Hosea 2:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ A dughiar ruarimɨn na gɨnamada, egha ghua mɨgharir mughuriar aghuim zuir ofaba isa asem Bal bagha ofabagh ami. Egha kurkazir aghuaribagh amua gumazir a ifongezibar gɨn arui. Kamaghɨn amizɨ, kɨ ivezir kuram a danigham. Kɨ Ikiavɨra Itir God, kɨ kamaghɨn mɨgei.”

Hosea 2:13 ပူးပေါင်းရင်းမြစ်များ

Hosea 13:6

Ezɨ gɨn ia nguazir aghuimɨn otogha dagher avɨriba ikia, egha biziba bar iti. Ia bizir kaba inigha gɨvagha egha ifaghata uari fa ghaze, ia uari uan gavgavibar da ini. Egha kamaghɨn ia na gɨnamada.

Gumazir Dapaniba 3:7

Egha Israelia Ikiavɨra Itir Godɨn damazimɨn arazir kuram gami. Me Ikiavɨra Itir God, uan God, bakɨnɨghɨnigha, arazir kuram gamigha Balɨn aseba, ko Astarten aser amizibar ziaba fe.

Hosea 13:1

Fomɨra Efraimɨn anabamɨn adarazi mɨgeima, anabar igharazibar gumazamiziba atiatiav agoi, egha orasi. Efraimia uari Israelian anababar tongɨn uan ziam fe. Egha Efraimɨn adarazi ua asem Balɨn ziam fava arazir kamɨn arazir kuram gamigha gɨfa. Kamaghɨn amizɨ, me arɨghiregham.

Hosea 11:2

Ezɨ dughiar avɨribar gɨn, nan akam inigha izir gumaziba nan gɨn mangasa Israelian gumazamizir kabar dei. Ezɨ akam inigha izir gumaziba men deima, me dughiabar zurara akɨribagh igha me gasi. Nan gumazamiziba asem Bal bagha ofabagh ami. Me mughuriar aghuim zuir ofaba marvir guaba bagha dagh ami.

Jeremaia 7:9

Ia gumazir igharazibar biziba okɨava, egha gumazibav sozi da ariaghiri. Egha poroghamiba uari isava akuir arazim gamuavɨra iti. Egha uan akaba gavgavim dar anɨngasa akam akɨri, egha ia guizbangɨra akar ifavaribagh ami. Egha ia asem Bal, a bagha ofan mughuriar aghuim zuibagh ami. Egha ia aser ia faragha fozir puvatɨzibar ziaba fe.

Hosea 9:7

God pazɨ ia damuamin dughiam otogha gɨfa. Eghtɨ ia uan arazir kurar amizibar ivezir kuram iniam. Arazir kam otoghamin dughiamɨn, ia Israelia fogham, kar dughiar God ia ikarvaghamim. Ia kamaghɨn na mɨgei, “Akam inigha izir gumazir kam ongani. Gumazir Godɨn Duam itir kam, a nɨghnɨzir aghuiba puvatɨ.” Ia gumazamiziba, ian arazir kuram bar ekefe, kamaghɨn amizɨ, ia bar na gifongezir puvatɨ.

Hosea 8:14

“Israelia ghaze, atriviba ti men akurvaghamin gavgaviba itima, me atrivibar dɨpenibar ingari. Bar guizbangɨra, kɨ God, kɨ gumazamizibar ingari. Ezɨ me bizir kam gɨn amada. Judaba uaghan osɨmtɨzir kamra iti, me dɨvazir gavgaviba itir nguibar ekiabar ingari. Egha ghaze, me deravɨra ikiam. Ezɨ puvatɨ, kɨ avim amadaghtɨ, a izɨ nguibar ekiar kaba ko atrivibar dɨpenibar isigham.”

Hosea 4:6

Nan gumazamiziba nan akamɨn gɨn zuir puvatɨ. Kamaghɨn amizɨ, me ikuvigham. Ia ofa gamir gumaziba uaghan, nan gɨn zuir puvatɨ, egha nan fofozim batuegha gɨfa. Kamaghɨn amizɨ, kɨ ia batuegham. Egh ian otariba ateghtɨ, me nan ofa gamir gumazibar ikian kogham.

