Hosea 4:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Hosea 4:1 ပူးပေါင်းရင်းမြစ်များ

Jeremaia 4:22

Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

Maika 6:2

Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.

1 Korin 15:34

Ia arazir onganiba ateghɨva deravɨra nɨghnɨgh. Egha ia uam arazir kurabar amuan markɨ. Ia oragh, ian marazi God gɨfozir puvatɨ. Ia aghumsɨghasa kɨ akar kamɨn ia mɨgei.

Akɨnafarir Pol Romɨn Nguibar Ekiamɨn Itir Sios Bagha Osirizim 1:28

Me Godɨn guizɨn fofozim suiragh a gɨnɨghnɨghan aghua, kamaghɨn God me ataghizɨ, me uan nɨghnɨzir kurar mɨzɨrɨzibar gɨn ghua arazir bar kurar e damuan koghamibagh amua, nɨghnɨziba bar ikufi.

Hosea 12:2

Ikiavɨra Itir God Judaba tuisɨghamin mɨgɨrɨgɨam iti. Egh a Israelia amizir arazir kuram ikarvagh ivezir kuram me danɨngam.

Jeremaia 25:31

An dɨmdɨar kamɨn nɨgɨnim, bar nguazim avaragham. Ezɨ dɨmdɨar kamɨn mɨngarim kamakɨn. Ikiavɨra Itir God nguazir kamɨn gumazamiziba bar me tuisɨgham. A kantriba bar dar gumazamiziba isi kot darɨgham. Egh ana apaniba ameghtɨ me mangɨva, gumazamizir arazir kurabagh amibav soghtɨ, me arɨmɨghiram. Ikiavɨra Itir God, a kamaghɨn mɨkeme.

Jeremaia 5:4

Ezɨ kɨ ghaze, Gumazamizir kaba, pura onganarazibagh amir gumazamizibar mɨn ikia, egha fofoziba bar men puvatɨ. Egha me Ikiavɨra Itir God, men God, a me damuasa ifongezir araziba, me deravɨra dagh fozir puvatɨ. Kamaghɨn, me arazir onganibagh ami.

Aisaia 34:1

Ia nguazir kamɨn itir kantriba bar dar gumazamiziba, ia izɨ. Ia ikɨziba bar izɨ uari akuvagh akar kam baragh. Nguazim ko an itir biziba bar moghɨra, ia uaghan kuariba arigh deraghvɨram oragh.

Aisaia 1:18

“Ia oragh. Kɨ Ikiavɨra Itir God, kɨ ia mɨgɨa ghaze, Ia izɨ, e uari akuvagh deraghvɨra nɨghnɨgh akam akɨrigham. Kɨ garima, ia arazir kurar avɨriba iti, egha ia mati nir ghurghurim, me nguazir aghevim a gasɨghasigha gɨvazɨ moghɨn iti. Eghtɨ kɨ ia zuegh ia damutɨ, ia ua buruvir ovɨzimɨn mɨn bar ghurghurigham. Guizbangɨra, ian arazir kuraba, mati ter ovɨzir aghevir ighiabagh amimɨn mɨn gari. Eghtɨ kɨ ian arazir kuraba gɨn amadaghtɨ, ia arinir ghurghurimɨn mɨn bar ghurghurigham.

Akar Mogomem 2:29

“Tina kuarimning iti, an akar Godɨn Duam siosbav geiba baragh.”

Akar Mogomem 2:11

“Tina kuarimning iti, an akar Godɨn Duam siosbav geiba baragh. Gumazamizir mɨdorozim gamua apaniba abɨriba, ovever namba 2 me gasɨghasɨghan kogham. Bar puvatɨ.”

Jon Osirizir Akar Aghuim 8:55

Ia a gɨfozir puvatɨ. Ezɨ kɨ a gɨfo. Egh kɨ suam, ‘Kɨ a gɨfozir puvatɨ,’ kamaghɨn, kɨ ian mɨn ifavarir gumazimɨn otogham. Kɨ a gɨfogha gɨvagha, egha deravɨra an akamɨn gɨn zui.

Amos 7:16

Nɨ datɨrɨghɨn, Ikiavɨra Itir Godɨn akam baragh. God adarim Israelian ti, ezɨ nɨ Godɨn akam inigha izir gumazimɨn akaba, Israelia mɨkɨman nan anogoroke.

Hosea 5:1

“O ofa gamir gumaziba, ia akar kam baragh. Ia Israelia, deravɨra kuaribar arigh nan akam baragh. Ia atrivimɨn adarasi, ia oragh. Ia kotɨn aven tughtɨ, kɨ deravɨra ian osɨmtɨziba tuisɨgham. Kɨ fo, ia ofa gamir gumaziba azuazimɨn mɨn gumazamizibagh ifarava me gekua, Mispan nguibam ko Taborɨn Mɨghsɨamɨn asebar ziaba fe. Kamaghɨn amizɨ, ia gumazamizir avɨribar nɨghnɨzibar suirazɨ, me okam nɨghnɨsi. Ia mati asɨzir atiabar suizir mozibar mɨn iti. Kamaghɨn amizɨ, kɨ ivezir kuram isɨ bar ia danɨngam.

