Hosea 2:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Dughiar ekiar a bar akongeziba, kɨ bar da agɨvagham. Dughiar ekiar kaba kamakɨn. Kar, dughiar ekiar zurara azeniba bar dar otiviba, ko, iakɨnir igiaba, ko, Sabatɨn dughiaba, ko, Godɨn ziam fer dughiar igharaziba sara.

Hosea 2:11 ပူးပေါင်းရင်းမြစ်များ

Amos 5:21

Ikiavɨra Itir God kamaghɨn mɨgɨa ghaze, “Ian isar ekiabar dughiaba, kɨ bar dar aghua, Guizbangɨra, kɨ bar dagh ifongezir puvatɨ. Ia nan ziam fer dughiar ekiaba, da nan atinimɨn kurigha mughasi.

Amos 8:5

Ia kamaghɨn uariv gɨa ghaze, Godɨn ziam fer isar ekiar kaba zuamɨra gɨvaghtɨ, e uan daghetaba inigh mangɨ dagɨaba bagh da amangam. Dughiar manamra Sabat gɨvagham? Eghtɨ e uan dagheba inigh da amadir danganimɨn mangɨ dar iveziba pɨn dar arigham. Egh ababanir ifavaribar amu, egh skel guva me gifartɨ, me bizir kabagh ivezam.

Jeremaia 7:34

Eghtɨ gumazamiziba ua Judan nguibaba ko Jerusalemɨn tuavibar ikian kogham. Kɨ bizir kaba bar dar amightɨ, da otivam, eghtɨ navir aghuimɨn arazim ko, agoroger arazim ko, poroghamir igiabar isar ekiaba, da bar gɨvagham. Eghtɨ kantrin kamɨn danganiba ikuvigh ikiam.”

Jeremaia 16:9

Kɨ, Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei, gumazamiziba ua nguazir kamɨn ikian kogham. Eghtɨ bar akongezir arazim ko navim deragha itir arazim ko poroghamiba uarir itir arazim, kɨ bar moghɨra da agɨvagham. Eghtɨ gumazamizir datɨrɨghɨn itiba, uari uan damazibar bizir kamɨn gantɨ, an otivam.

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

Amos 8:3

Dughiar kamɨn, gumazamizir atrivimɨn dɨpenimɨn itiba, me uam ighiabar amuan kogham. Me azivɨra ikiam. Eghtɨ gumazamizir ariaghirezibar kuaba, tintinibar danganibar irɨv ikiam. Me gumazir kuaba azenan da akuntɨ, gumaziba mɨkɨman iburagham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Hosea 3:4

Kamaghɨra, Israelia dughiar ruarimɨn tong pura ikegham. Egh me atriviba ko gumazir dapaniba puvatɨgham. Me aseba bagh ofabar amuan kogham. Egh dagɨar guariba, ko nedazir me dar gara bizir gɨn otivamibagh fofoziba, ko marvir guaba, me bar da ategham.

Esekiel 26:13

Eghtɨ kɨ ian onger akaba ko, gitabav sozir arazim bar ada agɨvagham.

Jeremaia 25:10

Egh kɨ men navir aghuimɨn agoroger arazim ko, bar akongezir arazim ko, gumaziba amuibar ikiamin arazim, kɨ bar ada gɨvagham. Eghtɨ witɨn ovɨziba mɨrmɨramin gumaziba puvatɨgham, kamaghɨn wit mɨrmɨramin dagɨaba ua tɨngaghan kogham. Eghtɨ lamɨn angazangariba ua danganir kamɨn puvatɨgham.

1 Atriviba 12:32

Egha Jeroboam, gol bulmakauningɨn ziamning fasa dughiar ekiar mam ginaba, a namba 8ɨn iakɨnim an namba 15ɨn aruem. Kar bulmakaun kamningɨn ziam fer dughiam, a Judaba Godɨn ziam fer dughiam ko ekevegha magh ghu. Egha a bulmakaun ingarizimning bagha, asɨzibav suegha ofa gamir dakozim gisɨn da tuegha ofa gami. A Betelɨn ofan kabagh ami. Egha a ofa gamir gumazir a uabɨ mɨseveziba bagha akam amadagha ghaze, Me Betelɨn izɨ danganir ofabagh amibar ingangarimɨn faragh mangɨ a damuam.

Hosea 5:7

Bar guizbangɨra, me Ikiavɨra Itir God ategha gɨfa, mati amizim uan pam ataki, egha tintinimɨn gumaziba koma akua men boriba bate. Ezɨ men boriba kamaghɨn fozir puvatɨ, Godra guizɨn men afeziam. Kɨran oveghangɨn iakɨnir igiamɨn dughiamɨn, apaniba izɨ, me gasɨghasɨgh men nguazim saram asɨghasigham.

Ofa Gami 26:20

Eghtɨ dagheba ian nguazimɨn otivan koghtɨ, ian temeba ban kogham. Kamaghɨn, ia kamaghɨn fogh suam, ian ingangarir ekiam pura mangɨ gɨvagham.