3

Ikiavɨra Itir God, nɨ gumazamizir igharaz darazi apezeperiba ko gumazamizir uari fa mɨgeiba, nɨ bar men akabar kumigh.

Onger Akaba 17:10

Me gumazamizir igharazibar apangkuvir nɨghnɨzitam tong bar men itir puvatɨ. Me akaba akara egh uarira uan ziaba fe.

Daniel 7:25

Eghtɨ an akar kurabar Godɨn Bar Pɨn Itim mɨkɨmɨva, egh an gumazamiziba dɨkabɨnam. Egh me Arazir God Me Ganɨngiziba ko, dughiar ekiar Godɨn ziam feba, da batoghsɨ damuam. Egh an azenir pumuning ko mɨkezim ko akuamɨn Godɨn gumazamizibagh ativagh men ganam.

Hosea 11:5

“Ezɨ me ua na bagh izan aghua. Kamaghɨn amizɨ, me ua Isipɨn mangɨ, o Asiriaba me gativagh men ganam.

Malakai 3:13

Egha Ikiavɨra Itir God ghaze, “Ia bar akar kurar avɨribar pamten na mɨgei. Egha ia nan azangsɨgha ghaze, ‘E akar kurar manabara nɨ mɨkeme?’

Malakai 3:14

Ia uarira uariv gɨa ghaze, ‘E Godɨn ziam fe, ezɨ a en akurazir puvatɨ. Ezɨ e tizim bagh an ziam fam? Egha Ikiavɨra Itir Godɨn Gavgaviba Bar Itimɨn damazimɨn, e uan arazir kuraba bagha osemegha aziava dar gun a mɨkeme, ezɨ a bizir aghuitamɨn e gamizir puvatɨ. Ezɨ e manmaghsua pura uan arazir kurabar gun a mɨkeme?

Onger Akaba 12:5

Ezɨ Ikiavɨra Itir God ghaze, “Gumazamizir onganarazibagh amiba, gumazamizir igharaziba paza me gamizɨ me mɨzaziba isa ara iti. Me nan akurvazim iniasa bar ifonge. Kɨ datɨrɨghɨn dɨkavigh izɨ men akurvagham.”

Jeremaia 42:18

“Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei: Kɨ faragha puvɨra Jerusalemian anɨngagha, bar pazavɨra me gasɨghasɨki. Eghtɨ kamaghɨra, ia Isipɨn mangɨghtɨ, kɨ bar puvɨra ian anɨngaghegh, bar pazɨvɨra ia gasɨghasigham. Eghtɨ Kantrin Igharazibar Gumazamiziba, bizir kɨ ia gamiziba bareghɨva, atiating, dɨgavir kuram damigham. Egh me pazɨ ia damuva, egh dɨbovir akabar ia mɨkɨmam. Egh me uari akar kurabar uan apaniba mɨkɨmsɨ, me kamaghɨn mɨkɨmam, ‘Ia Judaba ikuvizɨ moghɨn, ia ikuvigham.’ Egh ia ua uan nguazir kamɨn ganighan kogham.”

Hosea 9:4

Ia ikɨzir igharazibar kantrin ikiamin dughiamɨn, ia asɨziba ko wainɨn dɨpaba ofan mɨn Ikiavɨra Itir God danɨngan kogham. Ian dagheba ia damightɨ, ia Godɨn damazimɨn mɨzegham, mati dagher me gumazir kuamɨn azia, egha apim, ezɨ dagher kam me gamizɨ, me mɨze. Dagher kaba, ia pura naviba izɨvsɨ da iniam. Ia dagher nar katam inigh Ikiavɨra Itir Godɨn Dɨpenimɨn mangɨ an ofa damighan kogham.