Hosea 14:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ia uamategh Ikiavɨra Itir God bagh izɨ, ofan mɨn kamaghɨn a ko mɨkɨm: “O God, nɨ bar moghɨra en arazir kuraba gɨn amadagh, egh e nɨ danɨngamin bizir aghuiba inigh. Datɨrɨghɨn e bulmakaun apuriba mɨsogh nɨn ofa damuan kogham. Puvatɨgham. Arazir aghuir e fomɨra damuasa nɨ ko akam akɨriziba, e dar amuam.

Hosea 14:2 ပူးပေါင်းရင်းမြစ်များ

Hibru 13:15

Kamaghɨn amizɨ, e Iesusɨn ingangarimɨn tuavimɨn, e zurara ziar ekiam isɨ ofan mɨn God danɨng mamaghɨra ikiam. Eghtɨ en akatoriba zurara an ziam fɨ suam, a en Ekiam.

Jopɨn Akɨnafarim 7:21

Nɨ manmaghsua nan arazir kuraba gɨn amangan aghua? Kɨran oveghangɨn kɨ ovegh mozir torimɨn irɨghɨv ikiam. Eghtɨ nɨ na buriamin dughiamɨn, nɨ nan apighan kogham.”

1 Jon 3:5

Ia bar fo, Iesus en arazir kuraba gɨn amangasa, nguazir kamɨn ize. Ezɨ ia fo, an arazir kuratam gamizir puvatɨ.

1 Pita 2:5

Ezɨ ia uaghan, mati dagɨar angamɨra itiba. God ia damightɨ, ia dɨpenimɨn mɨn otoghtɨ, an Duam dɨpenir kamɨn aven ikiam. Eghtɨ God ua bagh ia mɨseveghtɨ, ia an ofa gamir gumazamizibar mɨn ikiam. Egh ia Krais Iesusɨn ziamɨn ia bar ofan mɨn uari isɨ God danɨng. Arazir kam, God bar a gifonge.

2 Timoti 1:9

God en akuragha en diagha ghaze, e an gumazamizibara. An en arazir aghuiba bagha en diazir puvatɨ. Fomɨra dughiar biziba tɨghar otivamimɨn, God uabɨ uan ifongiamɨn gɨn ghua en dia. Egha Krais Iesusɨn ingarimɨn a en apangkuvigha e gamizɨma e an gumazamizibar otifi.

Luk Osirizir Akar Aghuim 18:13

Ezɨ dagɨaba isir gumazim mong munamaghɨn tu. Egha a kogha overiamɨn gari puvatɨgha uan evarim mɨsogha kamaghɨn mɨgei, ‘Kɨ gumazir kuram, God nɨ nan apangkufigh!’

Joel 2:17

Nan ofa gamir gumaziba, me nan ingangarir gumaziba, nɨ me mɨkemeghtɨ, me Godɨn Dɨpenimɨn azuarim ko, ofa gamir dakozimɨn tongɨn tugh aziva arang kamaghɨn mɨkɨm, ‘O Ikiavɨra Itir God, e nɨn gumazamizibara. Nɨ uan gumazamizibar apangkufigh. Puvatɨghtɨ, kantriba bar, akɨrim ragh e gasaragh dɨbovir akabar e mɨkɨmam. E nɨn azai, nɨ Kantrin Igharazibar Gumazamiziba ateghan koghtɨ, me e dɨpova kamaghɨn mɨkɨman kogham, Ian God managh iti?’ ”

2 Samuel 24:10

Devit bar me mengegha gɨvagha, gɨn an amizir arazir kam bagha navim osemegha kamaghɨn Ikiavɨra Itir God ko mɨgei, “Kɨ bar onganigha mɨdorozir gumaziba menge. Kɨ arazir kurar kamɨn osɨmtɨzir bar ekiam gami. O Ikiavɨra Itir God, ga uaning, kɨ amizir arazir kurar kam, nɨ a gɨn amadagh.”

