Hosea 6:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ezɨ gumazamiziba kamaghɨn mɨgei: “Aria, e uamategh Ikiavɨra Itir God bagh mangam. An e abɨagharigha gɨfa, egh a ti e damutɨ, e ua deravɨram otogham. An e mɨsoghezɨ duaba e batifi, egh a duar kaba ua da ikegham.

Hosea 6:1 ပူးပေါင်းရင်းမြစ်များ

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

Jopɨn Akɨnafarim 5:18

E fo, God osɨmtɨzim ko mɨzazim gumazitam danigh, egh a damightɨ, a gɨn ua ghuamaghegham.

1 Samuel 2:6

Ikiavɨra Itir God gumazamizibav sozima, me ariaghiri. Egha gumazamizir ariaghireziba, a me gamima me uam angamɨra iti. God gumazamizibagh amima, me Gumazamizir Oveaghuezibar Nguibamɨn uaghiri. Ezɨ a me gamima, me ua dɨkafi.

Hosea 14:4

Ikiavɨra Itir God kamaghɨn mɨgei: “Kɨ gumazamizir na ataghizir kaba ua me iniam. Kɨ uan navir averiamɨn bar me gifuegh, uam men ataran kogham.

Aisaia 55:7

Eghtɨ gumazamizir arazir kurabagh amiba uan arazir kuraba ategh, uam adar amusɨ nɨghnɨghan kogham. Egh me uamategh Ikiavɨra Itir God, en God, a bagh izɨtɨ, a men apangkuvigh men arazir kuraba gɨn amangam.”

Jeremaia 30:17

Ian apaniba kamaghɨn mɨgei: ‘Saion mati bizir kɨnim, egha bar ikufi. Ezɨ gumazitam an apangkuvir puvatɨ. Kɨ uabɨ ian mɨkarzibar amightɨ, da ua deragham, egh ian duabar amightɨ, da mɨsigham.’ Kɨ Ikiavɨra Itir God, kɨ kamaghɨn mɨkemegha gɨfa.”

Aisaia 2:3

Kantrin avɨribar gumazamiziba izɨ suam, “Ia izɨ e Saionɨn Mɨghsɨamɨn mavanangam, a Ikiavɨra Itir Godɨn mɨghsɨam. Kar Jekopɨn Godɨn Dɨpenim. E mangɨtɨ a uan arazir a ifongezibar en sure damuam. Egh a uabɨ mɨsevezir tuavim, e an gɨn mangam.” Moses Osirizir Araziba, Saionɨn Mɨghsɨamɨn ikegh mangɨtɨ gumazamiziba a iniam. Guizbangɨra, Jerusalemɨn nguibam, kar danganir Ikiavɨra Itir God uan akam isɨ uan gumazamizibar anɨngamim, eghtɨ me azenan mangɨ an akam akunam.

Jopɨn Akɨnafarim 34:29

God nɨmɨra ikɨ bizitam damuan koghtɨ, tinara suam God arazir kuram gami? Egh a uan guam modoghtɨ, tina an boroghɨn mangɨ an guamɨn ganam? Bar puvatɨ. God gumazamiziba ko kantribagh ativagha bar dar gari, eghtɨ gumazir kuratam atrivimɨn otoghan kogh, egh gumazamizibagh asɨghasɨghan kogham, mati gumazim asɨzimɨn suighasa azuazimɨn ingari.

Hosea 14:1

O Israelia, ian arazir kuraba ia gamizɨ, ia asaghpora ire. Kamaghɨn amizɨ, ia uamategh Ikiavɨra Itir God, ian God bagh izɨ.

Jeremaia 50:4

Ikiavɨra Itir God kamaghɨn mɨkeme: “Bizir kaba otivamin dughiamɨn, Israelian gumazamiziba ko Judaba uari akuvagh ua uan nguazimɨn izam. Me izɨva navibagh iragh aziva, uamategh na baghvɨra izam. Kɨ Ikiavɨra Itir God, men God.