Hosea 4:13

Me mɨghsɨabar orazibar ghuavanaga ofabagh ami. Pɨn itir temer kabar apengan dughuazir orangtɨzim iti. Kamaghɨn amizɨ, me temer ekiabar apengan ikia ofan mɨgharir mughuriar aghuim zuibagh ami. Kamaghɨn amizɨ, ian guiviba tuavimɨn amizibar mɨn tintinimɨn gumaziba koma akui. Ezɨ ian otaribar amuiba poroghamiba uari bakeir arazim gami.

Hosea 2:7

A ifongezir gumazibar gɨn ivegh mangɨ, egh me batoghan kogham. A me burisɨ mangɨva, egh men apighan kogham. Egh a kamaghɨn mɨkɨmam, ‘Kɨ faragha deraghavɨra iti, ezɨ datɨrɨghɨn puvatɨ. Kamaghɨn amizɨ, kɨ ti uamategh uan par faragha ikezim bagh mangam.’

Hosea 2:5

Men amebar kam uan pam ategha, tintinibar gumazir igharaziba ko akua navim asegha aghumsɨziba puvatɨ, egha kamaghɨn mɨgei, ‘Kɨ gumazir kɨ ifongezibar gɨn mangam. Me dɨpaba ko, dagheba ko, korotiaba ko, olivɨn borem ko, wainɨn dɨpaba ko, bizir maba sara na ganɨdi.’

Esekiel 23:35

Ikiavɨra Itir Godɨn Ekiam kamaghɨn mɨgei, “Nɨ na gɨn amadagha akɨrim na gasara. Kamaghɨn amizɨ, nɨ uan inivafɨzir agorogem ko tuavimɨn amizimɨn arazim bagh mɨzazim iniam.”

Esekiel 22:12

Ezɨ ian gumazamizir maba, iveziba isa ghua igharaz daraziv suagharɨsi. Ezɨ marasi, uan namakabar dagɨaba pura da inigha ua da ikarvaghsɨ an dagɨar an anɨngizim gisɨn ua dagɨaba ini. Ezɨ marasi, uan namakar gumazibagh ifara me gami me atiatima, me me da dagɨaba isa bizir avɨriba iti. Ia bar na gɨn amadagha na gɨnɨghnɨzir puvatɨ. Kɨ Ikiavɨra Itir Godɨn Ekiam, kɨ kamaghɨn mɨkeme.

Esekiel 16:17

Nɨ gol ko silvan nɨ uan mɨkarzimɨn kurkiasa kɨ nɨ ganɨngiziba da inigha gumazibar nedazibar ingari. Egha nedazir kaba ko poroghamiba uari bakɨava akuir arazim gami.

Jeremaia 23:2

Kamaghɨn, kɨ Ikiavɨra Itir God, Israelian God, kɨ bighavɨra gumazir dapanir nan gumazamizibagh ativiba me mɨgɨa ghaze, Ia nan sipsipba batogha men agɨntɨzi me tintinibar ara ghue. Ia deragha men gara me geghuvir puvatɨ. Kamaghɨn kɨ Ikiavɨra Itir God, kɨ ghaze, ia amizir arazir kurar kam, kɨ deraghvɨra an gan egh a ikarvagham.

Jeremaia 18:15

Ezɨ nan gumazamiziba bar na gɨn amada. Egha me aseba bagha ofan mɨgharir mughuriar aghuim zuibagh ami. Me kamaghɨn amua iregha, tuavir men afeziba fomɨra gɨn zuim ategha, datɨrɨghɨn tuavir aguar kurar kabar zui.

Jeremaia 11:13

“Judaba, ian aser ia ziaba febar dɨbobonim, ian nguibar ekiabar dɨbobonim ko magh ghu. Egha ia aghumsɨzim itir asem Bal bagha, ofan mɨgharir mughuriar aghuim zuim damuasa dakozir avɨribar ingari. Ezɨ dakozir kabar dɨbobonim da Jerusalemɨn nguibar ekiamɨn tuavir aguabar dɨbobonim ko magh ghu.

