Hosea 2:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Men amebar kam uan pam ategha, tintinibar gumazir igharaziba ko akua navim asegha aghumsɨziba puvatɨ, egha kamaghɨn mɨgei, ‘Kɨ gumazir kɨ ifongezibar gɨn mangam. Me dɨpaba ko, dagheba ko, korotiaba ko, olivɨn borem ko, wainɨn dɨpaba ko, bizir maba sara na ganɨdi.’

Hosea 2:5 ပူးပေါင်းရင်းမြစ်များ

Hosea 3:1

Egha Ikiavɨra Itir God ua kamaghɨn na mɨgei, “Nɨ ua mangɨ uan amuim gifongegh. Nɨ faragha uan amuim gifonge, ezɨ a ghua poroghamiba uari bakeir arazim gami. Nɨ bar a gifongegh, mati kɨ uan gumazamiziba Israelia bar me gifonge. Guizbangɨra, me na ategha aseba bagha ghue, egha wainɨn ovɨzir me apuziziba isa asebar ofa gami. Me kamaghɨn amizɨ, kɨ Ikiavɨra Itir God me gifueghavɨra iti.”

Hosea 2:8

“A kamaghɨn foghan aghua, kɨ uabɨ dagheba ko, wainɨn dɨpam ko, olivɨn borem ko, silva ko, gol ko, bizir maba sara bar a ganɨngi. Ezɨ puvatɨ, a bizir bar aghuir kaba inigha ghua asem Balɨn ziam fe.

Aisaia 1:21

O Jerusalemɨn nguibar ekiam, nɨ fomɨra deravɨra nan akamɨn gɨntɨsi, egha nɨ datɨrɨghɨn tuavibar amizimɨn mɨn oto. Fomɨra, gumazamizir arazir aghuibagh amiba ko, gumazir kotiamɨn aven guizɨn arazibar gɨntɨziba, nɨ gizɨfa, egha datɨrɨghɨn, gumazir gumazamizibav sozi me ariaghɨriba, nɨ gizɨfa.

Hosea 9:10

Egha Ikiavɨra Itir God kamaghɨn mɨgei: “Kɨ faraghavɨra ian apizir dughiamɨn, ia bar dera, mati wainɨn ikarɨzim nguazir mɨdiarimɨn otogha deraghavɨra be. Ezɨ ian inazir afeziaba, mati temer fikɨn ovɨzir faraghavɨram aniba. Egha gɨn me Peorɨn Mɨghsɨamɨn otivigha, egha faraghavɨra asem Balɨn ziam fava aghumsɨzir araziba baghavɨra iti. Me bar aser kam gifonge, egha an mɨrara bar ikufi.

Hosea 8:9

Me donkin atiabar mɨn puvɨra akaba batosi, egha uan ifongiabar gɨn zui. Egha uarir akurvaghasa Asiriaba bagha ghua men azangsɨsi. Egha me uarir akurvaghasa kantrin igharazibar atrivibagh iveza me apezeperi.

Hosea 4:5

Ia zurara ingangarim gamua, deraghavɨra ingarir puvatɨgha asaghporavɨra iti. Ezɨ Godɨn akam inigha izir gumaziba uaghan kamaghɨram ami. Kamaghɨn amizɨ, kɨ Israel gasɨghasigham, a mati ian amebam.

Hosea 2:2

Ezɨ God akar isɨn zuim uan gumazamizibagh amua ghaze: “O nan boriba, ian amebam ua nan amuimɨn mɨn itir puvatɨ, ezɨ kɨ uam an pamɨn mɨn itir puvatɨ. Ia pamten, a mɨkɨm a gakaghontɨ, a uan arazir tintinimɨn gumaziba ko akuim atakigh. A ua tuavimɨn amizimɨn arazim damuan markɨ.

Jeremaia 11:13

“Judaba, ian aser ia ziaba febar dɨbobonim, ian nguibar ekiabar dɨbobonim ko magh ghu. Egha ia aghumsɨzim itir asem Bal bagha, ofan mɨgharir mughuriar aghuim zuim damuasa dakozir avɨribar ingari. Ezɨ dakozir kabar dɨbobonim da Jerusalemɨn nguibar ekiamɨn tuavir aguabar dɨbobonim ko magh ghu.

