Hosea 6:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Guizbangɨra, Kɨ apangkuvir arazim gifonge, kɨ ofan kɨnibagh ifongezir puvatɨ. Ia zurara ofan bar isia mɨghɨribagh ami, ezɨ kɨ dar aghua. Kɨ bizir kam bagha bar ifonge, a kamakɨn, ia deraghvɨra na gɨfogh nan akamɨn gɨn mangɨ.

Hosea 6:6 ပူးပေါင်းရင်းမြစ်များ

Matyu 9:13

Ia mangɨ, Godɨn Akɨnafarimɨn itir osizirim da fofozim inigh. Kɨ apangkuvir arazim gifonge, kɨ ofan kɨnibagh ifongezir puvatɨ.” Egha Iesus ua me mɨgɨa ghaze, “Kɨ Godɨn damazimɨn derazir gumazamiziba bagha izezir puvatɨ. Kɨ gumazamizir arazir kurabagh amibar dɨmasa ize!”

Matyu 12:7

Egha Godɨn Akɨnafarimɨn aven itir mɨgɨrɨgɨar mam ghaze, ‘Kɨ apangkuvir arazim gifonge, kɨ ofan kɨnibagh ifongezir puvatɨ.’ Ia mɨgɨrɨgɨar kam gɨfogha, egha pura osɨmtɨziba gumazir aghuibagh arɨghan koghai.

Aghuzir Akaba 21:3

E arazir aghuiba ko, Godɨn damazim derazir arazibar gɨn mangam. Ezɨ Ikiavɨra Itir Godɨn damazimɨn, arazir kam e ofaba God ganɨdir arazim bar a gafira.

1 Samuel 15:22

Ezɨ Samuel kamaghɨn a mɨgei, “Ikiavɨra Itir God arazir manam gifonge? A ti ofan bar isia mɨghɨrizir kabagh ifonge, o? E ti an akabar gɨn mangasa, a ifonge? Nɨ oragh. Arazir an akabar gɨn zuim, a bar faraghavɨra itir arazim. Ezɨ asɨzir aghuibar ofa gamir arazim, a pura bizim.

Amos 5:21

Ikiavɨra Itir God kamaghɨn mɨgɨa ghaze, “Ian isar ekiabar dughiaba, kɨ bar dar aghua, Guizbangɨra, kɨ bar dagh ifongezir puvatɨ. Ia nan ziam fer dughiar ekiaba, da nan atinimɨn kurigha mughasi.

Aisaia 1:11

Ikiavɨra Itir God kamaghɨn mɨgei, “Ia ti kamaghɨn nɨghnɨsi, ia na gamir ofan guar avɨrir kaba, kɨ dagh ifonge, a? Bar puvatɨ. Kɨ ia sipsipba inigh izɨ da tueghtɨ, da bar isi mɨghɨrighamin ofaba, kɨ bar dar aghua. Egh ian asɨzir deragh aghungizir asɨzibar oviba, kɨ uaghan dar aghua. Kɨ uaghan bulmakaun apuriba ko, sipsipɨn nguziba ko, memen apuribar ghuziba, kɨ bar dar aghua gɨfa.

Fofozir Gumazim 5:1

Nɨ deraghvɨra uan arazibagh nɨghnighɨva, Godɨn Dɨpenimɨn aven mangɨ. Puram aven mangan markɨ. Nɨ fofozim iniasava aven zui. Egh gumazir mabar mɨn puram ofabar amuan markɨ, mati gumazim fofoziba puvatɨghava dagh ami. Kamaghɨn amir gumazamiziba, me deragha fozir pu, bizir manam Godɨn damazimɨn dera.

Jeremaia 22:16

Dughiar onganarazibagh amir gumazamiziba ko, biziba puvatɨzir gumazamiziba, me kotiamɨn otivima, nɨn afeziam men akaba arazir aghuimra gɨn ghua me tuisɨsi. Ezɨ gumazamiziba bar moghɨra dabirabir aghuim iti. Kɨ Ikiavɨra Itir God, kɨ guizbangɨra mɨgei, arazir kamaghɨn amizim, kar guizbangɨn na gɨfozir gumazamizibar arazim.

Matyu 5:7

Ia gumazamizir igharaz darazir apangkuviba, God ian apangkuvam. Kamaghɨn ian naviba deragh.

Daniel 4:27

Kamaghɨn amizɨ, atrivim, nɨ datɨrɨghɨn kɨ nɨ mɨkɨmamin akamɨn gɨn mangam: Nɨ arazir kurabar amuan koghɨva, arazir aghuibar amu, egh gumazamizir onganarazibar apangkuf. Nɨ kamaghɨn damuva, egh nɨ ti deraghvɨra ikɨtɨ, bizir nɨ amiba bar deravɨram otivam.”

1 Eghaghaniba 28:9

“Ezɨ nan otarim Solomon, kɨ nɨ mɨgei, nɨ bar deraghvɨra uan afeziamɨn God gɨfogh an apengan ikɨsɨ, nɨ uan navir averiamɨn aven nɨghnɨzir bar vamɨra ikɨ. Egh nɨ an ifongiamɨn gɨn mangɨsɨ bar gavgafigh. Ikiavɨra Itir God en nɨghnɨziba ko ifongiabagh fo, kamaghɨn amizɨ, nɨ kamaghɨn damu. Nɨ an ifongiam gɨfoghsɨ bar gavgavightɨ, a nɨn amamangatɨghtɨ nɨ deravɨra a gɨfogham. Egh nɨ akɨrim ragh a gasaraghtɨ, a nɨ batuegh akɨrim ragh nɨ gasaraghtɨ nɨ zurara an saghon ikiam.

