Hosea 14:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ikiavɨra Itir God kamaghɨn mɨgei: “Kɨ gumazamizir na ataghizir kaba ua me iniam. Kɨ uan navir averiamɨn bar me gifuegh, uam men ataran kogham.

Hosea 14:4 ပူးပေါင်းရင်းမြစ်များ

Aisaia 57:18

“Me amir arazir kuraba, kɨ dar ganigha gɨfa, egh kɨ me gasɨghasɨghan kogham. Puvatɨ. Kɨ men arazir kuraba adeghtɨ, me ua ghuamaghegham. Egh gumazamizir osɨmtɨziba ikiava araiba, kɨ men aku tuavim men akagh me damutɨ, me osɨmtɨzir arazim ataghɨragh, na mɨnabɨ bar akueghamin ighiabar amuam. Kɨ Ikiavɨra Itir God, kɨ kamaghɨn mɨgei, Bar guizbangɨra, nan navir amɨrizim ko dabirabir aghuim, gumazamizir roghɨra itiba ko nguibar saghon itiba baghavɨra iti. Kɨ me damightɨ me ua deraghtɨ, kɨ dughiar aghuim me danɨngam.

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Sefanaia 3:17

Ikiavɨra Itir God, a ian God, a ia ko iti. An gavgavim ian akurazɨ, ia mɨdorozimɨn uan apaniba abɨra. A ia bagha bar akongegh ighiabar amuam. Mati gumazamiziba uari akuva Godɨn ziam fa onger akabagh ami moghɨn, a ia bangɨn pamtem ongam. Guizbangɨra a bar ia gifonge, ia kamaghɨn nɨghnɨzir kam damutɨ, a mɨgɨrɨgɨabagh asagham.

Hosea 6:1

Ezɨ gumazamiziba kamaghɨn mɨgei: “Aria, e uamategh Ikiavɨra Itir God bagh mangam. An e abɨagharigha gɨfa, egh a ti e damutɨ, e ua deravɨram otogham. An e mɨsoghezɨ duaba e batifi, egh a duar kaba ua da ikegham.

Jeremaia 3:22

Ikiavɨra Itir God kamaghɨn mɨgei: “Ia akɨrim gɨgha Ikiavɨra Itir God gasa zuir boriba, ia uamategh a bagh izɨ. Eghtɨ a ian arazir kuraba batueghtɨ, ia ua ghuamaghegham.” Ezɨ gumazamiziba kamaghɨn an akam ikaragha ghaze, “Nɨ en Ikiavɨra Itir God, en God, kamaghɨn e uamategha nɨ bagha ize.

Jeremaia 14:7

Ezɨ nan gumazamiziba kamaghɨn na ko mɨgɨa dɨa ghaze, “Bar guizbangɨra, e akɨrim ragha nɨ gasaragha gɨvagha, arazir kurar avɨrim gami. Ezɨ en arazir kurar kaba e isa kotiam gatɨ. Ezɨ Ikiavɨra Itir God, nɨ uan ziar ekiam gɨnɨghnɨgh, en apangkufigh.

Taitus 3:4

Ezɨ God, en Akurvazir Gumazim, a bar e gifongegha en apangkuvigha arazir aghuimɨn e gami. Ezɨ an arazir kam azenim girɨzɨ,

2 Timoti 1:9

God en akuragha en diagha ghaze, e an gumazamizibara. An en arazir aghuiba bagha en diazir puvatɨ. Fomɨra dughiar biziba tɨghar otivamimɨn, God uabɨ uan ifongiamɨn gɨn ghua en dia. Egha Krais Iesusɨn ingarimɨn a en apangkuvigha e gamizɨma e an gumazamizibar otifi.

Efesus 1:6

A ifongezir Otarimɨn ziamɨn, a bar pura bizir aghuimɨn mɨn uan apangkuvim isa e ganɨngi. Kamaghɨn e apangkuvir bar ekiar kam gɨnɨghnɨghɨva, Godɨn ziam fam.

Akɨnafarir Pol Romɨn Nguibar Ekiamɨn Itir Sios Bagha Osirizim 3:24

Ezɨ God en apangkuvigha Krais amizir ingangarimɨn a uam e givezegha ghaze, e an damazimɨn dera. E uan ingangaritamɨn Godɨn damazimɨn derazir pu. Puvatɨ. Kraisɨn Iesusɨn ingarim bangɨn, God bizir aghuir kam isa puram e ganɨngi.

Hosea 11:7

Me zurara akɨrim na gasi, kamaghɨn ivezir kurar kɨ me danɨngamim, me a gitaghan kogham. Me uarir akurvaghsɨ asebar dɨmam. Eghtɨ aser kɨnir kaba men akuraghan kogham.

Jeremaia 33:6

“Eghtɨ kɨ gɨn nguibar ekiar kamɨn akuragham, eghtɨ nguibam ko an gumazamiziba ua deragh otivigham. Eghtɨ kɨ dughiar bar aghuim me danightɨ, me deragh dapiaghtɨ, apaniba me mɨsoghan kogham.

Jeremaia 17:14

O Ikiavɨra Itir God, nɨ nan arɨmariam akɨrightɨ, kɨ bar guizbangɨra ghuamagheka. Nɨ nan akuraghtɨ, kɨ guizbangɨra deraghvɨra ikiam. Kɨ ziar ekiam nɨraram anɨdi.

