Hosea 4:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Nan gumazamiziba nan akamɨn gɨn zuir puvatɨ. Kamaghɨn amizɨ, me ikuvigham. Ia ofa gamir gumaziba uaghan, nan gɨn zuir puvatɨ, egha nan fofozim batuegha gɨfa. Kamaghɨn amizɨ, kɨ ia batuegham. Egh ian otariba ateghtɨ, me nan ofa gamir gumazibar ikian kogham.

Hosea 4:6 ပူးပေါင်းရင်းမြစ်များ

Aisaia 5:13

Kamaghɨn amizɨ, Ikiavɨra Itir God ghaze, “Bar guizbangɨra nan gumazamiziba, ia na gɨfoghan aghua, kamaghɨn ian apaniba ia inigh mangɨ nguibar igharazimɨn ia isɨ kalabuziam darɨgham. Ian gumazir aruaba ko gumazamiziba, me dɨpaba ko dagheba puvatɨgham, egh me bar ikuvigham.

Aghuzir Akaba 19:2

Gumazim bizitamɨn ingarasa gavgafi, egha bizir a damuasa ifongezir kam a deragha a gɨfozir puvatɨ, ezɨ arazir kam derazir pu. Egha gumazim zuamɨra ingangarir tam damuasa, a ingangarim damutɨ a deraghvɨram otoghan kogham.

Hosea 6:6

Guizbangɨra, Kɨ apangkuvir arazim gifonge, kɨ ofan kɨnibagh ifongezir puvatɨ. Ia zurara ofan bar isia mɨghɨribagh ami, ezɨ kɨ dar aghua. Kɨ bizir kam bagha bar ifonge, a kamakɨn, ia deraghvɨra na gɨfogh nan akamɨn gɨn mangɨ.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Matyu 15:8

‘Gumazamizir kaba, me uan akatoribar nan ziam fe, egha men naviba ko nɨghnɨziba bar saghon iti.

Hosea 8:14

“Israelia ghaze, atriviba ti men akurvaghamin gavgaviba itima, me atrivibar dɨpenibar ingari. Bar guizbangɨra, kɨ God, kɨ gumazamizibar ingari. Ezɨ me bizir kam gɨn amada. Judaba uaghan osɨmtɨzir kamra iti, me dɨvazir gavgaviba itir nguibar ekiabar ingari. Egha ghaze, me deravɨra ikiam. Ezɨ puvatɨ, kɨ avim amadaghtɨ, a izɨ nguibar ekiar kaba ko atrivibar dɨpenibar isigham.”

Aisaia 17:10

O Israelia, God ian akurvazir bizir kam, ia a gɨnɨghnɨzir puvatɨ. Dughiar kurabar, a mati dagɨar bar ekiam, ia ghua an aven uari moga deravɨra iti. Ezɨ bar guizbangɨra, ia a gɨn amadagha bar a gɨnɨghnɨzir puvatɨ. Ia igharaz darazir asebar ziaba fava, ia ghaze, aser kaba ian akuraghtɨ, ia deravɨra ikiam. Egh ia mɨzaziba ko arɨmariaba ikɨ bar ikuvigh deragh ikian kogh, egh uamategh deraghamin tuaviba puvatɨgham. Mati ia wainɨn azenim oparigha, wainɨn ikarɨzibar dafaribar gari, da zuamɨram akɨmariba otivima, ia bar akonge. Ezɨ ia dar dagheba inighan kogham. Puvatɨ. Wainɨn ikarɨzir kaba mɨsightɨ, azenim bar ikuvigham.

Jeremaia 2:8

Ezɨ nan ofa gamir gumaziba uaghan na gɨnɨghnɨzir puvatɨ. Ezɨ Moses Osirizir Arazibagh fozir gumaziba, me uaghan na gɨfozir puvatɨ. Ezɨ ian atriviba, me akɨrim ragha na gasara. Ezɨ ian akam inigha izir gumazamiziba me asem, Bal, an ziamɨn gun mɨgei. Me bar moghɨra bizir kɨnir men akurvaghan koghamibar ziaba fe.”

2 Eghaghaniba 15:3

Bar guizbangɨra, Israelia bar dughiar ruarimɨn, guizɨn God ko itir puvatɨ, me akɨrim ragha a gasara. Egha me Godɨn akabar men sure damuamin ofa gamir gumazitaba itir puvatɨ. Egha me uaghan an Arazibar gɨn zuir puvatɨ.