Jeremaia 3:22

Ikiavɨra Itir God kamaghɨn mɨgei: “Ia akɨrim gɨgha Ikiavɨra Itir God gasa zuir boriba, ia uamategh a bagh izɨ. Eghtɨ a ian arazir kuraba batueghtɨ, ia ua ghuamaghegham.” Ezɨ gumazamiziba kamaghɨn an akam ikaragha ghaze, “Nɨ en Ikiavɨra Itir God, en God, kamaghɨn e uamategha nɨ bagha ize.

Aisaia 30:26

Eghtɨ dughiar kamɨn, iakɨnimɨn angazangarim aruemɨn angazangarimɨn mɨn siragham. Eghtɨ aruem isiragh gavgavightɨ an angazangarim bar ekevegh, a fomɨra garir angazangarim gafiragham. Mati nɨ 7plan aruebar aruer angazangariba inigha aruer vamɨra gisafura. Ikiavɨra Itir God uamategh uan gumazamiziba deravɨra me damu men mɨzaziba ko osɨmtɨziba adeghtɨ me ghuamagheghamin dughiamɨn, bizir kaba otivam.

Jeremaia 33:5

Egha me dɨkavigha Kaldiabav soghasava ami. Ezɨ kɨ Jerusalemian arazir kuraba bagha ataravɨra ikia, bar puvɨram me anɨngaghegha, men akuraghan aghua. Kamaghɨn, apaniba me mɨsoghtɨ me arɨghiram, eghtɨ men kuaba men nguibar ekiamɨn dɨpenibagh izɨvagham.

Onger Akaba 30:7

O Ikiavɨra Itir God, nɨ uan navim sara na gifongegha deragha na gamizɨ, kɨ mati mɨghsɨar mam tugha gavgafi. Nɨ nan modozir dughiamɨn, kɨ bar puvɨrama atiati.

Jeremaia 30:12

Ikiavɨra Itir God ua kamaghɨn mɨgei: “Ia Israelia, me puv ia mɨsoke, eghtɨ ian mɨzazim ikɨvɨra ikɨtɨ, ian duar ekiaba akumighan kogham.

Aisaia 30:22

Egh ia uan asebar marvir guaba, ia fomɨra dar ingarigha silva ko golɨn da noke. Egh ia marvir guar kaba batogh dar gantɨ da mati bizir kuriba, egh ia kamaghɨn me mɨkɨmam, “Ia kamatɨgh. E ua ia gifongezir puvatɨ.”

Sefanaia 2:1

Ia kantrin kamɨn gumazamiziba, ia uan arazir kurabar aghumsɨzir puvatɨ. Ia deravɨra arazir kam gɨnɨghnɨgh, egh a bagh aghumsɨgh.

1 Samuel 7:3

Ezɨ Samuel gɨn kamaghɨn Israelia mɨgei, “Ia guizbangɨra navibagh iragh ua Ikiavɨra Itir God bagh ua izɨsɨ, ia ikɨzir igharazibar aseba ko aser amizim Astarten nedazim batokegh. Egh ia Ikiavɨra Itir God bar an apengan ikɨva, a baghɨva teviba apɨr. Eghtɨ a ian akuragh Filistiaba batueghtɨ me ua ia gativaghan kogham.”

Jopɨn Akɨnafarim 16:9

God bar nan aghuagha nan apanim gami. A bar nan anɨngaghegha ataribagh ivia, na gasɨghasɨsi.

Onger Akaba 6:2

O Ikiavɨra Itir God, kɨ bar osemegha ua gavgaviba puvatɨ, ezɨ nɨ nan apangkufigh. Nan gavgaviba bar gɨfa, eghtɨ nɨ gavgavir igiam na danɨngightɨ kɨ ua deragham.

Onger Akaba 71:20

Osɨmtɨzir kaba nɨ na bagha da amangizɨ da izi. Ezɨ kɨ fo, nɨ gavgavim ua na danɨngam. Kɨ mati aremegha nguazir torimɨn ikia fo, nɨ ua na inigh azenan izam.

Fofozir Gumazim 3:3

Egha e gumazibav soghtɨ me arɨmɨghiramin dughiaba iti, egh e me damutɨ me ghuamaghamin dughiaba iti. Egha e biziba angararɨghamin dughiaba iti, egh e bizibar ingaramin dughiaba iti.