2 Samuel 12:13

Ezɨ Devit kamaghɨn oregha ghaze, “Kɨ Ikiavɨra Itir Godɨn damazimɨn arazir kuram gami.” Ezɨ Natan a ikaragha ghaze, “Ikiavɨra Itir God, nɨn arazir kuraba gɨn amada, ezɨ nɨ aremeghan kogham.

1 Pita 2:9

Ezɨ God ia mɨsevegha gɨvazɨma ia an adarazir otifi. Egha ia atrivimɨn ofa gamir gumazamizibar mɨn otifi. Ia bar guizbangɨra Godɨn gumazamizibara, egha God baghavɨra iti. Egh ia Godɨn gumazamizibar ikɨva, an arazir aghuir a ia gamizibar gun mɨkɨmasa, ia mɨsefe. Ia faragha mɨtarmemɨn ikezɨ, a ian diagha uan angazangarir aghuimɨn ia atɨ.

Hibru 10:4

Bizir kamɨn mɨngarim kamakɨn: bulmakaun apuriba ko memen ghuziba, da arazir kuraba gɨn amadaghan kogham. Bar puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 11:27

Kɨ men arazir kuraba bar da agɨvaghɨva, egh dughiar kamɨn uan Akar Dɨkɨrɨzir Gavgavir kam me ko a damuam.”

Jon Osirizir Akar Aghuim 1:29

Ezɨ amɨmzaraghan Jon Iesusɨn garima an a bagha izi. Ezɨ Jon kamaghɨn mɨgei, “Ia munagh gan! Munar Godɨn Sipsipɨn Nguzim. A nguazimɨn itir gumazamizibar arazir kuraba gɨn amadi!

Luk Osirizir Akar Aghuim 11:13

Ia afeziar arazir kurabagh amiba, egha ia zurara bizir bar aghuiba uan boribagh anɨdi. Ia deraghvɨra kamaghɨn fogh, guizbangɨra ian Afeziar uan Nguibamɨn itim bar akueghvɨra uan Duam isɨ gumazir a ko mɨgeibar anɨngam.”

Matyu 7:11

“Ia afeziar arazir kurabagh amiba, ia zurara bizir bar aghuiba uan boribagh anɨdi. Ia deraghvɨra kamaghɨn fogh, guizbangɨra ian Afeziar uan Nguibamɨn itim bar akueghvɨra bizir aghuiba isɨ gumazamizir a ko mɨgeibar anɨngam.

Sekaraia 3:4

Ezɨ enselɨn kam, enselɨn an faragha tuivighav itibav gɨa ghaze, “Ia korotiar pughpurir an aghuiziba suegh.” Egha a Josua mɨgɨa ghaze, “Nɨ oragh. Kɨ nɨn arazir kuramɨn osɨmtɨzim ko, korotiar pughpurir kaba suegha gɨfa. Kɨ datɨrɨghɨn korotiar igiaba nɨ danɨngam.”

Aisaia 6:7

Egha avir mɨkɨar kam nan akam gatɨgha uam a ini, egha kamaghɨn na mɨgei, “Nɨ oragh. Kɨ avir mɨkɨar kam nɨn akam gatɨ, ezɨ God datɨrɨghɨn nɨn arazir kuraba gɨn amadagha, nɨn osɨmtɨzim adangi, ezɨ nɨ zue.”

1 Jon 1:7

Ezɨ God angazangarimɨn aven iti moghɨn e angazangarimɨn aven daruva, egh uari ko navir vamɨra ikiam. Eghtɨ an Otarim Iesusɨn ghuzim e ruva, en arazir kuraba sara bar da ruam.

Taitus 2:14

Krais kamaghɨn ifonge, a uam e inigh en arazir kuraba adangasa. Eghtɨ e bar zuegh an gumazamizibar mɨn ikiam. Egh e arazir aghuibar amusɨ bar ifongegham. Bizir kam bagha, a uabɨ uan mɨkarzim anigha, areme.