Hosea 13:6

Ezɨ gɨn ia nguazir aghuimɨn otogha dagher avɨriba ikia, egha biziba bar iti. Ia bizir kaba inigha gɨvagha egha ifaghata uari fa ghaze, ia uari uan gavgavibar da ini. Egha kamaghɨn ia na gɨnamada.

Aisaia 1:3

Bulmakauba uan ghuavibagh fo. Ezɨ donkiba men ghuaviba dagheba me ganɨdi me apir danganibagh fo. Ezɨ nan gumazamiziba, Israelia, me kamaghɨn na gɨfozir puvatɨ, kɨ me geghufi. Ezɨ bulmakauba ko donkiba, dar fofozim bar men fofozim gafira.”

Jeremaia 4:22

Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

Jopɨn Akɨnafarim 36:12

Me oraghan aghuaghtɨ, apaniba me mɨsueghtɨ, me arɨmɨghiram. Egh me uari foghan kogham, bizir tizim me bato.

Jeremaia 5:21

Ia gumazamizir nɨghnɨzir aghuiba ko foziba puvatɨziba. Ia damaziba ikia, bizibar garir puvatɨ. Egha ia kuariba ikia, biziba barazir puvatɨ. Ia datɨrɨghɨn kuariba arigh deraghvɨra nan akaba baragh.

Aisaia 3:12

O nan gumazamiziba, iavzika! Ian gumazir dapaniba ia gifara ia gamizɨ, ia men gɨn tuavir kurabar ghue. Ezɨ borir igiaba ko amiziba ia gativagha, ia dɨkabɨra paza ia gami.

Onger Akaba 119:139

Nan apaniba nɨn akabagh nɨghnɨzir puvatɨ. Kamaghɨn amizɨ, nan navim avimɨn mɨn nan isi.

Onger Akaba 119:61

Gumazir kuraba na gekuigh na inigh uan arazir kuraba bagh mangasava ami. Ezɨ puvatɨ, kɨ nɨn Arazibagh nɨghnɨghavɨra iti.

Matyu 15:14

Ia gumazir kabagh nɨghnɨghan markɨ. Me damazir okavɨrɨziba, egha me tuavim isava gumazir igharazimɨn akakasi. Eghtɨ gumazir damazir okavɨrɨzim tuavim isava gumazir okavɨrɨzir mamɨn akakagh, egh aning vɨrara mangɨ mozimɨn magɨrɨgham.”

Hosea 8:12

Kɨ men sure damuasa uan arazir avɨriba osiri. Ezɨ me arazir kabar garima, da mati ikɨzir igharazibar arazir igharagha gariba. Egha me dar gɨn zuir puvatɨ.

Hosea 8:1

Egha Ikiavɨra Itir God kamaghɨn mɨgei: “Ia mɨdorozim damusɨ sɨgham givi. Apaniba atamra izɨ nan Dɨpenim mɨsoghasava ami, mati kuarazir isam asɨzim iniasa zuamɨra mɨghegha nguazimɨn izaghiri. Guizbangɨra, nan gumazamiziba Akar Dɨkɨrɨzir Gavgavir kɨ me ko amizim abɨki, egha nan akam batoke.

Hosea 4:12

Egha me akar mogomeba azenim darɨghasa, pura ter otevibar ingarizir marvir guabar azangsɨsi. Me ghaze, ter otevir kaba, bizir me foghasa ifongezibar gun me mɨkɨmam. Me na ategha gɨfa, egha asebar gɨn zui, mati amizir mam tintinimɨn gumaziba koma akui.

Hosea 2:13

A dughiar ruarimɨn na gɨnamada, egha ghua mɨgharir mughuriar aghuim zuir ofaba isa asem Bal bagha ofabagh ami. Egha kurkazir aghuaribagh amua gumazir a ifongezibar gɨn arui. Kamaghɨn amizɨ, kɨ ivezir kuram a danigham. Kɨ Ikiavɨra Itir God, kɨ kamaghɨn mɨgei.”

1 Samuel 2:12

Elin otarimning, Hopni ko Finias, aning gumazir bar kuramning. Aning ofa gamir gumazimning, egha aning ghaze, Ikiavɨra Itir God a pura bizim, egha aning arazir kurar guar avɨrir igharagha garibagh ami.

