Hosea 2:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Egh kɨ uan gumazamiziba nguazir kamɨn me arightɨ, me aghung azenir aghuir kɨ ingarizimɨn mɨn ikiam. Kɨ faragha kamaghɨn uan gumazamizibav gɨa ghaze, ‘Kɨ Ia Gifongezir Puvatɨ.’ Egh gɨn kɨ bar me gifuegham. Kɨ faragha kamaghɨn me mɨgei, ‘Ia Nan Gumazamiziba Puvatɨ.’ Egh gɨn kɨ kamaghɨn me mɨkɨm suam, ‘Ia nan gumazamizibara.’ Eghtɨ me kamaghɨn nan akam ikaragham, ‘Nɨ en God.’ ”

Hosea 2:23 ပူးပေါင်းရင်းမြစ်များ

Sekaraia 13:9

Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

Akɨnafarir Pol Romɨn Nguibar Ekiamɨn Itir Sios Bagha Osirizim 3:29

Ezɨ manmaghɨn ami, God ti Judabar Godra? O, a ti Kantrin Igharazibar Gumazamiziba sara, men God? Are. A Judaba ko Kantrin Igharazibar Gumazamiziba bar moghɨra men God. Godɨn vamɨra iti. Egha a gumazir uan mɨkarzir mogomebar iniba aghoreziba, men nɨghnɨzir gavgavimɨn garava, uaghan gumazir uan mɨkarzir mogomebar iniba aghorezir puvatɨziba, men nɨghnɨzir gavgavimɨn gari. Egha ghaze, ia nan damazimɨn dera.

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Onger Akaba 22:27

Nguazimɨn itir ikɨziba bar, me Ikiavɨra Itir God gɨnɨghnɨgh, a bagh izɨ an guamɨn teviba apɨrigh an ziam fam.

Malakai 1:11

“Kɨ Ikiavɨra Itir Godɨn Gavgaviba Bar Itim, kɨ ghaze, gumazamizir aruem anadi naghɨn itiba ko, aruem uaghiri naghɨn itir kantriba, me bar moghɨra ziar ekiam na ganɨdi. Nguibaba bar dar gumazamiziba mughuriar aghuim zuir ofaba ko, ofan igharazir guar avɨriba sara na danɨngam. Gumazamizir kaba me bar moghɨra ziar ekiam na ganɨdi.

Hosea 1:6

Ezɨ gɨn Hosean amuim Gomer ua navim asegha borir guivim bate. Ezɨ Ikiavɨra Itir God kamaghɨn Hosea mɨgei, “Nɨ ziam, ‘Loruama,’ a datɨgh. Ziar kamɨn mɨngarimra kara, kɨ ua Israelia me gifongeghan kogh, men arazir kuraba gɨn amadaghan kogham.

Jeremaia 31:27

“Kɨ Ikiavɨra Itir God, kɨ ghaze, Kɨ dughiar mam amɨsefe, egh kɨ gumazamiziba ko asɨzibar amightɨ, da Judaba ko Israelian nguazimɨn otiv bar avɨrasemegham. Mati gumazim dagher azenimɨn ingarigha, dagher avɨribagh amizɨ da otifi.

Jeremaia 32:38

Egh me nan gumazamizibar ikɨtɨ, kɨ men Godɨn ikiam.

Onger Akaba 68:31

Isipɨn atrivim uan ingangarir gumaziba amadaghtɨ, me Jerusalemɨn mangɨ nɨn akam baragham. Eghtɨ Itiopiaba nɨ ko mɨkɨmsɨ uan dafariba fam.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Onger Akaba 118:28

O God, nɨ nan God, ezɨ kɨ nɨ mɨnabaghasa. Nɨ nan God, kɨ ziar ekiam nɨ danɨngam.

Sekaraia 14:16

Judaba uan apaniba abɨraghtɨ, men apanir mɨkeaghɨrɨziba, me azenibar zurara Jerusalemɨn izɨva Atrivimɨn ziam fam, a Ikiavɨra Itir Godɨn Gavgaviba Bar Itim. Egh me Averpenibar Ikiamin Dughiar Ekiamɨn aven ikiam.

Sekaraia 14:9

Eghtɨ Ikiavɨra Itir God nguazir kamɨn kantriba bar dagh ativagh dar Atrivimɨn ikiam. Eghtɨ a bar uabɨra, gumazamiziba bar moghɨra ziar vamɨra a darɨgh, an ziam fam.

Onger Akaba 72:16

Dagher avɨriba Lebanonɨn kantrin otivi moghɨn, gumazamizibar azenibar otiv. Eghtɨ gumazamiziba bar avɨrasemegh nguibabar ikɨ, egh grazibar mɨn danganiba bar dar ikɨ.

Sekaraia 10:9

Kɨ guizbangɨra me batuegha me aghamsɨki, ezɨ me pura tintinibar kantrin igharazibar iti. Egh me nguibar saghuiabar ikɨva, me na gɨnɨghnɨghvɨra ikiam. Ikɨzir kaba uan boriba ko, me ikɨvɨra ikɨva, bar moghɨra uari akuvagh, uamategh uan nguazimra izam.

Solomon 2:16

Nan roroar gumazir kɨ bar ifongezim, kɨ an amuim, ezɨ a nan pam, mati a uan memeba inigha akɨmarir aghuibar tongɨn ghuzɨ, da graziba api moghɨn, a na ko ikiasa bar akonge.

Hosea 8:2

Israelia nan dɨa ghaze, ‘Nɨ en God, e nɨ gɨfo!’

Aisaia 44:5

Eghtɨ Kantrin Igharazibar Gumazamiziba, men tarazi nɨghnɨzir gavgavim nan ikiam. Men tarazi kamagh mɨkɨm suam, ‘E Ikiavɨra Itir Godɨn adarasi.’ Men tarazi suam, ‘E Jekopɨn anabamɨn adarasi.’ Eghtɨ tarazi uan agharibar kamaghɨn osiram, ‘E Ikiavɨra Itir God baghavɨra iti darasi.’ Men tarazi suam, ‘E Israelian adarasi.’ ”

Jems 1:1

Kɨ Jems, kɨ God ko Ekiam Krais Iesusɨn ingangarir gumazim. Kɨ ia 12plan Israelɨn itir anababa bagha akɨnafarir kam osiri. Kar ia gumazamizir uan nguibam ategha ghua kantrin igharazibar itiba. Kɨ dughiar aghuim ia ganɨdi.

Jeremaia 30:22

Eghtɨ ia Israelia, ia nan gumazamizibaram otoghtɨ, kɨ ian Godɨn ikiam.”

Jeremaia 33:26

ezɨ bar guizbangɨra, kɨ Jekopɨn ovavir boriba ko nan ingangarir gumazim Devitɨn ikɨzim, akɨrim ragh me gasaraghan kogham. Puvatɨ. Kɨ Abraham ko, Aisak ko, Jekopɨn ovavir boriba gativsɨ, Devitɨn ovavir boribar tongɨn atrivibar amutɨ me otivam. Guizbangɨra, kɨ kuarkuvim men ikɨ me damutɨ, me ua deraghvɨra ikiam.”

Esekiel 36:29

“Kɨ ian akuragh ia damutɨ, ia ua nan damazimɨn arazir mɨzɨrɨzibar amuan kogham. Kɨ ian dagher azenibar amightɨ, da dagher avɨriba ikiam. Eghtɨ dagheba otevir dughiaba ua ia bativan kogham.