Jeremaia 2:20

Ikiavɨra Itir God, a ua kamaghɨn mɨgɨa ghaze: “Israelia, ia oragh. Fomɨra ia uari nan akabar gɨn mangɨ nan apengan ikian aghuagha, ingangarir kɨ ia ganɨngizim ategha ghaze, ‘Ingangarir e damuasa nɨ e ganɨngizim, e a damuan kogham.’ Egha ia mɨghsɨabar ghuanaga ruarir ghuribar temer ekiabar apengan, marvir guabar ziaba fe. Ia mati, tuavimɨn amizimɨn mɨn ghua gumazir avɨriba ko tintinibar akui moghɨn ami.

Aisaia 50:1

Egha Ikiavɨra Itir God kamaghɨn Israelian gumazamizibav gei: “Jerusalemɨn nguibar ekiam, mati ian amebam. Ia ti ghaze, gumazim uan amuim batuegha bar anemadazɨ a ghuzɨ moghɨn, kɨ akɨrim ragha bar a gasara, a? Egh ia mamaghɨn nɨghnɨghtɨ, akɨnafarir poroghamiba uari ataghɨrazimɨn akam, a managh iti? Egha kɨ uaghan gumazitamɨn bizitam inizir puvatɨgha, uam a ikarazir puvatɨ. Ezɨ ia tizim bagha kamaghɨn nɨghnɨgha ghaze, ia nan boriba, kɨ uan ikarvazim akɨrmɨghsɨ, dagɨaba bagh pura ingangarir gumazir kɨnibar mɨn gumazir igharazibar ingarsɨ, ia amadagham? Kamaghɨn puvatɨ. Ian arazir kurar avɨribara na gamima, kɨ ian anɨngaghegha, akɨrim ragha Jerusalem gasaragha, a isa gumazir igharazibar agharim gatɨ.

Gumazir Dapaniba 16:23

Ezɨ dughiar mamɨn Filistiabar atriviba iza uari akuvagha, isar ekiar mam gamua uan asem Dagon bagha ofa gami. Egha me bar akongegha kamaghɨn mɨgei, “En asem en akurazɨma e uan apanim Samsonɨn suiragha anebɨra.”

Hosea 1:2

Ikiavɨra Itir God Israelia mɨkɨmasa, Hosean dughiar bar faragha zuimɨn, akam isa a ganɨga kamaghɨn a mɨgei, “Nan gumazamiziba ua na gifongezir puvatɨ, egha asebar ziaba fe, mati tuavimɨn amizir tintinimɨn gumaziba koma akuim. Nɨ kamaghɨn men akakagham, nɨ mangɨ tuavir amizitam inigh an ikɨtɨ, a poroghamiba tintinibar uari bakeir arazim damuvɨra ikiam. Eghtɨ an boriba, tuavimɨn amizim oteghamin boribar mɨn ikiam.”

Jeremaia 6:8

O Jerusalemia, ia nan akam barakigh. Puvatɨghtɨ, kɨ zuamɨra akɨrim ragh ia gasaragham. Egh kɨ ia damightɨ ia nguibar soriam gavaghtɨ, gumazamiziba puvatɨgham.”

Jeremaia 13:22

Egh nɨ ti uan navir averiamɨn aven uabɨ uabɨn azangsɨgham, manmaghɨn amizɨ, bizir kurar kaba na batifi? Nɨ kamaghɨn fogh, Nɨn arazir kuram bar ekefe. Kamaghɨn amizɨ, gumaziba nɨn korotiaba suegha arazir kurabar nɨ gami.

Esekiel 16:4

Amebam nɨ batezɨma, tav nɨn overapanir sazim atugha nɨ ruezir puvatɨ. Me amangsɨzim nɨ gaghuizir puvatɨ, egha inir avɨzibar nɨ nomkezir puvatɨ.

Esekiel 16:35

Ikiavɨra Itir God ua kamaghɨn mɨgei: “O Jerusalem. Nɨ tuavimɨn amizim, nɨ nan akam barakigh! Kɨ Ikiavɨra Itir God.

Esekiel 16:39

Kɨ nɨ isɨ gumazir kabar agharim datɨghtɨ, me nɨn danganir nɨ gumaziba koma akua, egha asebar ziaba feba, me bar da akararigh dagh asɨghasigham. Me nɨn korotiaba ko kurkazir aghuiba bar da inigh mangɨ nɨ ateghtɨ nɨ bibiabara ikiam.

Amos 8:13

“Dughiar kamɨn amizir igiar diriba ko gumazir igiaba, nan akam inisɨ damu, damaziba men sɨrightɨ me iregham, mati gumazamiziba dɨpam bagha ariaghire.