Aisaia 45:20

Ikiavɨra Itir God ghaze, “Ia Kantrin Igharazibar Gumazamizir ikiavɨra itir varazira, ia izɨ uari akufagh! Ia gumazamizir mɨdorozimɨn aven deravɨra ikia, ikiavɨra itiba, ia bar moghɨra kot bagh izɨ! Me uan marvir guar me pura ter otevir kɨnibar ingariziba, da inigha tintinibar dar atera izi. Kɨ men gara ghaze, Me guizbangɨra nɨghnɨzir aghuiba bar puvatɨ. Me uarir akurvaghasa asebar dei, ezɨ da gumazitamɨn akuraghamin gavgaviba puvatɨ.

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.

Aisaia 28:7

Godɨn ofa gamir gumaziba ko, Godɨn akam inigha izir gumaziba, uaghan wainɨn dɨpaba ko dɨpar onganiba puv da apava onganigha, asaghporaghira nuighnuigha men daroriba derazir puvatɨ. Godɨn akam inigha izir gumaziba, me irebamɨn mɨn garir bizibar ganasa, God men akakazir biziba, me deragha dar garir puvatɨ. Ezɨ Godɨn ofa gamir gumaziba, men nɨghnɨziba derazir puvatɨgha, gumazamizibar osɨmtɨziba deragha da tuisɨzir puvatɨ.

Matyu 1:6

Ezɨ Devit Solomonɨn afeziam, an amebam Urian amuim.

Onger Akaba 119:153

Kɨ nɨn Araziba bakɨnɨghnɨzir puvatɨ. Kamaghɨn, nɨ nan osɨmtɨzibar gan nan akuragh.

Aghuzir Akaba 10:21

Gumazir aghuimɨn akaba zurara gumazamizir avɨribar akurvasi. Ezɨ gumazir nɨghnɨzir aghuiba puvatɨziba, men nɨghnɨziba bar paza zui, kamaghɨn me arɨmɨghiram.

Esekiel 44:23

“Ofa gamir gumaziba, bizir na baghavɨra itiba ko nguazir kamɨn bizir kɨniba, nan gumazamizibar sure damu. Egh bizir manam, nan damazimɨn zue, ezɨ bizim manam nan damazimɨn mɨze, nɨ dar men sure damuam.

Hosea 4:14

“Ia uari uaghan asebar ziaba fer dɨpenibar itir, tuavimɨn amizibar gɨn arui. Egha ia me ko ikiava me ko asebar ofa gami. Ezɨ kamaghɨn kɨ ian guiviba ko, ian otaribar amuibar arazir kuraba ikaraghan kogham. Egha kɨ bighavɨra kamaghɨn ia mɨgei, ‘Ia gumazamizir nɨghnɨzir aghuariba puvatɨziba, ia ikuvigham.’

Hosea 5:4

Israelia uan God ategha asebar ziaba fema, men arazir kam tuavir amizimɨn arazibar mɨn iti. Arazir kam me gativagha, pamten men nɨghnɨziba ikiagharɨsi, eghtɨ me uamategh uan God bagh izeghan kogham.

Hosea 7:9

Israelia kantrin igharaziba ko pozir arazir kam, a men gavgavim abɨragha gɨfa, ezɨ me bizir kam gɨfozir puvatɨ. Me mati gumazir ghurir apanim, ua gavgaviba puvatɨ, egha me uaghan bizir kam gɨfozir puvatɨ.

Hosea 7:11

Efraimia, mati kuarazir onganir mam, egha tintinimɨn uari akuri. Faragha me akurvazim bagha Isipɨn azara, egha gɨn me akurvazim bagha uaghan ivemara Asiriaba bagha ghue.

Onger Akaba 18:27

Gumazamizir uari abɨriba, nɨ men akurvasi. Gumazamizir uari pɨrafiba, nɨ me abɨri.

Aisaia 29:12

Eghtɨ nɨ ti gumazir akɨnafariba dɨbora fozir puvatɨzitam, akɨnafarimɨn itir akar osiziriba dɨponsɨ a mɨkɨmtɨ, a kamaghɨn mɨkɨmam, “Kɨ akɨnafariba dɨbora fozir puvatɨ.”

Hosea 9:17

Gumazamizir kaba nan Godɨn akaba batogha an akamɨn gɨn zuir puvatɨ. Kamaghɨn amizɨ, an akɨrim ragh uan gumazamizibagh asaragham. Eghtɨ me kantrin igharazibar tongɨn pura guighav itir gumazamizibar mɨn ikiam.