Hosea 4:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Efraimia bar uari isa asebagh anigha dar gɨn zui. Markɨ, ia me ateghtɨ me mar uan ifongiabar gɨn mangɨ.

Hosea 4:17 ပူးပေါင်းရင်းမြစ်များ

Onger Akaba 81:12

Kamaghɨn, kɨ me ataghizɨ me uan navibar kumigha uari uan arazir kurabar gɨn ghua, uan ifongiabar bizibagh ami.

Akar Mogomem 22:11

Gumazamizir arazir kurabagh amiba, me dar amu mangɨvɨra ikɨ. Eghtɨ gumazamizir arazir mɨzɨrɨzibagh amiba, me dar amu mangɨvɨra ikɨ. Eghtɨ gumazamizir arazir aghuibagh amiba, me arazir aghuibar amu mamaghɨra ikɨ. Ezɨ gumazamizir God baghavɨra itiba, me Godɨn gumazamizibar ikɨvɨra ikɨ.”

Matyu 15:14

Ia gumazir kabagh nɨghnɨghan markɨ. Me damazir okavɨrɨziba, egha me tuavim isava gumazir igharazimɨn akakasi. Eghtɨ gumazir damazir okavɨrɨzim tuavim isava gumazir okavɨrɨzir mamɨn akakagh, egh aning vɨrara mangɨ mozimɨn magɨrɨgham.”

Hosea 13:2

Egha datɨrɨghɨn me arazir kuram gamua ghuavɨra iti. Me uari bagha marvir guaba silvan dar ingara egha dar ziaba fe. Gumazir maba uari dagh nɨghnigha, egha uan dafaribar dar ingari. Egh nedazir kaba bagh ofa damuasa gumaziba amɨsefe. Me bulmakaun nedazir kabar tori. Amei! Kar gumazamizir anabar bar kuraba.

Hosea 4:4

Egha Ikiavɨra Itir God mati kotɨn aven ua kamaghɨn mɨgei: “Gumazitam akam gumazamizibagh asan kogham. Markiam. Ia ofa gamir gumaziba, arazir kurar kamɨn mɨngarim a ian iti. Ezɨ gumazamiziba mɨgɨrɨgɨam ian iti.

Hosea 12:1

Bizir Efraimia arueba ko dɨmagaribar amiba, da bar moghɨra ikuvigha meraram asɨghasɨsi. Ifavarir arazim ko mɨdorozir arazim men tongɨn bar ekefe. Me kantri Asiria ko ingarasa akam akɨri. Egha me olivɨn borebar dagɨar ingangarim gamua da isa Isipɨn da amadi, ezɨ Isipia dagh ivesi.

Hosea 11:2

Ezɨ dughiar avɨribar gɨn, nan akam inigha izir gumaziba nan gɨn mangasa Israelian gumazamizir kabar dei. Ezɨ akam inigha izir gumaziba men deima, me dughiabar zurara akɨribagh igha me gasi. Nan gumazamiziba asem Bal bagha ofabagh ami. Me mughuriar aghuim zuir ofaba marvir guaba bagha dagh ami.

Hosea 11:6

Mɨdorozir ekiam otoghtɨ, apaniba nguibar ekiam avɨnizir dɨvazimɨn tiar akar ekiam akarigh, ivemar nguibar ekiamɨn aven mangɨ me ko mɨsogham. Nan gumazamiziba uan ifongiamɨn gɨn zui, kamaghɨn amizɨ, mɨdorozir kam me agɨvagham.