Hosea 5:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ikiavɨra Itir God kamaghɨn mɨgei: “Ia oragh. Judan gumazir dapaniba, mati gumaziba gumazir igharazimɨn nguazir otevim okɨmasa nguazir mɨtaghniabagh sɨvaghsɨvasi. Kɨ men arazir kurar kam bangɨn men anɨngaghegh me gasɨghasigham, mati aperiam otogha bizibagh asɨghasɨsi.

Hosea 5:10 ပူးပေါင်းရင်းမြစ်များ

Godɨn Araziba 19:14

Egha Moses ua kamaghɨn mɨgei, “Ikiavɨra Itir God ia ganɨdir nguazir kaba, me fomɨra dar mɨtaghniaba arigha dar abarazɨ da kamaghɨra iti. Eghtɨ ia uan namakabar nguazir mɨtaghniaba ua dagh isɨvagh mangan markɨ.”

Onger Akaba 32:6

Kamaghɨn dera, nɨn gumazamiziba osɨmtɨziba bativ, egh zurara nɨ ko mɨkɨmtɨ, osɨmtɨzim aperiar ekiamɨn mɨn me avigh mangɨsɨ izɨ, me avigh mangɨghan kogham.

Godɨn Araziba 27:17

“ ‘Gumazim uan namakamɨn nguazir mɨtaghniam gisɨvaghtɨ, God a gasɨghasigham.’ Eghtɨ gumazamiziba bar kamaghɨn akam ikaragh suam, ‘Bar guizbangɨra, God kamaghɨra damu.’

Luk Osirizir Akar Aghuim 6:49

Ezɨ gumazir nan mɨgɨrɨgɨaba baragha dar gɨn zui puvatɨzim, a mati gumazim uan dɨpenim nguazir kɨnim ko bizitam gisɨn an ingarizir puvatɨ. Eghtɨ dughiar aperiam otoghamim dɨpenir kam bɨraghtɨma, a irɨgh bar ikuvigham.”

Matyu 7:27

Ezɨ amozim izima aperiam otozɨma, amɨnir ekiam dɨpenir kam pamtem a givai. Bizir kaba dɨpenir kam gunabagha a munamadima, a irɨ. A guizbangɨra bar pazavɨra irɨ.”

Esekiel 7:8

Kɨ ian arazir kurar ia amizir kaba bagh ia tuisɨgh, zuamɨra ian arazir kurar avɨrir kɨ ifongezir puvatɨzir kaba ikarvagh ivezir kuram ia danɨng, egh uan anɨngagharim ia gingeghtɨ, ia osɨmtɨzir ekiaba iniam.

Aghuzir Akaba 22:28

Egh nɨn ovaviba bar fomɨra nɨn nguazimɨn mɨtaghniam gatɨzir ababanim gisɨvagh mangan markɨ.

Aghuzir Akaba 17:14

Gumazim akam adarir mam gamizɨ an oto, a mati gumazim dɨpam apɨrizir dɨvazir ekiam torim a gatɨ. Kamaghɨn an arazir kam ateghtɨ, adarir ekiaba otivan kogham.

Onger Akaba 88:17

Nɨ kamaghɨn na gamizɨ, osɨmtɨziba arueba ko dɨmagariba sara bar na ekɨaru. Mati aperiam otogha ghua nguazir oteviba bar da avara.

Onger Akaba 69:24

Nɨ puvɨra men atar mɨzazim me gasɨ. Nɨn anɨngagharir kam me initɨ me oveng.

Aisaia 1:23

O Jerusalem, nɨn gumazir dapaniba, me gumazir akaba batoziba, egha me uaghan okɨmakɨar gumazibar namakaba. Me zurara kotiabar dughiamɨn, me gumazir arazir kurabagh amibar amamangatɨzɨ, me uarir akurvaghasa me givizivigha, dagɨaba ko biziba me ganɨdi, ezɨ me men akurvasi. Egha me kotiaba barazir dughiamɨn, me borir ameboghfeziaba oveaghuezibar akurvazir puvatɨ, Egha me uaghan deragha kuariba arɨgha oragha, amizir paba oveaghuezibar osɨmtɨziba akɨrir puvatɨ.

Esekiel 22:22

Egh ia mati silva mɨnemɨn aven avir ekiamɨn isia ameri moghɨn, ia datɨrɨghɨn nan gavgavim ganɨva deravɨra na gɨfogh suam, kɨ Ikiavɨra Itir God, kɨ uabɨ uan anɨngagharim ia gingegha mɨzazim ia gase.”