Jeremaia 34:4

O Judan Atrivim Sedekaia, kɨ Ikiavɨra Itir God, kɨ akar igharazir kam nɨn iti. Nɨ deraghvɨra nan akar kam barakigh: Me nɨ mɨsueghtɨ nɨ aremeghan kogham.

Jeremaia 19:3

‘Ia Judan atriviba ko Jerusalemɨn gumazamiziba, ia Ikiavɨra Itir Godɨn akam baragh! Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei. Kɨ bizir bar kuram damightɨ, a danganir kamɨn otivam. Eghtɨ gumazamizir bizir otivamin kamɨn akaba bareghamiba, me bar dɨgavir kuram damigham.

Jeremaia 9:20

Ezɨ kɨ ghaze: Ia Jerusalemɨn amiziba, ia kuariba arigh Ikiavɨra Itir Godɨn akam baragh. Ia uan guiviba azirakar ighiabar men sure damu. Egh vaghvagh namakaba azirakar kamɨn men sure damu,

Jeremaia 7:28

Eghtɨ nɨ kamaghɨn me mɨkɨm suam, ‘Kantrin kamɨn gumazamiziba, Ikiavɨra Itir God, men Godɨn akamɨn gɨn ghuzir puvatɨ. Egh God ateghtɨ a me akɨrmɨghasa me nɨghnɨzir puvatɨ. Egha guizɨn akamɨn gɨn zuir tuavir kam, me bar anetaki.’ ”

Jeremaia 6:13

Men gumazamizir ziaba puvatɨzibar ikegha ghua, gumazamizir ziaba itibar tuziba, me bar moghɨra ifara uari baghavɨra nɨghnɨgha, arazir kurar avɨribagh amua dagɨaba ko biziba isi. Ezɨ gumazir ofa gamiba, ko akam inigha izir gumaziba, me uaghan arazir kurar kamɨn gɨn ghua ifavaribagh ami.

Jeremaia 2:4

Ia Jekopɨn ovavir boriba, ia bar Israelian ikɨziba, ia bar Ikiavɨra Itir Godɨn akam baragh.

Aisaia 66:5

“Ia Ikiavɨra Itir Godɨn akam baragh an apengan ikia, an akamɨn atiatia agoi darasi, ia akar kɨ datɨrɨghɨn ia mɨkɨnamim baragh! Ia an gɨntɨghasa bar gavgafi, kamaghɨn amizɨ, ian adarazi bar ia gifongezir puvatɨgha, akɨrim ragha ia gasaragha ghaze, ia men tongɨn ikian kogham. Egha me dɨbovir akabar ia mɨgɨa, kamaghɨn mɨgei, ‘Ikiavɨra Itir God uan gavgavir ekiam ko izɨ ia damutɨ, ia bar akongeghtɨ, e ganika.’ Ezɨ kɨ kamaghɨn ia mɨgei, Ia men gantɨ, me bar aghumsigham.

Aisaia 34:8

Ikiavɨra Itir Godɨn nguibar ekiam Saion, apaniba a dɨkabɨravɨra iti. Kamaghɨn amizɨ, a me ikarvaghamin azenir mam amɨsevegha gɨfa. Eghtɨ dughiar kam otoghtɨ, a ivezir kuram isɨ me danɨngam.

Aisaia 28:14

Ia gumazir aruar Jerusalemɨn itir gumazamizibar gariba, ia deraghvɨra Ikiavɨra Itir Godɨn akam baragh. Ia na dɨpova ghaze, nan akam a pura bizim.

Aisaia 5:3

Ezɨ nan namakam kamaghɨn mɨgɨa ghaze: “Ia Judan kantrin itir gumazamiziba ko Jerusalemia, ia datɨrɨghɨn na ko nan wainɨn azenim tuisɨgh ga mɨkɨm, Tina osɨmtɨzim iti? Nan osɨmtɨzim, o nan wainɨn azenimɨn osɨmtɨzim?

Aisaia 1:10

Ia Jerusalemɨn gumazir dapaniba ko, gumazamiziba, ia mati fomɨra Sodom ko Gomoran ikezir gumazir kurabar mɨn iti. Egh ia datɨrɨghɨn bar deravɨra kuariba arigh Ikiavɨra Itir Godɨn akam baragh, a en God. A, ian sure damuamin akam, ia deravɨram a baragh.

1 Atriviba 22:19

Ezɨ Mikaia ua kamaghɨn mɨgei, “Nɨ datɨrɨghɨn deragh kuarim atɨgh oraghtɨ, kɨ Ikiavɨra Itir God nan akazir bizibar nɨ mɨkɨmam. Kɨ garima, Ikiavɨra Itir God uan Nguibamɨn uan atrivir dabirabim gaperaghav iti, ezɨ an enselba bar an okarigha tuivigha iti.