Aisaia 17:7

Dughiar kamɨn, gumazamiziba navibagh iragh, Israelɨn Godɨn ziam fɨ nɨghnɨzir gavgavim an ikiam, a Godɨn men ingarizim, a Israelian Godɨn Bar Zuezim.

Jeremaia 33:6

“Eghtɨ kɨ gɨn nguibar ekiar kamɨn akuragham, eghtɨ nguibam ko an gumazamiziba ua deragh otivigham. Eghtɨ kɨ dughiar bar aghuim me danightɨ, me deragh dapiaghtɨ, apaniba me mɨsoghan kogham.

Jeremaia 50:5

Me Saionɨn Mɨghsɨamɨn mangɨsɨ, tuavir an mangamim bagha azangsɨsi. Me kamaghɨn mɨkɨm suam, ‘Aria, e mangɨ Ikiavɨra Itir God ko Akar Dɨkɨrɨzir Gavgavim damika, egh an gumazamizibar ikiam.’ Eghtɨ Akar Dɨkɨrɨzir Gavgavir kam ikɨ mamaghɨra ikiam. Eghtɨ gumazitam a gɨnamadaghan kogham.

Hosea 11:10

“Kɨ uan gumazamizibar apaniba atiatim me danɨngɨsɨ, pamtemɨn dɨmam, mati laion tiarim akara dazeri. Eghtɨ nan gumazamiziba atiating akongɨva, aruem ghuaghirir danganim ategh zuamɨra izɨ nan gɨn mangam.

Hosea 12:6

Kamaghɨn amizɨ, ia nɨghnɨzir gavgavim uan Godɨn ikɨva uam a bagh izɨ. Egh ia apangkuvir arazim ko guizɨn arazimɨn gɨn mangɨ. Egh a ian akurvaghsɨ ia a mɨzuam.

Ofa Gami 14:48

“Eghtɨ ofa gamir gumazim ua izɨ dɨpenimɨn gantɨ, an bɨriba deragham, eghtɨ asɨghasɨzir kam uam a batoghan koghtɨ, a kamaghɨn me mɨkɨmam, ‘Dɨpenir kam a Godɨn damazimɨn zue.’ A fo, bizir lepan arɨmariar kuramɨn mɨn garir dɨpenibagh asɨghasɨzir kam, a ua itir puvatɨ. Asɨghasɨzir kam, a gɨfa.

2 Eghaghaniba 30:6

Kamaghɨn amizɨ, atrivim uan gumazir dapaniba ko, akɨnafariba osirigha gumazir mabagh anɨga kamaghɨn me mɨgɨa ghaze, ia akɨnafarir kaba inigh bar moghɨra Israel ko Judan danganiba bar dar mangɨ. Akɨnafarir kabar itir akaba kamaghɨn mɨgei, “Ia Israelian ikiavɨra itir varazira, Asirian atriviba ia gasɨghasɨghizir puvatɨziba, ia oragh. Ia uamategh Ikiavɨra Itir God, a en ovaviba Abraham, Aisak ko, Jekopɨn God, a bagh izɨ. Ia kamaghɨn damutɨ, Ikiavɨra Itir God izɨ ia ko ikiam.

Jopɨn Akɨnafarim 22:23

Nɨ uamategh Godɨn Gavgaviba Bar Itim bagh izɨtɨ, a nɨn osɨmtɨziba bar da gɨvagh, dabirabir aghuim ua nɨ danɨngam. Egh nɨ akɨrim ragh uan arazir kurabagh asaragh dar saghon ikɨ.

Hosea 3:5

Dughiar kam gɨvaghtɨ, Israelia uamategh Ikiavɨra Itir God, men God bagh izɨ, akongɨva atiatingvɨra an ziamra fam. Egh me Atrivim Devitɨn ovavir borir mamɨn gɨn mangam. Egh me Ikiavɨra Itir Godɨn akamɨn apengan ikɨtɨ, gɨn izamin dughiamɨn a bizir aghuariba me danɨngam.