Hosea 2:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

^21-22 Kɨ Ikiavɨra Itir God, kɨ dughiar kamɨn uan gumazamiziba Israelian azangsɨziba baragham. Egh amozim amadaghtɨ, a nguazim gizam. Eghtɨ men azenibar dagheba ko, wainba ko, olivɨn temer me borem isiba, bɨva avɨrasemegham, mati Jesrilɨn azenir aghuim.

Hosea 2:21 ပူးပေါင်းရင်းမြစ်များ

Sekaraia 8:12

Kɨ me ateghtɨ, me navir amɨrizim ko, dabirabir aghuim ikɨva uan azeniba oparam. Eghtɨ amozir ekiar avɨriba izɨtɨma men wainɨn ikarɨziba bɨtɨma, men dagheba deravɨram otivam. Nan gumazamizibar ikiavɨra itir varazira, kɨ me bagh bizir aghuir kabar amuam.

Matyu 6:33

Ezɨ bizir ia bar faragh damuamimra kara: Ia God Bizibagh Ativamin Dughiam baghvɨra nɨghnɨgh, egh God ifongezir arazir aghuibar amutɨ, a bizir kaba ko maba sara bar ia danɨngam.

Akɨnafarir Pol Romɨn Nguibar Ekiamɨn Itir Sios Bagha Osirizim 8:32

God uan Otarimɨn suirazir pu. Puvatɨ, a bar moghɨra e bagha ofan mɨn anenɨngizɨ, an areme. E fo, a uan Otarim e ganɨngi, a uaghan bizir aghuir igharaziba bar, da pura e danɨngam.

Aisaia 65:24

Egh me ifongezir biziba bagh nan azangsɨghtɨ, kɨ men azangsɨziba ikarvagham. Me na ko mɨkɨmvɨra ikɨtɨ, kɨ me baregh men akurvagham.

Aisaia 55:10

E fo, amozim overiamɨn ikia izaghira, pura uamategha ghuavanadir puvatɨ. A dɨpam nguazim ganɨga, daghebagh amima da azenibar aghuima, gumazamiziba da isa dar maba apava, maba opari.

Sekaraia 13:9

Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

Esekiel 36:29

“Kɨ ian akuragh ia damutɨ, ia ua nan damazimɨn arazir mɨzɨrɨzibar amuan kogham. Kɨ ian dagher azenibar amightɨ, da dagher avɨriba ikiam. Eghtɨ dagheba otevir dughiaba ua ia bativan kogham.

Hosea 14:7

Me ua izɨ na ko ikɨtɨ, kɨ me geghuvam, mati me nan orangtɨzir dughuazimɨn apengan iti. Eghtɨ men azeniba dagher avɨriba ikiam. Egh borir avɨriba batam, mati wainɨn azenimɨn itir wainɨn ikarɨziba deraghavɨra ovɨziba bati. Egh me ziar ekiaba ikiam, mati Lebanonɨn kantrin wainɨn dɨpar bar aghuir faraghavɨra itim.

Joel 2:19

Egha Ikiavɨra Itir God uan gumazamiziba ikaragha kamaghɨn me mɨgei: “Ia gan! Datɨrɨghɨn kɨ dagheba ko wain dɨpaba, ko olivɨn borem ia danightɨ, ian dagheba avɨrasemegham. Eghtɨ Kantrin Igharazibar Gumazamiziba, dɨbovir akabar ia damuan kogham.

Malakai 3:10

Ia uan biziba 10plan pozibar arigh egh dar pozir tam inigh izɨ nan dɨpenim datɨgh. Eghtɨ nan ingangarir gumaziba, dagher avɨriba ikiam. Ia kamaghɨn damightɨ, kɨ Ikiavɨra Itir Godɨn Gavgaviba Bar Itim, kɨ uan Nguibamɨn tiar akaba kuigh, uan bizir aghuiba isɨ amozimɨn mɨn da ingegham, eghtɨ ia bizir aghuir avɨrim ikɨ egh ua bizitamɨn oteveghan kogham. Ia tuavir kamɨn gɨn mangɨ damu ganigh, egh fogh suam, nan akam a bar guizbangɨra.

Malakai 3:11

Kɨ Ikiavɨra Itir Godɨn Gavgaviba Bar Itim, kɨ ghaze, ‘Ia kamaghɨn damightɨ, kɨ apizibar tɨvaghtɨ, da ian azenibar itir bizibagh asɨghasɨghan kogham. Eghtɨ ian wainɨn aghariba bar puvɨra bɨtɨ dar ovɨziba ikɨ mangɨ anizir dughiamɨn otogham.

Aisaia 62:4

Eghtɨ gumazamiziba ua kamaghɨn nɨ dɨponan kogh suam, “Ekiam nɨ ategha gɨfa.” Eghtɨ nɨn nguazim gumazamiziba ua kamaghɨn a dɨponan kogham, “Nguazir kam, gumaki, a bar ikuvigha pura iti.” Puvatɨ. Kamaghɨn amizɨ, me kamaghɨn fogham, Ikiavɨra Itir God navir aghuim nɨn ikiava, nɨ bagha bar akonge. Egh me ziar igiam kamaghɨn nɨ dɨpon suam, “God bar a gakonge.” Ezɨ nɨn nguazim mati amizim, an pam uam a inigha, a bagha bar akonge. Eghtɨ nɨn nguazim me kamaghɨn a dɨponam, “An amizir pamɨn itimɨn mɨn iti.”

Aisaia 62:5

Eghtɨ nɨn otariba nɨ inigh, nɨ ko deraghvɨra ikiam, mati gumazir igiam amizir igiamɨn ikia, aning uaning ko deravɨra iti. Guizbangɨra, nɨn God bar nɨ gakuegham, mati gumazim igiamra amuimɨn ikia uan amuim gakonge.