Hosea 7:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Egh dughiar me mɨghɨ mangamimɨn, kɨ uan iver ekiam pɨn aneguragh men suigham. Me arazir kuram damusɨ uari akuvtɨ, kɨ zuamɨra ivezir kuram me danɨngam.

Hosea 7:12 ပူးပေါင်းရင်းမြစ်များ

Esekiel 12:13

Eghtɨ kɨ uan ivem aguraghtɨ an an suiragham. Egh a inigh Babilonɨn nguibar ekiamɨn mangɨgham, kar Kaldiabar nguazim. Eghtɨ a nguazir kamɨn ganighan kogham. Egh a nguazir kamɨn ikɨ mangɨ aremegham.

Akar Mogomem 3:19

“Gumazamizir kɨ ifongeziba, kɨ men atar men arazibar kɨram. Kamagh amizɨ, ia uan araziba akɨrsɨ gavgavigh uan navibagh iragh.

Esekiel 32:3

Kɨ Ikiavɨra Itir Godɨn Ekiam kɨ kamaghɨn mɨgei: Kɨ ikɨzir igharazibar gumazamizir avɨriba inigh izɨ me akuvagh men damazimɨn, kɨ uan iver ekiam nɨ mɨkɨnigh nɨ gekuigh azenim mɨkɨnigham.

Esekiel 17:20

Kɨ an suiragham, mati gumazim asɨzibar suizir ivem onegha a mɨkɨnizɨ an an suira. Kɨ a inigh Babilonɨn mangɨ munagh an arazir akɨrim ragha na gasarazim tuisɨgh, egh ivezir kuram a danɨngam.

Jeremaia 44:4

Kɨ faragha dughiar avɨribar uan ingangarir gumaziba amangi, me Godɨn akam inigha izir gumaziba, me Judaba ia bagha ize. Egha me kamaghɨn nan akam akura ia gakaghori, ‘Ia arazir kurir kɨ aghuazir kabar amuan markɨ.’

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

Fofozir Gumazim 9:12

E fozir pu, e dughiar manam osɨmtɨzim e bativam. Ezɨ dughiar kuram zuamɨram e batifi, mati kuarazim o osirim ivemɨn aven ghuzɨ an an suiragha iti.

Jopɨn Akɨnafarim 19:6

“Ezɨ kɨ arazir kuratam gamizir puvatɨ. God uan ifongiamra bizir kabagh ami. A uan iver ekiamɨn nan suiragha na amɨghɨrɨ.

Hosea 5:9

Dughiar kamra ia Efraimia bar ikuvigham. Kɨ ia mɨgei, guizbangɨra, bizir kam kɨ mɨkemezɨ moghɨn, a Israelɨn anababar tongɨn otogham.