Jeremaia 2:32

Egha ia ti ghaze, guivir igiaba me uan kurkazir aghuiba ategham, o puvatɨgham? Eghtɨ amizir igiar pamɨn ikiamim, uan kurkazir korotiar aghuiba bakɨnɨghnigh dar aghuan kogham, o? Puvatɨgham. Ezɨ ia nan gumazamiziba, fomɨra iza datɨrɨghɨn ia na gɨnɨghnɨzir puvatɨ. Gumazitam ti, dughiar ia na bakɨnɨghnɨghavɨra itibar dɨbobonim, mengɨva avegham.

Aisaia 17:10

O Israelia, God ian akurvazir bizir kam, ia a gɨnɨghnɨzir puvatɨ. Dughiar kurabar, a mati dagɨar bar ekiam, ia ghua an aven uari moga deravɨra iti. Ezɨ bar guizbangɨra, ia a gɨn amadagha bar a gɨnɨghnɨzir puvatɨ. Ia igharaz darazir asebar ziaba fava, ia ghaze, aser kaba ian akuraghtɨ, ia deravɨra ikiam. Egh ia mɨzaziba ko arɨmariaba ikɨ bar ikuvigh deragh ikian kogh, egh uamategh deraghamin tuaviba puvatɨgham. Mati ia wainɨn azenim oparigha, wainɨn ikarɨzibar dafaribar gari, da zuamɨram akɨmariba otivima, ia bar akonge. Ezɨ ia dar dagheba inighan kogham. Puvatɨ. Wainɨn ikarɨzir kaba mɨsightɨ, azenim bar ikuvigham.

Onger Akaba 106:21

Godra, Isipɨn kantrin ingangarir ekiabagh amigha, Israelia ua me ini. Egha a Isipɨn kantrin ingangarir bar ekiar aghuibagh ami, egha Ongarir Aghevimɨn bizir igharagha garibagh ami, ezɨ gumazamiziba dɨgavir kuram gami. Ezɨ Israelia ua Godɨn men akurazir kam a bakɨnɨghnɨki.

Onger Akaba 106:13

Egha me bar zuamɨra an amizir bizir kam gɨn amada. Egha me uan nɨghnɨzibar gɨn ghua bizibar amuasa, egha faragha Godɨn akam bagha an azangsɨzir puvatɨ.

Onger Akaba 78:11

A men damazibar amizir mirakelba ko, bizir an amiziba, me da gɨn amada.

Jopɨn Akɨnafarim 8:13

Gumazamizir akɨrim ragha God gasaraziba, me mati grazir kaba. Me ikuvighamin tuavimɨn gɨn zui. Me kamaghɨn nɨghnɨghan markɨ, me deraghvɨra ikiam. Puvatɨ. Me ovengam.

2 Atriviba 21:3

Fomɨra an afeziam Hesekia mɨghsɨabar pɨn itir asebar ziaba fer danganiba apɨragharɨki. Ezɨ datɨrɨghɨn Manase ua dar ingari. Egha asem Balɨn ziam fasa ofa gamir dakozibar ingari. Egha a Israelian Atrivim Ahap, fomɨra amizɨ moghɨn, an aser amizim Aseran nedazim itir temer guarir akɨnibar ingari. Egha uaghan overiamɨn itir mɨkovezibar ziaba fe.

2 Atriviba 10:28

Arazir kamɨn, Jehu asem Balɨn ziam fer arazim agɨfa, ezɨ Israelia uam an ziam fer puvatɨ.

2 Atriviba 1:2

Dughiar mamɨn, Israelian Atrivim Ahasia, uan dɨpenimɨn azuarim pɨn aperaghav iti. Azuarir kamɨn bɨrim akariaghɨrɨzɨ, Ahasia nguazim girɨgha bar kufi. Kamaghɨn amizɨ, a gumazir maba amada, eghtɨ me Filistian kantrin itir nguibar ekiam Ekronɨn mangɨ Ekronɨn asem Balsebup, an azangsɨgh fogh suam, a ua deragh otogham, o puvatɨgham.

