Hosea 5:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ikiavɨra Itir God me ategha gɨfa. Kamaghɨn amizɨ, me sipsipba ko bulmakauba inigha a bagha iza, an ofa damuasava ami. Mevzika, me uam a batoghan kogham.

Hosea 5:6 ပူးပေါင်းရင်းမြစ်များ

Jon Osirizir Akar Aghuim 7:34

Eghtɨ ia na buriva, nan apighan kogham. Egh nguibar kɨ mangɨ ikiamim, ia an mangɨghan kogham.”

Aghuzir Akaba 1:28

“Dughiar kamɨn ia uarir akurvaghsɨ nan dɨmtɨ, kɨ oreghan kogham. Ia na buriva, egh ia nan apighan kogham.

Esekiel 8:6

Egha a kamaghɨn na mɨgei, “O nguazir kamɨn gumazim, nɨ Israelɨn ikɨzimɨn arazir kurar me amibar gari? Me amir arazir kaba, kɨ bar dar aghua. Da bar ikuvigha, nan Dɨpenimɨn na batosi, egha na gamima kɨ bar men saghon iti. Nɨ gɨn me damuamin arazir bar kurar kɨ bar ifongezir puvatɨzibar ganam, da nɨ datɨrɨghɨn garir arazir kurar kabagh afiragham.”

Jeremaia 7:4

Ia kamaghɨn mɨgei, ‘Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim.’ Egha ia kamaghɨn mɨgɨa uarira uarigh ifari. Dɨpenir kam tong ian akuragh ia damutɨ, ia Godɨn damazimɨn deraghvɨra ikian kogham.

Aghuzir Akaba 15:8

Ikiavɨra Itir God, gumazir arazir bar kurabagh amiba, God men ofaba bar dar aghua. Egha God ko mɨgeir gumazir aghuariba, a bar me gakonge.

Luk Osirizir Akar Aghuim 5:16

Ezɨ Iesus zurara me ataghɨragha ghua, gumazamiziba itir puvatɨzir danganimɨn ikia God ko mɨgei.

Jeremaia 11:11

Kamaghɨn kɨ Ikiavɨra Itir God, kɨ guizbangɨra mɨgei, kɨ zuamɨra bar me gasɨghasɨghtɨ, me itavraghamin tuaviba puvatɨgham. Egh me akurvazim bagh nan dɨmɨva arangtɨ, kɨ me bareghan kogham.

Aisaia 66:3

“Gumazamizir maba uan ifongiar kuramɨn gɨntɨgha arazir kurabar amuasa bar ifonge. Egha me uari kamaghɨn nɨghnɨgha ghaze, me guizbangɨra nan ziam fe. Egha me amir ofan kaba, kɨ bar dar aghua. Kɨ garima, me bulmakaubav sogha na bagha ofabagh amua, merara uaghan gumazir maba isa, me mɨsuegha uan aseba bagha ofabagh ami. Me na bagha sipsipɨn nguzibar ofabagh amua, me uaghan afiaba isa dav suegha, aseba bagha dar ofabagh ami. Me witba isa na bagha ofabagh amua, me uaghan uan aseba bagha dabar ghuzibar ofabagh ami. Me na bagha pauran me iter balsamɨn eborimɨn ingarizimɨn ofabagh amua, egha uaghan asebar marvir guaba bagha ofabagh ami.

Solomon 5:6

Kɨ uan roroar gumazir kɨ bar ifongezim bagha tiam kui. Kɨ gari, ezɨ puvatɨ, a zuamɨra ua ragha ghugha gɨfa. Ezɨ kɨ an garir puvatɨ. Kɨ an mɨgɨrɨgɨabagh nɨghnɨgha nan navim a bagha bar ikufi. Kɨ a buriagharua, an apizir puvatɨ. Kɨ an deima, a na ikarazir puvatɨ.

Aghuzir Akaba 21:27

Ekiam gumazir arazir kurabagh amibar ofa bar aghua. Ezɨ gumazim arazir ifavarimɨn gɨn ghua ofabagh ami, ezɨ Ekiam ghaze, arazir kam bar ikufi.

Ua Me Ini 10:9

Ezɨ Moses a ikaragha ghaze, “E bar mangam, en boriba ko en gumazamizir ghuriba, en otariba ko guiviba, en sipsipba bar, memeba bar, ko bulmakauba bar. Guizbangɨra, e isar ekiam damuva, Ikiavɨra Itir Godɨn ziam fam.”

Maika 3:4

Eghtɨ dughiatam gɨn izɨtɨ, ia akurvazim bagh Ikiavɨra Itir Godɨn arangtɨ, a ia bareghan kogham. Ia arazir kurabagh ami, kamaghɨn amizɨ, a ian azangsɨziba bareghan kogham, mati a uan guam ian modo.”

Esekiel 8:18

Kamaghɨn amizɨ, kɨ bar pazɨvɨra me damigham. Egh uan anɨngagharim anegɨvagham. Kɨ tong men apangkuv men asughasughan kogham. Me pamtem nan dɨmɨva arangam, eghtɨ kɨ bar me bareghan kogham.”

Jeremaia 11:14

Jeremaia, gumazamizir kaba dughiar kuram bativamin dughiamɨn, nɨ me bagh na ko mɨkɨman markɨ. Nɨ me bagh pamten nan dɨman markɨ. Nɨ men akurvaghsɨ nan azangsɨghan markɨ. Guizbangɨra, me uarir akurvaghsɨ nan dɨmtɨ kɨ me bareghan kogham.”

Jeremaia 14:12

Eghtɨ me ti na bagh dagheba ataghɨragh nan akurvazim bagh na ko mɨkɨmtɨ, kɨ me bareghan kogham. Eghtɨ me ti, ofan na bagh tueghtɨ bar isi mɨghɨramiba ko, witɨn ofan tuamiba, na danɨngtɨ, kɨ dagh ifuegh da inighan kogham. Puvatɨ. Kɨ apaniba amadaghtɨ, me izɨ me mɨsueghtɨ me arɨmɨghiregham. Egh kɨ me damutɨ, me dagheba puvatɨgh arɨmɨghiregham. Egh kɨ arɨmariar ekiabar amutɨ, da me bativtɨ me arɨmɨghiregham.”

Hosea 8:13

Me ofan avɨribagh amua ofa gamir asɨzibar tuziba api. Ezɨ kɨ Ikiavɨra Itir God, kɨ ofan kabagh ifongezir puvatɨ. Kamaghɨn amizɨ, kɨ datɨrɨghɨn men arazir kurabagh inɨrɨgh, ivezir kuram isɨ me danɨngam. Kɨ me amadaghtɨ, me mangɨ ua Isipɨn kantrin otogh kalabuziabar mɨn ikiam.

Malakai 1:10

Ezɨ Ikiavɨra Itir Godɨn Gavgaviba Bar Itim ghaze, “Kamaghɨn ti deragham, gumazitam nan Dɨpenimɨn tiar akaba asegham, eghtɨ gumazitam aven mangɨ ofan mɨngariba puvatɨzir kabar amusɨ ofa gamir dakozimɨn avim arɨghan kogham. Kɨ ian arazir kabagh ifongezir puvatɨ. Egh ofan ia na bagha inigha iziba, kɨ da inian kogham.

Amos 8:12

Gumazamizir kaba bar, Ikiavɨra Itir Godɨn akam baraghsɨ ifueghɨva, a inisɨ ongarir vuemɨn ikegh vuemɨn mangɨ, aruem anadi naghɨn ikegh aruem uaghiri naghɨn mangɨ Godɨn akam bagh mangɨgh zegh damu a buriva a batoghan kogham.