Hosea 13:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ “O Israelian gumazamiziba, kɨ uabɨra ian Akurvazir Gumazim. Ezɨ ia aghua, kamaghɨn ia ikuvigham. Iavzika!

Hosea 13:9 ပူးပေါင်းရင်းမြစ်များ

Jeremaia 2:17

Israelia, kɨ Ikiavɨra Itir God, ian God, kɨ ia inigh tuavir aghuimɨn izasa, ezɨ ia aghuagha akɨrim ragha na gasara. Ia uari kamaghɨn amizɨ, osɨmtɨzir kam ia bato.

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Godɨn Araziba 33:26

Egha Moses kamaghɨn mɨgei, “O Israelia, godɨn tam ua en Godɨn mɨn itir puvatɨ. A gavgavir ekiam ko angazangarimɨn aven mɨdorozir karis gaperagha, ian akurvaghasa ghuariam gisɨn izi.

Hosea 14:1

O Israelia, ian arazir kuraba ia gamizɨ, ia asaghpora ire. Kamaghɨn amizɨ, ia uamategh Ikiavɨra Itir God, ian God bagh izɨ.

Jeremaia 5:25

Ezɨ ian arazir kurar kabara bizir aghuir kabar tuavim apɨrizɨ ia da isir puvatɨ.

Malakai 1:9

Aria, ia ofa gamir gumaziba, ia God deragh e damusɨ an azangsɨgh. Eghtɨ a bar ian azangsɨzim bareghan koghtɨ, tinara osɨmtɨzir kam ateram? Osɨmtɨzir kam iarara aneteram. Ikiavɨra Itir Godɨn Gavgaviba Bar Itim, kamaghɨn ia mɨgei.

Hosea 13:4

Ikiavɨra Itir God ua kamaghɨn mɨgei: “Kɨ Ikiavɨra Itir God, ian God, kɨ Isipɨn ia inigha ian akua azenan ize. Kɨ uabɨra, kɨ ian God. Ua godɨn igharaziba puvatɨ. Kɨrara kɨ ian Akurvazir Gumazimra!

Aisaia 3:11

Ezɨ gumazamizir kuraba, mevzika! Me bar ikuvigham! Me uan dafaribar amizir arazir kuraba, gumazir igharaziba me ikarvagh arazir kurar me amizir kabara, me danɨngam.

Aisaia 3:9

Egha me kotiaba barazir dughiabar, me ifongezir gumazamizibaram akurvagha igharaz darazi dɨkabɨri. Ezɨ men arazir kamra, me isa kotiam garɨsi. Sodomia fomɨram amizɨ moghɨra, me gumazamizir igharazibar damazibar arazir kuram damuan aghumsɨzir puvatɨ. Mevzika! Me ikuvigham. Me uari arazir kuram gamigha an osɨmtɨzim ateri. Kamaghɨn amizɨ, me uan arazir kuramɨn ivezim ateram.

Aghuzir Akaba 8:36

Ezɨ gumazamizir na inizir puvatɨziba, me uarira uarigh asɨghasɨsi. Ezɨ gumazamizir bar na gifongezir puvatɨziba, me mati gumazamizir ovevem gifongeziba.”

Aghuzir Akaba 6:32

Ezɨ gumazim, gumazir igharazimɨn amuim koma akui, a bar derazir puvatɨgha egha bar ongani. Gumazir kam, a uabɨ uabɨ gasɨghasɨsi.

Onger Akaba 146:5

Gumazitam nɨghnɨzir gavgavim Jekopɨn Godɨn ikɨ suam, Ikiavɨra Itir God nan akuragham, gumazir kam bar akongegh.

Onger Akaba 46:1

God en danganir mogomemɨn mɨn ikia, e akumakua deragha en gara, gavgavim zurarama e ganɨdi. Dughiar e osɨmtɨzir ekiabar aven itibar, a en akurvaghasa gara iti.

Onger Akaba 33:20

E Ikiavɨra Itir God baghvɨra mɨzuamɨva, nɨghnɨzir gavgavim an ikɨtɨ an e geghuvam. A en oramɨn mɨn iti, ezɨ e an aven modima a en akurvasi.

Godɨn Araziba 33:29

O Israelian gumazamiziba, ia bar akongegh! Ikiavɨra Itir God ian akurvazi moghɨn, a ikɨzir igharazitaba kamaghɨn men akurvaghizir puvatɨ. Ikiavɨra Itir God mati oramɨn mɨn ian pɨgha ian akurvasi. Egh a mati mɨdorozir sabamɨn mɨn, ian apanibav soghɨrarightɨ me arɨmɨghiram. Eghtɨ ian apaniba izɨ uarir apangkuvsɨ ian azangsɨgham. Eghtɨ ia me dɨkɨ me abɨnam.”

Jeremaia 4:18

Ia uari osɨmtɨzir kabagh amigha, tuavir kuramɨn ghu. Ezɨ bizir kam bagha ia bar osɨmtɨzir ekiam ini. Ian arazir kurabara ia gamima, ia mɨzazir kam isima, ian naviba bɨaghire.”

Malakai 1:12

Ezɨ ia nan ofa gamir dakozim mɨgɨa ghaze, a pura bizim, egha dagher kurar ia aghuaziba, ia da isa ofan mɨn na ganɨdi. Ia kamaghɨn amua nan ziam fer puvatɨ.

Malakai 1:13

Ia kamaghɨn mɨgɨa ghaze, ‘Oio, e ofa damuamin arazim a bar e baseme.’ Ezɨ ian arazir kam kamaghɨn akagha ghaze, ia Ikiavɨra Itir Godɨn Gavgaviba Bar Itimɨn ziar ekiam, a ganɨdir puvatɨ. Ia asɨzir atiaba mɨsoghezir asɨziba isa, dar ofabagh ami. Ia uaghan asɨzir arɨmariaba itiba ko, agharir dɨbɨriba isa na bagha izi. Egha ia ghaze, Kɨ Ikiavɨra Itir God, kɨ ti ia amir ofan kabagh ifuegham, a? Ti bar puvatɨgham!

2 Eghaghaniba 28:23

A kamaghɨn mɨgei, “Siriaba faragha mɨdorozimɨn na abɨra. Sirian atrivibar aseba ti Siriabar akura. Eghtɨ kɨ da bagh ofa damutɨ, da ti uaghan nan akuragham.” Egha Ahas Sirian asebar ofa gami. An arazir kabagh amima, bizir kam bangɨn osɨmtɨzir ekiaba, a ko Israelian gumazamiziba batifi.

Hosea 7:14

Me ifara na ko mɨgei, egha gumazir na gɨfozir puvatɨzibar mɨn uan mɨsiabar irav ikia puv arai. Me dagheba ko wainɨn dɨpaba iniasa uan asebar deir dughiabar, me tintinimɨn uan mɨkarzibar ghori, mati na gɨfozir puvatɨzir gumazamiziba. Me akɨrim na gasa puvɨra nan akaba batosi.

Hosea 7:15

Guizbangɨra, kɨrara men akurazɨ, me ekevegha gavgafi. Egha me arazir kuramɨn na damuasa akam akɨri.