1 Samuel 12:9

Ezɨ me Ikiavɨra Itir God, men God, me a gɨn amada. Kamaghɨn amizɨ, a Hasorɨn nguibar ekiamɨn mɨdorozir gumazibar dapanim Sisera ataghizɨ, a iza me mɨsosi. Ezɨ dughiar igharazimɨn, God Filistiaba ataghizɨ me iza me mɨsosi. Ezɨ dughiar igharazimɨn, a Moapian atrivim ataghizɨ, a iza me mɨsogha me abɨni.

Gumazir Dapaniba 10:6

Ezɨ Israelia uam arazir kuram Ikiavɨra Itir Godɨn damazimɨn a gami. Me aser Balba ko aser amiziba Astarte, dar ziaba fe, kar kantrin kabar aseba, Siria, Saidon, Moap, Amonia ko Filistiaba. Israelia Ikiavɨra Itir God ategha uam an ziam fer puvatɨ.

Godɨn Araziba 32:18

Me Godɨn men ingarizɨ me itim ataki. A mati dagɨar ekiar gavgavimɨn mɨn me apazazɨ, me an apazangɨn mongegha angamɨra ikiavɨra iti. Me Godɨn gavgavir kam bakɨnɨghnɨki.

Godɨn Araziba 6:12

Egh, ia deraghvɨra uari bagh gan. Ia fo, ia Isipɨn kantrin ikia pura ingangarir gumazir kɨnibar mɨn itima, Ikiavɨra Itir God ia inigha ian akuava azenan ize. Eghtɨ ia a gɨn amangan markɨ.

Ua Me Ini 32:34

Aria, nɨ mangɨ, gumazamiziba inigh danganir kɨ nɨ mɨkemezir kamɨn mangɨ. Nɨ oragh. Nan ensel ia inigh ian faragh tuavimɨn mangam. Eghtɨ gɨn kɨ izɨ ivezir kuram gumazamizir arazir kuram gamiziba, kɨ me ikaragham.”

Aisaia 65:7

Kɨ Ikiavɨra Itir God, kɨ kamaghɨn mɨgei, kɨ ia damutɨ, ia uan arazir kurabar osɨmtɨziba ko uan inazir afeziabar osɨmtɨziba saram ateram. Ian inazir afeziaba mɨghsɨabar ghuavanega, asebar ziaba fer danganibar, ofan mɨgharir mughuriar aghuiba zuibagh ami. Egha me mɨghsɨabar pɨn ikia arazir kurar avɨriba nan damazimɨn dagh amua, egha arazir kamɨn na dɨpova aghumsɨzim na ganɨdi. Kamaghɨn amizɨ, kɨ men arazir kurar me amizibar ivezimra me danɨngam.”

Esekiel 16:12

Egha nɨ uan atinim daghuasa kɨ ring nɨ ganɨngi. Egha nɨ uan kuarimning daghuasa ringning nɨ ganɨngi. Egha kɨ dapanir asuar bar dirim isa nɨn dapanim garu.

Jeremaia 7:34

Eghtɨ gumazamiziba ua Judan nguibaba ko Jerusalemɨn tuavibar ikian kogham. Kɨ bizir kaba bar dar amightɨ, da otivam, eghtɨ navir aghuimɨn arazim ko, agoroger arazim ko, poroghamir igiabar isar ekiaba, da bar gɨvagham. Eghtɨ kantrin kamɨn danganiba ikuvigh ikiam.”

Amos 8:10

Ia isar ekiabagh amua bar akongezir dughiaba, kɨ dagh iraghtɨ, da mati gumazim ovengezɨ, ia an aghuimazimɨn iti moghɨn ikiam. Kɨ ian onger akabagh iraghtɨ, da azir onger akabar mɨn otivigham. Kɨ ia damutɨ ia azirakar korotiabar aghuigh, egh uan osɨmtɨzim akakaghsɨ, bar moghɨra uan dapanir arɨzibagh isegham. Kɨ ia damutɨ ia mati poroghamimning borir vamɨrara itima, an areme, ezɨ aning a bagha osemezɨ moghɨn, ia azi bar osemegham. Dughiar kurar kamɨn osɨmtɨzim, mati ia dagher mɨsozim amezɨ a ia mɨsozi moghɨn, a mangɨvɨra ikɨ mangɨ gɨvagham.