Aisaia 59:4

Ia deravɨra kotiabagh amir pu. Puvatɨ. Ia akar ifavaribagh amua, pura gumazir igharazibagh ekua kotiam bagha zui. Egha ia mɨgɨrɨgɨar ifavarir guar avɨribagh ami, eghtɨ me iararam oragh igharaz darazi dɨkabɨnam. Ian nɨghnɨziba ko naviba, arazir kurabar amuamin araziba dagh gizɨfa, ezɨ ia arazir kurar guar avɨribagh amima da otifi.

Aisaia 59:8

Ia navir amɨrizimɨn tuavim gɨfozir puvatɨgha igharaz darazi ko deragha apiaghiri puvatɨ. Ian ikɨrɨmɨrim, guizɨn arazim an itir puvatɨ, ia mati tuavir ikɨzɨrɨzimɨn zui. Ian araziba bar derazir puvatɨ, eghtɨ gumazitam ian gɨn tuavir ia zuimɨn mangɨ, navir amɨrizim ko dabirabir aghuim batoghan kogham.

Jeremaia 9:3

Ikiavɨra Itir God na ikaragha ghaze: “Mati gumazim pir baribar asɨva amangasa ami moghɨn, ifavarim nan gumazamizibar akatoribar otiv mangasava ami. Egha men ifavarir arazim, men kantrin bar ekefe. Ezɨ nan gɨn zuir guizɨn arazim a itir puvatɨ. Akar ifavarim bar ekefe. Ezɨ me nɨghnɨzir gavgavim nan itir puvatɨ.”

Jeremaia 51:5

Israelia ko Judaba faragha uan nguazimɨn itir dughiamɨn, me Israelian Godɨn Bar Zuezimɨn damazimɨn arazir kurar avɨribagh ami. Ezɨ Ikiavɨra Itir Godɨn Gavgaviba Bar Itim, an akɨrim ragha me gasarazir puvatɨ, egha me ataghizɨ me mati amizir paba ovengezibar mɨn pura itir puvatɨ.

Joel 1:2

Ia gumazamizir aruaba, ia oragh. Ia Judan nguazimɨn itir gumazamiziba bar, kuariba arɨkigh. Kɨ datɨrɨghɨn otivir biziba bagh ian azangsɨghasa. Fomɨra bizir kamaghɨn garitam ti ian dughiam ko ian inazir afeziabar dughiamɨn otoz, o puvatɨ?

Onger Akaba 81:9

Ia marvir guabar ziaba fan markɨ. Ia kantrin igharazibar asebar ziaba fan markɨ.

Jeremaia 2:9

Ikiavɨra Itir God, kamaghɨn mɨgɨa ghaze: “Ia amizir arazir kurar kaba bagh, kɨ ia isɨ kot datɨgham. Egh kɨ uaghan ian boriba, ko ian ovavir borir gɨn otivamiba, kɨ me isɨ kot datɨgh me tuisɨgham.

Jeremaia 9:7

Kamaghɨn, Ikiavɨra Itir Godɨn Gavgaviba Bar Itim mɨgɨa ghaze: “Kɨ uan gumazamizibar araziba tuisɨgh, mɨzazim me danɨngɨva men gan me gɨfofogham, mati gumazim silva isa avimɨn a tua, an mɨneziba mɨsɨva da batozɨ mokɨn. Kɨ gumazamizir kabar arazir kuraba bagh damuamin tuavitam ua itir puvatɨ. Bar puvatɨ.

Jeremaia 11:7

Kɨ ian inazir afeziaba Isipɨn me inigha iza datɨrɨghɨn, ia ikiangsɨgha ivɨvɨgha ia mɨgɨa ghaze, ia nan Akar Dɨkɨrɨzir Gavgavimɨn gɨn mangɨ.

Esekiel 16:35

Ikiavɨra Itir God ua kamaghɨn mɨgei: “O Jerusalem. Nɨ tuavimɨn amizim, nɨ nan akam barakigh! Kɨ Ikiavɨra Itir God.

Hosea 5:4

Israelia uan God ategha asebar ziaba fema, men arazir kam tuavir amizimɨn arazibar mɨn iti. Arazir kam me gativagha, pamten men nɨghnɨziba ikiagharɨsi, eghtɨ me uamategh uan God bagh izeghan kogham.

Hosea 12:3

Men inazir afeziam, Jekop, a uan aveghbuam ko, aning uan amebamɨn navir averiamɨn ikia, uaning mɨsosi. Gɨn Jekop ekevegha gɨvagha God ko mɨsosi.

Amos 3:1

O Israelɨn gumazamiziba, ia oragh! Ikiavɨra Itir God Isipɨn kantrin aven ia inigha azenan ize, ia bar moghɨra deragh an akar a ia gasim baragh.