Hosea 4:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ “Ia uari uaghan asebar ziaba fer dɨpenibar itir, tuavimɨn amizibar gɨn arui. Egha ia me ko ikiava me ko asebar ofa gami. Ezɨ kamaghɨn kɨ ian guiviba ko, ian otaribar amuibar arazir kuraba ikaraghan kogham. Egha kɨ bighavɨra kamaghɨn ia mɨgei, ‘Ia gumazamizir nɨghnɨzir aghuariba puvatɨziba, ia ikuvigham.’

Hosea 4:14 ပူးပေါင်းရင်းမြစ်များ

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Hibru 12:8

God uan boriba bar da akɨrmɨsi. A ia akɨrmɨghan koghtɨ, ia fogh, ia guizbangɨrama an boriba puvatɨ. Ia pura tuavimɨn otivizir boriba.

Efesus 4:18

Egha men nɨghnɨziba mati me mɨtatemɨn iti. Egha me fofoziba bar puvatɨgha men naviba bar gavgafi, kamaghɨn me Godɨn ikɨrɨmɨrimɨn azenan iti.

1 Korin 6:16

Gumazim arazir kurabagh amir amizim ko porogha, a ko aning inivafɨzir vamɨram oto. Ia ti kamaghɨn fozir puvatɨ? Godɨn Akɨnafarim kamaghɨn mɨkeme, “Aning, inivafɨzir vamɨram otogham.”

Akɨnafarir Pol Romɨn Nguibar Ekiamɨn Itir Sios Bagha Osirizim 3:11

Gumazitam fofozir aghuim itir puvatɨ. Gumazitam God buri puvatɨ.

Jon Osirizir Akar Aghuim 8:43

Ezɨ manmaghɨn amizɨ ia deravɨra nan akam gɨfozir puvatɨ? Ia nan akam baraghan aghua, egha bizir kam bangɨn ia deravɨra nan akam gɨfozir puvatɨ.

Hosea 14:9

Gumazir nɨghnɨzir aghuarim itiba, me akɨnafarir kamɨn aven tir mɨgɨrɨgɨaba, me dar fofozir aghuim iniam. Ezɨ kɨ kamaghsua, me akar kam gɨnɨghnɨgh, egh an gɨn mangam. Ikiavɨra Itir Godɨn Araziba bar dera, ezɨ gumazamizir aghuariba dar gɨn zui. Ezɨ gumazamizir arazir kurabagh amiba, me dar gɨn zuir puvatɨ. Kamaghɨn amizɨ, me asaghpora iri.

Hosea 4:17

Efraimia bar uari isa asebagh anigha dar gɨn zui. Markɨ, ia me ateghtɨ me mar uan ifongiabar gɨn mangɨ.

Daniel 12:10

Eghtɨ bizir kaba otiv gumazamizibar amutɨ me arazir aghuibar amuam. Egh me Godɨn damazimɨn zuegham. Egh gumazamizir fofozir aghuiba ko nɨghnɨzir aghuiba itir kaba, merara bizir kamɨn mɨngarim gɨfogham. Eghtɨ gumazamizir kuraba me bizir kamɨn mɨngarim gɨfoghan kogham. Egh me arazir kurar avɨrim damuam.

Aisaia 56:11

Me afiabar mɨn daghem bagha bar ikufi, egha tong izɨvazir puvatɨ. Me mati sipsipbar garir gumazim uan ingangarim gɨfozir puvatɨ. Me vaghvagha uan ifongiabar gɨntɨsi. Me uarira uarigh nɨghnɨgha bizibagh amua uarira uarir akurvasi.

Aisaia 1:5

Egha manmaghsua ia Godɨn akam batoghavɨra iti? Ia ti zurara mɨzaziba inian aghua, a? Israelia, ia mati gumazir me bar puv mɨsoghezim, ezɨ an mɨkarzim ikufi, egha gavgaviba puvatɨ. Ezɨ duaba bar an dapanim gizɨfa.

Aghuzir Akaba 28:5

Gumazamizir arazir kurabagh amiba, me arazir aghuiba deragha da tuisɨgha fozir puvatɨ. Ezɨ gumazamizir Ikiavɨra Itir Godɨn gɨn mangasa ifongeziba, me arazir aghuim tuisɨgha bar a gɨfo.

2 Atriviba 23:7

Ezɨ Josaia mɨgeima, me ghua gumazir poroghamiba uari bakɨa uari koma akuir arazim gamibar danganiba, da Ikiavɨra Itir Godɨn Dɨpenimɨn boroghɨn iti, egha me datɨrɨghɨn bar ada akaragharɨki. Dɨpenir kaba, da nguazir otevir amiziba aser amizim Aseran marvir guam bagha inibar ingari naghɨn iti.

1 Atriviba 15:12

Egha Asa asebar ziaba fer danganibar, gumazir poroghamiba uari bakɨa uari koma akuir arazim gamiba, a bar me batoke. Egha an inazir afeziaba dɨghoregha asezir asebar marvir guaba, a bar da batoke.

Godɨn Araziba 23:17

“Israelian gumazamiziba, ia asebar ziaba fer dɨpenibar aven, tuavimɨn amiziba ko tuavimɨn gumazibar mɨn otivigh asebar ziam famin arazimɨn gɨn mangɨ, dagɨaba bagh tintinibar gumaziba ko amiziba ko dakuan markɨ.

Hosea 5:4

Israelia uan God ategha asebar ziaba fema, men arazir kam tuavir amizimɨn arazibar mɨn iti. Arazir kam me gativagha, pamten men nɨghnɨziba ikiagharɨsi, eghtɨ me uamategh uan God bagh izeghan kogham.

Amos 2:7

Me gumazir gavgaviba puvatɨziba dɨkabɨra, onganarazibagh amir gumazamiziba batosi. Egha afeziar maba uan otariba ko me amizir vamɨra ko akua arazir kurabar a gami. Me kamaghɨn amua nan ziar aghuim gasɨghasɨsi.

Amos 7:17

Amasia, nɨ akar kam na gasi. Ezɨ datɨrɨghɨn, Ikiavɨra Itir God kamaghɨn akam nɨn iti. “ ‘Nɨn amuim, nguibar ekiar kamɨn aven tuavimɨn amizimɨn mɨn gumaziba isɨ me ko dakuam, eghtɨ apaniba izɨ mɨsogh nɨn boribav sueghtɨ me arɨmɨghiregham. Egh me nɨn nguazim inigh anebɨghɨrarigh gumazir igharazibar anɨngam. Egh apaniba nɨ inigh, gumazamizir God gɨfozir puvatɨzibar kantrin mangɨghtɨ, nɨ kantrin kamɨn aremegham. Eghtɨ apaniba Israelia inigh mangɨ kantrin saghuiamɨn itir igharazir kamɨn, me isɨ kalabuziamɨn mɨn me arɨgham.’ ”

Dɨboboniba 25:3

Arazir kamɨn, Israelia uari isa Peorɨn Mɨghsɨamɨn asem Bal ganɨga an poro. Ezɨ Ikiavɨra Itir God puvɨra men atara navim isi.

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.