Hosea 2:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Datɨrɨghɨn, ia Israelia, uan adarazigh nɨghnɨgh, ziar kamning me darɨgh, “Ia Godɨn Gumazamizibara,” ko “God Bar Ia Gifonge.”

Hosea 2:1 ပူးပေါင်းရင်းမြစ်များ

1 Pita 2:10

Ia fomɨra pura gumazamizir kɨnibar mɨn iti, egha datɨrɨghɨn ia Godɨn gumazamiziba. Ia fomɨra Godɨn apangkuvim inizir puvatɨ, egha ia datɨrɨghɨn an apangkuvim inigha gɨfa.

Hosea 2:23

Egh kɨ uan gumazamiziba nguazir kamɨn me arightɨ, me aghung azenir aghuir kɨ ingarizimɨn mɨn ikiam. Kɨ faragha kamaghɨn uan gumazamizibav gɨa ghaze, ‘Kɨ Ia Gifongezir Puvatɨ.’ Egh gɨn kɨ bar me gifuegham. Kɨ faragha kamaghɨn me mɨgei, ‘Ia Nan Gumazamiziba Puvatɨ.’ Egh gɨn kɨ kamaghɨn me mɨkɨm suam, ‘Ia nan gumazamizibara.’ Eghtɨ me kamaghɨn nan akam ikaragham, ‘Nɨ en God.’ ”

1 Timoti 1:13

Guizbangɨra, fomɨra kɨ dɨbovir akabar an ziam gasɨghasɨki, egha an apanim gamuava, akar kurabar a mɨkeme. Ezɨ a fo, kɨ deragha a gɨfozir puvatɨgha, nɨghnɨzir gavgavim an itir puvatɨ, egha arazir kabagh ami. Kamaghɨn amizɨma, a nan apangkufi.

2 Korin 4:1

God en apangkuvigha ingangarir kam e ganɨngi. Ezɨ kamaghɨn e ingangarir kam gamua amɨrvazir puvatɨ.

Sekaraia 13:9

Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

Esekiel 37:27

Nan Dɨpenim men tongɨn ikɨtɨ, kɨ men Godɨn ikɨtɨ, me nan gumazamizibar ikiam.

Esekiel 36:28

Egh ia nguazir kɨ fomɨra ian inazir afeziabagh anɨngizir kamɨn ikiam. Egh ia nan gumazamizibaram otoghtɨ, kɨ ian Godɨn ikiam.

Esekiel 11:20

Egh me arazir kɨ ifongeziba guizbangɨra dar suiraghɨva, deravɨra bizir kɨ damuasa me mɨkemezibar gɨn mangam. Egh me nan gumazamizibar mɨn ikɨtɨ, kɨ men Godɨn ikiam.

Jeremaia 32:38

Egh me nan gumazamizibar ikɨtɨ, kɨ men Godɨn ikiam.

Jeremaia 31:33

Kɨ Ikiavɨra Itir God, kɨ kamaghɨn ia mɨgei, Gɨn izamin dughiam otoghtɨ, kɨ Israel ko Akar Dɨkɨrɨzir Gavgavim damightɨ, a kamaghɨn mangam: Kɨ uan araziba men nɨghnɨzibar arɨgh, egh da isɨva men navir averiabar da osiram. Egh kɨ men Godɨn ikɨtɨma me nan gumazamizibar ikiam.

Hosea 2:2

Ezɨ God akar isɨn zuim uan gumazamizibagh amua ghaze: “O nan boriba, ian amebam ua nan amuimɨn mɨn itir puvatɨ, ezɨ kɨ uam an pamɨn mɨn itir puvatɨ. Ia pamten, a mɨkɨm a gakaghontɨ, a uan arazir tintinimɨn gumaziba ko akuim atakigh. A ua tuavimɨn amizimɨn arazim damuan markɨ.

Jenesis 22:17

Kamaghɨn kɨ guizbangɨra nɨ mɨgei, kɨ deragh nɨ damuva, nɨn ovavir boribar amightɨ me bar avɨrasemegham. Eghtɨ men dɨbobonim, mɨkoveziba ko gigimɨn dɨbobonimɨn mɨn otivigham. Eghtɨ nɨn ovavir boriba uan apaniba abɨnigh, egh men nguibaba iniam.

Jeremaia 51:5

Israelia ko Judaba faragha uan nguazimɨn itir dughiamɨn, me Israelian Godɨn Bar Zuezimɨn damazimɨn arazir kurar avɨribagh ami. Ezɨ Ikiavɨra Itir Godɨn Gavgaviba Bar Itim, an akɨrim ragha me gasarazir puvatɨ, egha me ataghizɨ me mati amizir paba ovengezibar mɨn pura itir puvatɨ.

Esekiel 36:11

Kɨ ian itir gumazamiziba ko asɨziba bar dar amightɨ, dar dɨbobonim mavanangam. Ian dɨbobonim bar ghuavanaboghtɨ, gumazamiziba bar avɨrasemegham. Kɨ ia damightɨ, gumazamiziba ian danganir mɨkebaba bar dar ikiam, mati ia fomɨra ikezɨ moghɨn ikiam. Eghtɨ ian dabirabim bar deragham, egh ia fomɨra ikezɨ dabirabim bar a gafiragham. Eghtɨ ia kamaghɨn fogh suam, kɨ Ikiavɨra Itir God.