Jeremaia 7:22

Ia bizir kam gɨnɨghnɨgh: ian inazir afeziaba, kɨ Isipɨn me inigha izir dughiamɨn, me ofan tuezɨ bar isia mɨghɨriziba ko ofan igharaziba, kɨ tam damuasa me mɨkemezir puvatɨ.

1 Jon 3:6

E kamaghɨn fo, gumazitam o amizitam Krais ko ikɨ, arazir kurabar amuvɨra ikian kogham. Egh gumazitam o amizitam arazir kurabar amuvɨra ikɨtɨ, e fogh suam, a guizbangɨra Kraisɨn ganigha a gɨfozir puvatɨ. A guizbangɨra Krais gɨfozir puvatɨ, Krais a tina.

1 Jon 2:3

E Godɨn akabar gɨn mangɨva egh fogh suam, e guizbangɨra a gɨfo.

Maika 6:6

Ikiavɨra Itir God, a Godɨn Bar Pɨn Itim, kɨ an damazimɨn izɨ tevimning apɨrigh an ziam fɨsɨ, bizir tizimra inigh izam? Kɨ ti bulmakaun igiar mɨkarziba sara itir aghuiba inigh izɨ, a danɨngɨsɨ ofan bar isia mɨghɨrizim mɨn bar da tueghtɨ da isi mɨghɨrigham, a?

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Aisaia 58:6

“Ia dagheba ataghɨrazir arazir kamaghɨn garim, kɨ an aghua. Ezɨ nan ifongiam kamakɨn, ia arazir kuraba ko gumazamizir igharaziba dɨkabɨra paza me gamir araziba, bar ada atakigh. Gumazamizir kaba, mevzigh mati ia kalabuziabar mɨn beniba ko senbar me ike, Egha mati ia bulmakauba ter ararim men fɨribagh ike, egh me damutɨ me ian ingangarim damuam. Ian arazir kam bar ikufi. Kɨ ghaze, Ia arazir aghuimɨn me damuva men senba aghoregh, me ateghtɨ me mangɨ.”

Hosea 2:20

Kɨ uan akar dɨkɨrɨzimɨn gɨntɨgham, eghtɨ nɨ nan amuimɨn mɨn ikɨ mamaghɨra ikiam. Egh nɨ fogh suam, kɨrara, kɨ nɨn Ikiavɨra Itir God.

Onger Akaba 50:8

Kɨ ofan ia amiba bagha ian atarir puvatɨ. Kɨ ian garima, ia zurara nan damazimɨn ofa bagha amua avimɨn da tue da bar isia mɨghɨri.

Mak Osirizir Akar Aghuim 12:33

E uan navir averiam ko, uan nɨghnɨzim ko uan gavgavimɨn Ekiam gifongegh, egh uabɨ gifongezɨ moghɨn, gumazamizir igharazibagh ifongegh. E arazir kamningɨn gɨn mangɨtɨ, arazir kamning ofan me bar avimɨn tueba ko ofa damuamin biziba bar dagh afiragham.”

Hosea 14:2

Ia uamategh Ikiavɨra Itir God bagh izɨ, ofan mɨn kamaghɨn a ko mɨkɨm: “O God, nɨ bar moghɨra en arazir kuraba gɨn amadagh, egh e nɨ danɨngamin bizir aghuiba inigh. Datɨrɨghɨn e bulmakaun apuriba mɨsogh nɨn ofa damuan kogham. Puvatɨgham. Arazir aghuir e fomɨra damuasa nɨ ko akam akɨriziba, e dar amuam.

Maika 6:8

Ia nguazir kamɨn itir gumazamiziba, Ikiavɨra Itir God arazir aghuibar ia mɨkemegha gɨfa, eghtɨ ia arazir aghuir a ifongezir kabara dar amu: Ia guizɨn arazibara damuam, egh igharaz darazir apangkuvir arazim gifongegh, egh ia uari abɨn uan Godɨn apengan ikɨ, anarɨra gɨn mangam.

Josua 5:5

Gumazir Isipɨn kantri ategha azenan iziba, me bar men mɨkarzir mogomebar inibar aghore. Ezɨ otarir amebaba gumazamiziba puvatɨzir danganimɨn oteziba, me tɨghar men mɨkarzir mogomebar inibar aghoram.

Hosea 8:13

Me ofan avɨribagh amua ofa gamir asɨzibar tuziba api. Ezɨ kɨ Ikiavɨra Itir God, kɨ ofan kabagh ifongezir puvatɨ. Kamaghɨn amizɨ, kɨ datɨrɨghɨn men arazir kurabagh inɨrɨgh, ivezir kuram isɨ me danɨngam. Kɨ me amadaghtɨ, me mangɨ ua Isipɨn kantrin otogh kalabuziabar mɨn ikiam.