Onger Akaba 50:14

“Kamaghɨn deragham, ia bar God mɨnabagh. Kamaghɨn garir ofa ia a damu. Kɨ Godɨn Bar Pɨn Itim, bizir aghuir ia na danɨngasa mɨkemegha gɨvaziba, ia da isɨ na danɨng.

Onger Akaba 51:16

Kɨ fo, nɨ kamaghɨn aghua, kɨ asɨzim inigh izɨ nɨ bagh an ofa damuam. Kɨ ofa damusɨ asɨzim mɨsuegh a tuaghtɨ, a bar isi mɨghɨran nɨ aghua.

Onger Akaba 51:17

O God, nɨ kamaghɨn ifonge, kɨ ofan mɨn bar uabɨ abɨragh bar nɨn apengan ikiam. Gumazamizir uari abɨra navibagh iziba, nɨ akɨrim ragha me gasir puvatɨ.

Onger Akaba 119:108

O, Ikiavɨra Itir God, kɨ nɨ ko mɨgɨa egha nɨ mɨnabi. Kɨ nɨ mɨnabir mɨgɨrɨgɨar kaba mati, kɨ uan ifongiamɨn gɨn zuir ofan mɨn da nɨ ganɨdi. Nɨ da inigh, egh bizir nɨ damuasa e mɨkemeziba, nɨ deraghvɨra nan sure damu.

Hosea 6:6

Guizbangɨra, Kɨ apangkuvir arazim gifonge, kɨ ofan kɨnibagh ifongezir puvatɨ. Ia zurara ofan bar isia mɨghɨribagh ami, ezɨ kɨ dar aghua. Kɨ bizir kam bagha bar ifonge, a kamakɨn, ia deraghvɨra na gɨfogh nan akamɨn gɨn mangɨ.

Jona 2:9

Ezɨ kɨ uabɨ, ighiam bangɨva nɨn ziam fɨva asɨzitam mɨsuegh ofa isɨ nɨ danɨngasa. Bizir kɨ nɨ ko akam akɨrigha gɨvaziba, kɨ dar amuam. O Ikiavɨra Itir God, nɨ uabɨra en akurvazima, e angamɨra nɨ ko iti.”

Aisaia 44:22

Ian arazir kuraba, kɨ da adegha da isa pɨn da akunizɨ, amɨnim da inigha ghu. Nɨn arazir kuraba gɨvagham, mati ghuariaba aruem mɨzaraghara anadi, da a sara ghuegha gɨfa. Kɨ ian akurvagha deravɨra ian gari, kamaghɨn amizɨ, ia uamategh na bagh izɨ.”

Jeremaia 3:12

Kamaghɨn amizɨ, Jeremaia, nɨ dɨkavigh notɨn amadaghan mangɨ dɨmɨva nan akamɨn gun kamaghɨn me mɨkɨm, Kɨ Ikiavɨra Itir God, kɨ ghaze, Israelia, ia nɨghnɨzir gavgavir nan itir arazim ataki, mati amizim uan pam ategha par igharazimɨn iti. Nan apangkuvir arazim a bar ekefe. Kamaghɨn ia uamategh na bagh izɨ. Kɨ ua navir kuram ian ikɨ zurara ian anɨngaghan kogham.

Hosea 5:5

Israelian arazir uari fem, a me isa kot gatɨ. Israelia ko Efraimian arazir kuramra me gamima me asaghporaghire. Ezɨ Judaba uaghan me ko ire.

Hosea 12:7

Ikiavɨra Itir God kamaghɨn mɨgei: “Efraimia, Kenanian gumazir dagɨaba bagha ingaribar mɨn dagɨar ingangaribagh amua, egha arazir aghuim sara dagh amir puvatɨ. Me gumazir iza men bizibagh ivezibagh ifarasa bar ifonge. Me amadir biziba, me guizɨn ivezibar mɨrara da amadir puvatɨ.