Hosea 4:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Egha Ikiavɨra Itir God mati kotɨn aven ua kamaghɨn mɨgei: “Gumazitam akam gumazamizibagh asan kogham. Markiam. Ia ofa gamir gumaziba, arazir kurar kamɨn mɨngarim a ian iti. Ezɨ gumazamiziba mɨgɨrɨgɨam ian iti.

Hosea 4:4 ပူးပေါင်းရင်းမြစ်များ

Godɨn Araziba 17:12

Egh gumazitam jas, o Godɨn ofa gamir gumazitam batuegham, ia gumazir kam mɨsueghtɨ an aremegh. Ia kamaghɨn damuva Israelian arazir kurar kam batuegham.

Amos 5:13

Gumazamiziba arazir kurar kabar amuam, eghtɨ ia gumazamizir fofozir aghuiba itiba, ia akabar kumigh bizitamɨn me mɨkɨman markɨ. Bar guizbangɨra, kar arazir kuraba otivir dughiamra.

Hosea 4:17

Efraimia bar uari isa asebagh anigha dar gɨn zui. Markɨ, ia me ateghtɨ me mar uan ifongiabar gɨn mangɨ.

Amos 6:10

Gumazitam aremeghtɨ, an ikɨzimɨn tav izɨ an kuam inigh mangɨ a tusɨ, dɨpenimɨn aven izɨ, egh dɨpenimɨn aven modogha itir gumazir kamɨn diagh a mɨkɨm suam, “Gumazir igharaziba uaghan aven ikiavɨra iti, o puvatɨ?” Eghtɨ gumazir modozir kam kamaghɨn a ikaragh suam, “Puvatɨ.” Eghtɨ gumazir kuam iniamim, a kamaghɨn a ikaragham, “Nɨ aghumra ikɨ. Egh Ikiavɨra Itir Godɨn ziam dɨponan markɨ.”

Esekiel 3:26

Eghtɨ kɨ nɨn mɨzem damightɨ, an anang nɨn akar averiam apɨrightɨ, nɨ mɨkɨman asagham. Eghtɨ nɨ uam akaba batozir ikɨzir kam, nɨ me akɨrsɨ me mɨkɨman kogham.

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Amos 5:10

Gumazir aghuiba, kotiamɨn otiva guizbangɨra mɨgɨa, egha gumazir arazir kurabagh amibar atari, ezɨ ia gumazir aghuir kabar aghua.