Jeremaia 8:22

Kɨ orasi, Gileatɨn nguazim ti marasinɨn aghuiba uam an iti. Egha me ti uaghan doktan maba iti. Ezɨ manmagh amizɨ, nan gumazamiziba ghuamaghezir puvatɨ?

Jeremaia 5:6

Gumazamizir kaba arazir kurar avɨribagh amua, egha dughiar avɨribar Ikiavɨra Itir God, akɨrim ragha a gasara. Bizir kam bagh, men apaniba, laionɨn ruarir ghuribar itiba azenan izɨ me mɨsoghtɨ me arɨmɨghiram. Apanir kaba, afiar atiar danganir kɨnibar itibar mɨn izɨ me gasɨghasɨgham. Apanir kaba, kaziar atiar ekiabar mɨn izɨ, Judan nguibar ekiabar boroghɨn mongegh ikɨ ganam, eghtɨ gumazim o amizitam nguibam ategh azenan izɨtɨ, apaniba kaziar ekiar kabar mɨn uari fɨ me mɨkɨn, men mɨkarziba abɨghɨrarigham.”

Onger Akaba 78:38

Ezɨ a men apangkuvighavɨra ikia, men arazir kuraba gɨn amadagha, me gasɨghasɨzir puvatɨ. A dughiar avɨribar uan adarim amɨnivagha men akazir puvatɨ.

Dɨboboniba 25:11

“Eleasarɨn otarim Finias, an Aronɨn ovavir borim, a guizbangɨra Israelia asebar ziaba fan a bar aghua. A bar gavgavigha ghaze, me nan ziamra fam. Ezɨ Finias amizir arazir kam bangɨn, kɨ ua Israelian gumazamiziba bagha navim isir puvatɨ. Egha kɨ uan anɨngagharimɨn me gasɨghasɨghan aghua.

Dɨboboniba 25:4

Egha kamaghɨn Moses mɨgei, “Nɨ Israelian gumazir dapanir arazir kurar kam gamiziba inighɨva, aruer ekiamɨn me aguightɨ, me arɨmɨghireghtɨ, gumazamiziba bar men ganam. Eghtɨ nɨ damuamin arazir kam bangɨn, kɨ ua gumazamizibar anɨngaghan kogham.”

Ua Me Ini 15:26

Ezɨ God me mɨgei, “Ia deragh nan akam baragh. Kɨrara Ikiavɨra Itir God, ian God, ia arazir nan damazimɨn deraziba, ia dar amu. Egh ia nan Akar Gavgaviba ko arazir kɨ ifongeziba bar dar gɨn mangɨ. Ia kamaghɨn damutɨ, kɨ pazɨ ia damuan koghɨva, arɨmariar kurar kɨ Isipɨn gumazamizibagh anɨngiziba ia danɨngan kogham. Guizbangɨra, kɨ ian Ikiavɨra Itir God. Kɨ ian arɨmariaba akɨrizɨ ia ghuamazi.”

Aisaia 55:1

Ikiavɨra Itir God kamaghɨn mɨgei, “O gumazamizir dɨpam bagha kuariba pɨriba, ia na bagh izɨ dɨpabar amɨ. Ia gumazir dagɨaba puvatɨziba, ia na bagh izɨ, dagheba inigh dar amɨ. Ia izɨ wainɨn dɨpaba ko oter eborim inigh, dar iveziba puvatɨ.

Jeremaia 31:20

Kɨ Ikiavɨra Itir God, kɨ mɨkeme: Kɨ bar Efraim gifonge, a nan otarim. Kɨ zurara an ziamɨn dia, egha puv a gɨnɨghnɨsi. Dughiar mabar kɨ an atari. Ezɨ guizbangɨra kɨ a gɨnɨghnɨgh an apangkuvigham.

Esekiel 33:14

Egh kɨ gumazir kuraba me mɨkɨm suam, ia aremegham. Eghtɨ gumazir arazir kuram gamim, an akɨrim ragh uan arazir kurabagh asaragh, egh arazir aghuibar amuam,

Esekiel 36:36

Eghtɨ kantrin ian boroghɨn ikiavɨra itiba fogh suam, kɨ Ikiavɨra Itir God, kɨ uabɨ nguibar ekiar ikuviziba, kɨ ua dar ingari. Egha nguazir pura itiba, kɨrara uam ada opari. Kɨ Ikiavɨra Itir God, kɨ kamaghɨn damuasa Akar Gavgavim gami. Guizbangɨra, kɨ dar amuam.

Onger Akaba 10:14

Gumazamizir kurabar arazir kuraba, nɨ dar ganigha gɨfa. Egha mɨzaziba ko, osɨmtɨzir me gumazamizir igharazibagh anɨdiba, nɨ dagh fogha gɨfa. Nɨ osɨmtɨziba aterir gumazamizir kabar akurvaghasa mɨzua iti. Nɨ zurara, borir afeziaba ariaghireziba, ko gumazir gavgaviba puvatɨgha uari isa nɨ ganɨdiba, nɨ men akurvasi.

Onger Akaba 20:8

Gumazamizir kamaghɨn amiba, me asaghpora ira bar puvarɨsi. E puvatɨ. E dɨkavigh tuivigh gavgavigham.

Hosea 2:19

“Israel, kɨ nɨ damightɨ nɨ nan amuimɨn mɨn otogham, egh nɨ kamaghɨra ikɨ mamaghɨra ikiam. Kɨ arazir aghuim ko guizɨn arazimɨn nɨ damuam, egh nɨ ateghan kogham. Egh nɨ gifuegh mamaghɨra ikiam, egh nɨn apangkuvɨra ikiam.