Hosea 2:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ An arazir kam ateghan koghtɨ, kɨ an korotiaba sueghtɨ, a bibiamra ikɨ bar aghumsigham. Kɨ a damightɨ, a nguazir bar kuramɨn mɨn otogham. Nguazir kam, bar mɨsɨngizɨ temeba ko biziba an aghuir puvatɨ, egha dɨpar apiba an puvatɨ. Arazir kamɨn kɨ a gasɨghasigham.

Hosea 2:3 ပူးပေါင်းရင်းမြစ်များ

Esekiel 16:22

Nɨ uan arazir kurar kɨ bar aghuaziba ko, nɨn arazir nɨ tuavimɨn amizimɨn mɨn amibar gɨn ghua, tong uan aghɨrimra ikezir dughiam gɨnɨghnɨzir puvatɨ. Dughiar kamɨn nɨ bibiamra ikiava uan ghuzim gɨpoghposi.”

Esekiel 19:13

Me datɨrɨghɨn a inigha dɨpaba puvatɨzir danganimɨn ghua, nguazir dakɨghtɨzimɨn anekara.

Jeremaia 13:22

Egh nɨ ti uan navir averiamɨn aven uabɨ uabɨn azangsɨgham, manmaghɨn amizɨ, bizir kurar kaba na batifi? Nɨ kamaghɨn fogh, Nɨn arazir kuram bar ekefe. Kamaghɨn amizɨ, gumaziba nɨn korotiaba suegha arazir kurabar nɨ gami.

Akar Mogomem 17:16

Asɨzir atiam ko 10plan komɨn nɨ ganizir kabanang, arazir kurabagh amir amizimɨn apanim damuam. Me an biziba bar da inigh, egh an korotiaba bar da suegh, an mɨkarzimɨn tuziba bar dar amegh, egh avimɨn a daboroghtɨma a bar moghɨra isigham.

Jeremaia 51:43

An nguibar ekiaba bar ikuvigham. Eghtɨ kantrin kam danganir dakɨghtɨzir kɨnimɨn mɨn ikiam. Eghtɨ gumazamiziba an ikian koghɨva, a daruan kogham.

Jeremaia 22:6

Kɨ Ikiavɨra Itir God, kɨ Judan atrivimɨn dɨpenim mɨgɨrɨgɨar kam an iti: “O atrivimɨn dɨpenim, kɨ nɨn garima, nɨ bar dera, nɨn ganganim bar deragha mati Distrik Gileatɨn ruarir ekiam, egha mati kantri Lebanonɨn mɨghsɨar ekiaba. Eghtɨ kɨ nɨ damightɨ, nɨ pura nguazir kɨnimɨn mɨn ikiam, mati danganir mɨsɨngiziba ko nguibar gumazamiziba itir puvatɨziba.

Jeremaia 17:6

A mati temer muziarim dɨpaba puvatɨzir danganimɨn ikiava aghui. Danganir kam gumaziba puvatɨzɨ, nguazim amangsɨzim a gizɨfa. Gumazir kamaghɨn garim, dabirabir aghuiba puvatɨgham.

Jeremaia 13:26

Kɨ uabɨ nɨn korotiam fegh uanaboghtɨ, gumazamiziba nɨn mɨkarzir mogomemɨn gantɨ, nɨ bar aghumsɨgham.

Jeremaia 12:10

“Kantrin Igharazibar Gumazamizibar gumazir dapanir avɨriba iza, nan wainɨn azenir dirim gasɨghasɨki. Me azenir dirir kam dɨkezɨ, a danganir mɨdiarimɨn mɨn iti. Ezɨ gumazamiziba uam an itir puvatɨ.

Jeremaia 4:26

Ezɨ kɨ ua garima, fomɨra nguazir otevir biziba bar deravɨrama aghuiba, da datɨrɨghɨn dɨpaba puvatɨzir danganir kɨnibar otifi. Ezɨ nguibar ekiar nguazir kamɨn itiba bar ikufi. Kar Ikiavɨra Itir Godɨn anɨngagharim bar ekevegha, bizir kabagh amizɨ da otifi.

