Hosea 2:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ “Dughiar kamɨn, kɨ asɨzir atiaba ko, kuruziba ko, kuaraziba koma akar dɨkɨrɨzir gavgavim damigham. Eghtɨ da nan gumazamizibagh asɨghasɨghan kogham. Egh mɨdorozim gamir biziba, mati barir piba ko, afuziba, kɨ bar ada apɨrarigham. Eghtɨ nan gumazamiziba navir amɨrizimɨn ikɨ nguazir kamɨn ikiam, egh uam atiatingan kogham.

Hosea 2:18 ပူးပေါင်းရင်းမြစ်များ

Esekiel 34:25

Me navir amɨrizimɨn ikɨ deragh dapiagh ikɨsɨ, kɨ me ko Akar Dɨkɨrɨzir Gavgavim damuam. Me mɨsoghɨrarɨghamin asɨzir atiaba, kɨ bar ada gɨvagham, eghtɨ da ua men nguazimɨn ikian kogham. Guizbangɨra, nan sipsipba deravɨra ikɨva ruarir ekiabar dakuam.

Jeremaia 23:6

Eghtɨ an atrivimɨn ikiamin dughiamɨn, Israelɨn nguibamɨn itir darasi, me dabirabir aghuim ko navir amɨrizimɨn ikiam. Eghtɨ Judaba, God men akurvaghtɨ, me uam osɨmtɨziba puvatɨgh deravɨra ikiam. Eghtɨ me Jerusalem ziar kam a darɨgh a dɨponam, ‘Ikiavɨra Itir God, A Guizɨn Arazir Aghuimɨn Mɨngarim.’

Aisaia 2:4

A jasɨn mɨn ikɨ kantriba bar dar gumazamizibar araziba tuisɨgh, men osɨmtɨziba deragh da akɨrtɨ, me uari inigh deragh ikiam. Egh me uan mɨdorozir sababa inigh, dav soghtɨ, da baravigh nguazibagh tuir ainbar mɨn otivigham. Egh me uan afuzibav soghtɨ, da ikɨzɨrigh sabar azenibar ingaribagh ami moghɨn, otivigham. Egh danganiba bar dar itir gumazamiziba, uam uariv soghan kogh ikɨva, ua mɨdorozir arazibar sure damuan kogham.

Onger Akaba 46:9

A nguazimɨn oteviba bar dar mɨdoroziba agefi. Egha barir piba ko afuzibar suigha da apɨragharigha, oraba aviba dagh arɨzi da isi.

Aisaia 65:25

Eghtɨ afiar atiaba ko sipsipɨn nguziba uari inigh damam. Eghtɨ laionba, bulmakaubar mɨn oghebar amam. Eghtɨ kuruziba nguazimɨn mɨnezibar amam. Egh da nan mɨghsɨamɨn ikɨva, bar moghɨra bar deravɨra uari inigh ikɨva, egh pazɨ uarir amuan kogham. Kɨ Ikiavɨra Itir God, kɨ mɨkemegha gɨfa.”

Jopɨn Akɨnafarim 5:23

Egh nɨn azenir nɨ ingarim, dagɨatam an aven ikian kogham. Eghtɨ asɨzir atiaba nɨ ko navir amɨrizimɨn ikɨ deraghvɨra nɨ ko ikiam.

Sekaraia 14:9

Eghtɨ Ikiavɨra Itir God nguazir kamɨn kantriba bar dagh ativagh dar Atrivimɨn ikiam. Eghtɨ a bar uabɨra, gumazamiziba bar moghɨra ziar vamɨra a darɨgh, an ziam fam.

Sekaraia 14:4

Mɨdorozim otivir dughiar kamɨn, Ikiavɨra Itir God dɨkavigh, Jerusalemɨn boroghɨn Olivɨn Mɨghsɨam gisɨn tughɨv ikiam. Olivɨn Mɨghsɨam a Jerusalemɨn aruem anadi naghɨn iti. Eghtɨ Olivɨn Mɨghsɨam tongɨra bighɨva, akuar pumuning otoghtɨ, mɨghsɨar akua tam mangɨ sautɨn amadaghan otoghtɨ, an akuar vuem notɨn amadaghan ikiam. Eghtɨ aningɨn tɨzimningɨn danganir zarir ekiam ikiam.

Sekaraia 3:10

Kɨ Ikiavɨra Itir Godɨn Gavgaviba Bar Itim, kɨ ghaze, dughiar kam otoghtɨma, ia vaghvagh uan namakaba inigh izɨ ia ko ikiam. Eghtɨ me ia ko wainɨn azenibar daperagh fighɨn temebar apengan ikɨ, avughsɨ deraghvɨra ikiam.”

