Hosea 5:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Israelia uan God ategha asebar ziaba fema, men arazir kam tuavir amizimɨn arazibar mɨn iti. Arazir kam me gativagha, pamten men nɨghnɨziba ikiagharɨsi, eghtɨ me uamategh uan God bagh izeghan kogham.

Hosea 5:4 ပူးပေါင်းရင်းမြစ်များ

Hosea 4:12

Egha me akar mogomeba azenim darɨghasa, pura ter otevibar ingarizir marvir guabar azangsɨsi. Me ghaze, ter otevir kaba, bizir me foghasa ifongezibar gun me mɨkɨmam. Me na ategha gɨfa, egha asebar gɨn zui, mati amizir mam tintinimɨn gumaziba koma akui.

Jon Osirizir Akar Aghuim 16:3

Me Afeziam gɨfozir puvatɨgha, uaghan na gɨfozir puvatɨ. Kamaghɨn me arazir kabar amuam.

Jon Osirizir Akar Aghuim 8:55

Ia a gɨfozir puvatɨ. Ezɨ kɨ a gɨfo. Egh kɨ suam, ‘Kɨ a gɨfozir puvatɨ,’ kamaghɨn, kɨ ian mɨn ifavarir gumazimɨn otogham. Kɨ a gɨfogha gɨvagha, egha deravɨra an akamɨn gɨn zui.

Hosea 4:6

Nan gumazamiziba nan akamɨn gɨn zuir puvatɨ. Kamaghɨn amizɨ, me ikuvigham. Ia ofa gamir gumaziba uaghan, nan gɨn zuir puvatɨ, egha nan fofozim batuegha gɨfa. Kamaghɨn amizɨ, kɨ ia batuegham. Egh ian otariba ateghtɨ, me nan ofa gamir gumazibar ikian kogham.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Jeremaia 50:38

Asebar marvir guaba da nguibar kam gizɨfa. Ezɨ Babilonia aser kabar gɨn ghua, dar atiatia gumazir onganibar mɨn otifi. Kamaghɨn amizɨ, aruem dughiar ruarimɨn Babilonian gan me inigh mangɨtɨ, men faneba ko daghuriba bar mɨsigham.

Jeremaia 24:7

Egh kɨ men navir averiabar aven nɨghnɨzir aghuiba me danɨngtɨ, me kamaghɨn fogh suam, Kɨ uabɨ, kɨ Ikiavɨra Itir God. Eghtɨ me ua na bagha izɨva, na ko navir vamɨran ikiam. Egh nan gumazamizibar otivightɨ, kɨ men Godɨn ikiam.

Jeremaia 9:24

Gumazim bar akueghsɨ, a bizir bar vamɨra bagh bar akongegham. Bizir kam kamakɨn: Kɨ Ikiavɨra Itir God, a na gɨfozir bizim bagh bar akongegh. Kɨ zurara nguazimɨn gumazamiziba bar men apangkufi. Egha kɨ zurara guizɨn arazimɨn gɨn ghua arazir aghuibar me gami. Kɨ arazir kam damuasa bar akonge. Kɨ Ikiavɨra Itir God, kɨ kamaghɨn mɨkemegha gɨfa.”

Jeremaia 9:6

Me uarira uari abɨrir arazim gamua ghuavɨra ikia, egha ifavarir arazibagh amuavɨra iti. Me nɨghnɨzir gavgavim nan ikɨ, nan gɨn mangan aghua. Kɨ Ikiavɨra Itir God, kɨ kamaghɨn mɨkemegha gɨfa.”

Onger Akaba 78:8

Me uan inazir afeziabar arazibar gɨn mangan markɨ. Men inazir afeziaba orazir puvatɨgha Godɨn akam batoke. Egha nɨghnɨzir gavgavim an itir puvatɨgha, an akaba zurara dar gɨn zuir puvatɨ.

Onger Akaba 9:10

O Ikiavɨra Itir God, gumazamizir nɨ bagha iziba, nɨ akɨrim giragha me gasir puvatɨ. Kamaghɨn gumazamizir nɨ gɨfoziba, me nɨghnɨzir gavgavim nɨn iti.

1 Samuel 2:12

Elin otarimning, Hopni ko Finias, aning gumazir bar kuramning. Aning ofa gamir gumazimning, egha aning ghaze, Ikiavɨra Itir God a pura bizim, egha aning arazir kurar guar avɨrir igharagha garibagh ami.

Hosea 4:14

“Ia uari uaghan asebar ziaba fer dɨpenibar itir, tuavimɨn amizibar gɨn arui. Egha ia me ko ikiava me ko asebar ofa gami. Ezɨ kamaghɨn kɨ ian guiviba ko, ian otaribar amuibar arazir kuraba ikaraghan kogham. Egha kɨ bighavɨra kamaghɨn ia mɨgei, ‘Ia gumazamizir nɨghnɨzir aghuariba puvatɨziba, ia ikuvigham.’

Hosea 7:11

Efraimia, mati kuarazir onganir mam, egha tintinimɨn uari akuri. Faragha me akurvazim bagha Isipɨn azara, egha gɨn me akurvazim bagha uaghan ivemara Asiriaba bagha ghue.

Hosea 13:13

Israelia deravɨra ikian fɨrɨn, me onganigha egha aghua. Men arazir kam, mati borim amebamɨn navimɨn itima, amebam a batasava amima, an azenan otivan aghua.

Hosea 4:11

Egha Ikiavɨra Itir God kamaghɨn mɨgei: “Wainɨn dɨpaba apir arazim ko, tuavir amiziba ko, akuir araziba, nan gumazamizibar nɨghnɨzibagh amizɨ, me onganigha, deraghavɨra nɨghnɨzir puvatɨ.

Hosea 8:11

“Efraimia arazir kuraba gɨn amadir ofa damuasa, ofa gamir dakozir avɨribar ingari. Ezɨ ofan kaba derazir puvatɨ. Kamaghɨn amizɨ, me arazir kurar avɨrim gamuavɨra iti.