Jeremaia 2:31

Ia Israelian datɨrɨghɨn iti darasi, kɨ Ikiavɨra Itir God, kɨ ia mɨkɨmasa. Ia deraghvɨra kuariba arigh, nan akam baragh. Ia ti ghaze, kɨ bizir kuram, egha mati danganir dakɨghtɨzim? Kɨ mati danganir bar mɨtatem, a? Bar puvatɨ. Egha manmaghsua ia nan gumazamiziba ghaze, Datɨrɨghɨn e uari uan ifongiabar gɨn mangɨ tintinibar daruam. E ua nɨ bagh izan kogham.

Jeremaia 2:6

Me na gɨnɨghnɨzir puvatɨ. Egha me bizir kɨ men akurvaghasava amiziba dagh nɨghnɨzir puvatɨ. Kɨrara Isipɨn kantrin me inigha men akua ize. Ezɨ me pura danganir dɨpaba puvatɨzir ekiam abɨki. Danganir kam, pura gigir kɨnim an iti, egha mozir konir kuraba tintinibar an iti. A gumazamiziba puvatɨzir danganim ko amoziba izir puvatɨzim. Danganir kam, mɨtater kuram anevara. Gumazamiziba uaghan danganir kam garuir puvatɨgha, uaghan an itir puvatɨ.

Aisaia 64:10

Nɨn nguibar ekiaba, danganir kɨnibar mɨn iti, ezɨ Saion, a gumazamiziba puvatɨzir danganimɨn mɨn oto. Guizbangɨra, Jerusalem bar moghɨra ikuvizɨ, gumazitam an itir puvatɨ.

Aisaia 47:3

Gumaziba nɨn korotiaba sueghtɨ, nɨ bibiamra ikɨ bar aghumsigham. Kɨ nɨn arazir kuram ikarvaghsɨ ivezir bar kuram isɨ nɨ danɨngtɨ, gumazitam nan anogoreghan kogham.”

Aisaia 33:9

Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.

Gumazir Dapaniba 15:18

Ezɨ Samsonɨn kuarim bar puvɨra an pɨrima, a kamaghɨn Ikiavɨra Itir Godɨn dei, “Kɨ nɨn ingangarir gumazim, ezɨ nɨ nan akurazɨ kɨ mɨdorozir kamɨn me abɨra. Egh kɨ dɨpam bangɨn kagh aremeghtɨ Filistiaba ti na inigham, o?”

Ua Me Ini 17:3

Ezɨ gumazamiziba dɨpam bagha kuariba bar me mɨsɨngizɨ, me mɨgɨrɨgɨar avɨribar Moses gimoba ghuavɨra iti. Egha me kamaghɨn a mɨgei, “Nɨ tizim bagha Isipɨn kantrin aven e inigha azenan ize? Nɨ ti kamaghɨn ifonge, e uan boriba ko asɨziba, e damamin dɨpaba puvatɨgh, kagh arɨghiregham, a?”

Hosea 2:10

Egh a ifongezir gumazibar damazimɨn, kɨ an korotiaba suegham. Eghtɨ gumazitam nan dafarimɨn uam a inighan kogham.

Jeremaia 14:3

Men gumazir dapaniba dɨpaba tuasa ingangarir gumaziba amangizɨ, me mozir dɨpabar ghuegha gari mozir paba dakegha gɨfa. Ezɨ me mɨner mɨseviba ua da inigha nguibar ekiamɨn ghue. Egha me paza uari baragha aghumsigha, osemegha uan guaba monge.

Hosea 13:15

“Efraimia bar avɨrasemegha Israelian anabar igharazibagh afira. Ezɨ kɨ aruem anadi naghɨn amɨnir fefem amadagham, eghtɨ a men mozir dɨpabar amutɨ da dakegham. Egh men bizir aghuiba bar da inigh mangɨgham.

Jeremaia 51:5

Israelia ko Judaba faragha uan nguazimɨn itir dughiamɨn, me Israelian Godɨn Bar Zuezimɨn damazimɨn arazir kurar avɨribagh ami. Ezɨ Ikiavɨra Itir Godɨn Gavgaviba Bar Itim, an akɨrim ragha me gasarazir puvatɨ, egha me ataghizɨ me mati amizir paba ovengezibar mɨn pura itir puvatɨ.