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Jeremaia 33:16

Eghtɨ dughiar kamɨn Jerusalemɨn nguibar ekiamɨn itir darasi, me dabirabir aghuim ko navir amɨrizimɨn ikiam. Eghtɨ Judaba, God men akurvaghtɨ, me uam osɨmtɨziba puvatɨgh deravɨra ikiam. Eghtɨ me Jerusalem ziar kam a darɨgh a dɨponam, “Ikiavɨra Itir God, A Guizɨn Arazir Aghuimɨn Mɨngarim.”

Jeremaia 30:10

Ikiavɨra Itir God kamaghɨn mɨgei: “Ia Israelia, ia Jekopɨn ovavir boriba, ia nan ingangarir gumazamiziba, ia atiatingɨva dɨgavir kuram damuan markɨ. Bar guizbangɨra, ia kantrin saghon itir kamɨn kalabusɨn iti. Eghtɨ kɨ ua ia inightɨ, ia ua uan nguazimra izegh, deraghvɨra dapiagham. Eghtɨ tarazi ua ia damutɨ ia atiatingan kogham.

Aisaia 26:1

Dughiatam gɨn otoghtɨ, Judan nguazimɨn itir gumazamiziba ighiar kam damuam: En nguibar ekiaba bar gavgafi! Ikiavɨra Itir God, a uabɨ en dɨvazir bar mɨtiar gavgavimɨn mɨn iti. An en akurvazima, e uan apaniba dɨkabɨri.

Aisaia 2:17

Ikiavɨra Itir God otivamin dughiamɨn, a gumazamizir uarira uari feba bar me abɨragham, eghtɨ me bar aghumsigham. Eghtɨ marvir guaba uaghan bar gɨvagham. Eghtɨ Ikiavɨra Itir God uabɨra dughiar kamɨn ziar ekiam iniam.

Aisaia 2:11

Ikiavɨra Itir God otivamin dughiamɨn, a gumazamizir uarira uari feba bar me abɨragham, eghtɨ me bar aghumsigham. Eghtɨ a uabɨra dughiar kamɨn ziar ekiam iniam.

Onger Akaba 23:2

A na inigha ghua grazir aghuiba itir danganimɨn na atɨzɨ, kɨ dagh isɨn irav iti. A na inigha dɨpar aghuiba itir danganibar zuima, kɨ dar boroghɨn avughsa iti.

Sekaraia 9:10

Ikiavɨra Itir God ghaze, Kɨ karisba ko, mɨdorozibagh amir hoziaba batueghtɨ, da ua Israelɨn tongɨn ikian kogham. Egh kɨ men bariba bar da apɨrarigham. Ian atrivim, kantrin ekiaba bar dar amightɨ, da mɨdorozir arazim ategh deraghvɨra dapiagh, navir amɨrizimɨn ikiam. A nguazir otevibar gumazamiziba bar me gativagh men ganam. Nguazir kaba, da ongarir ekiamɨn ikegh mangɨ ongarir saghon mar itibar tugham. Egh Yufretisɨn Faner ekiamɨn ikegh vongɨn amadaghan mangɨ bar saghon mar tugham.

Jopɨn Akɨnafarim 5:22

Mɨtiriar ekiamɨn dughiam ko dughiar kuramɨn, God nɨ geghuvam, eghtɨ nɨ navir aghuim ikɨ bar akuegham. Egh nɨ nguazir kamɨn itir asɨzir atiabar atiatingan kogham.

Onger Akaba 148:10

ruarim ko nguibamɨn asɨziba bar moghɨra ko goaba ko kuaraziba, ia bar moghɨra Ikiavɨra Itir Godɨn ziam fɨ.

Aisaia 32:18

Ezɨ Ikiavɨra Itir God ghaze, Nan gumazamiziba, me dabirabir aghuim ikiam, egh me deravɨra ikɨ avughsɨ, uan nguibabar aven navir amɨrizimɨn ikɨ, egh bizitamɨn atiatingan kogham.

Esekiel 39:1

“O nguazir kamɨn gumazim, nɨ nan akamɨn gun Atrivim Gok mɨkɨm: Kɨ Ikiavɨra Itir Godɨn Ekiam, kɨ kamaghɨn mɨgei: O Gok, nɨ Mesekɨn kantri ko Tubalɨn kantri, aningɨn atrivir faragha zuim, nɨ oragh! Kɨ nɨn apanim gami.

Aisaia 54:5

“Gumazir nɨn ingarizim, a nɨn pamɨn mɨn iti. An ziam kara, Ikiavɨra Itir Godɨn Gavgaviba Bar Itim, a Israelian Godɨn Bar Zuezim, a nɨn Akurvazir Gumazim, a nguaziba bar dagh ativagha dar garir God.