Hosea 7:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Israelian arazir akaba batozim me isa kot gatɨ. Ezɨ me navim gɨrazir puvatɨ, egha Ikiavɨra Itir God, men God, me uam a bagha izir puvatɨ. Bizir kurar avɨriba me batozɨ, me God baghavɨra ikian aghua.

Hosea 7:10 ပူးပေါင်းရင်းမြစ်များ

Hosea 5:5

Israelian arazir uari fem, a me isa kot gatɨ. Israelia ko Efraimian arazir kuramra me gamima me asaghporaghire. Ezɨ Judaba uaghan me ko ire.

Aisaia 9:13

Ezɨ Israelian gumazamiziba navibagh irazir puvatɨ. Ikiavɨra Itir Godɨn Gavgaviba Bar Itim, ivezir bar kuram me ganɨngi, ezɨ me uamategha a baghavɨra izir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 3:11

Gumazitam fofozir aghuim itir puvatɨ. Gumazitam God buri puvatɨ.

Sekaraia 1:4

Ia uan inazir afeziabar mɨn damu ikian markɨ. Fomɨra Godɨn akam inigha izir gumaziba nan akam me mɨkɨra ghaze, Ikiavɨra Itir Godɨn Gavgaviba Bar itim ghaze, ia pazavɨra itir arazir kuraba ataghɨragh. Ezɨ me na barazi puvatɨgha, nan gɨn izir puvatɨ. Kar Ikiavɨra Itir Godɨn mɨgɨrɨgɨam.

Hosea 7:7

“Me bret tuamin danganimɨn mɨn puvɨra anɨngaghegha, gumazir dapaniba ko atriviba vaghvagha me mɨsoghezɨ me ariaghire. Men arazir kurar kam men kantrin aven itima, ezɨ gumazitam nan dia na ko mɨgeir puvatɨ.”

Hosea 6:1

Ezɨ gumazamiziba kamaghɨn mɨgei: “Aria, e uamategh Ikiavɨra Itir God bagh mangam. An e abɨagharigha gɨfa, egh a ti e damutɨ, e ua deravɨram otogham. An e mɨsoghezɨ duaba e batifi, egh a duar kaba ua da ikegham.

Jeremaia 3:3

Ezɨ bizir kam bangɨn, kɨ amozimɨn tɨvazɨma, a tong ian nguazim gizezir puvatɨ. Ezɨ ia tuavimɨn amizimɨn mɨrarama amua, akam baraghan aghuagha, aghumsɨzir puvatɨ.

Aghuzir Akaba 27:22

Nɨ gumazir nɨghnɨzir aghuiba puvatɨzim puv a mɨsogh, a dɨkabɨraghtɨ ana aremeghsɨ damu, egh a uan arazir onganim ateghan kogham.

Onger Akaba 53:2

God uan Nguibamɨn pɨn ikia nguazimɨn itir gumazamizibar gari, men tav ti nɨghnɨzir aghuim ikia a gɨfofoghasa a buri, ti puvatɨ.

Onger Akaba 14:2

Ikiavɨra Itir God uan Nguibamɨn pɨn ikia, nguazimɨn itir gumazamizibar garima, men tav nɨghnɨzir aghuim ikia a gɨfofoghasa a buri, ti puvatɨ.

Onger Akaba 10:4

Gumazir kuram ifaghata ghaze, kɨ bar bizibagh fo. A ghaze, kɨ nɨghnɨzir aghuir avɨriba iti. Egha God gɨnɨghnɨzir puvatɨ. A ghaze, “God, arazir kurar kɨ amibar gari puvatɨ. A nan arazir kaba ikaraghan kogham.”

Sefanaia 1:6

Gumazamiziba akɨrim na gasa, ua nan gɨn zuir puvatɨ, egha tuavim uarir akakaghasa na bagha iza, nan azangsɨzir puvatɨ. Kɨ uaghan gumazamizir kabagh asɨghasigham.”

Hosea 13:14

Kɨ ti Gumazamizir Oveaghuezibar Nguibamɨn gavgavim da ua me inigham, a? Puvatɨgham. O ovevem, nɨ gumazamiziba dɨkabɨrir gavgavim managh iti? O ovevem, nɨ gumazamiziba mɨzazim me ganɨdir gavgavim managh iti? Apangkuvir arazim ti nan damazimɨn modogham.