Hosea 13:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Egha datɨrɨghɨn me arazir kuram gamua ghuavɨra iti. Me uari bagha marvir guaba silvan dar ingara egha dar ziaba fe. Gumazir maba uari dagh nɨghnigha, egha uan dafaribar dar ingari. Egh nedazir kaba bagh ofa damuasa gumaziba amɨsefe. Me bulmakaun nedazir kabar tori. Amei! Kar gumazamizir anabar bar kuraba.

Hosea 13:2 ပူးပေါင်းရင်းမြစ်များ

Hosea 2:8

“A kamaghɨn foghan aghua, kɨ uabɨ dagheba ko, wainɨn dɨpam ko, olivɨn borem ko, silva ko, gol ko, bizir maba sara bar a ganɨngi. Ezɨ puvatɨ, a bizir bar aghuir kaba inigha ghua asem Balɨn ziam fe.

Aisaia 46:6

Gumazir maba marvir guabar ingarasa gol ko silvan bar avɨribar pozim mɨkɨra, dar osɨmtɨziba tuisɨsi. Egh me gol ko silvan bizibar ingarir fofozir gumazim givezeghtɨ, a me bagh marvir guabar ingaram. Eghtɨ me teviba apɨrɨva, an ziam fam.

1 Atriviba 19:18

Eghtɨ kɨ Israelian tongɨn itir gumazamizir 7,000ɨn varazira amamangatɨghtɨ, me angamɨra ikiam. Me asem Bal bagha teviba apɨrizir puvatɨ. Egha an nedazibar torava, an ziam fer puvatɨ. Gumazamizir kaba na baghavɨra ikia nan gɨn zui.”

Jeremaia 10:4

Egha gumaziba gol ko silvan marvir guar kam asigha, hama ko dɨkoniba inigha, a iran aghuagha a gafu.

Akɨnafarir Pol Romɨn Nguibar Ekiamɨn Itir Sios Bagha Osirizim 11:4

Ezɨ God manmaghɨn an akam ikara? A ghaze, “Kɨ ua bagha Israelian tongɨn itir gumazir 7,000ɨn varazira amɨsevezɨ, me Israelɨn ikiavɨra iti. Me asem Baal bagha teviba apɨrizir puvatɨ.”

2 Timoti 3:13

Eghtɨ gumazamizir kuraba ko ifavarir gumazamiziba, gumazamizir igharazibagh ifar mangɨvɨra ikiam. Eghtɨ Satan uaghan me gifartɨ, men araziba bar ikuvigham.

Akɨnafarir Pol Romɨn Nguibar Ekiamɨn Itir Sios Bagha Osirizim 2:5

Nɨ uan navimɨn suiragha gavgavigha uan navim gɨghasa nɨghnɨzir puvatɨ. Egha arazir kamɨn nɨ uabɨ ivezir bar ekiar kuram uabɨ garɨsi.

Hosea 11:6

Mɨdorozir ekiam otoghtɨ, apaniba nguibar ekiam avɨnizir dɨvazimɨn tiar akar ekiam akarigh, ivemar nguibar ekiamɨn aven mangɨ me ko mɨsogham. Nan gumazamiziba uan ifongiamɨn gɨn zui, kamaghɨn amizɨ, mɨdorozir kam me agɨvagham.

Hosea 10:1

Israelia bizir avɨrim ikia, mati wainɨn ikarɨzir aghuim puvɨra be. Men bizir aghuiba bar avɨrasemegha iti. Kamaghɨn amizɨ, me asem bagha ofa gamir dakoziba ko dagɨar guarir akɨnir avɨribar ingara, egha bar deravɨra dagɨar guarir akɨnir kabar kurti.

Hosea 8:6

Israelian ingangarir gumazir mam marvir guar kamɨn ingari. Bizir kam, a God puvatɨ, a pura nedazir kɨnim. Bar guizbangɨra, kɨ bulmakaun kam abɨghɨrarightɨ, a pura mɨnezir kɨnimɨn otogham.

Hosea 8:4

“Nan gumazamiziba gumazir dapaniba amɨsevima, kɨ men amamangarɨzir puvatɨ. Me uan silva ko golba isa uari bagha marvir guabar ingari. Kamaghɨn amizɨ, kɨ gumazamizir kabagh asɨghasigham.

Aisaia 46:8

“Ia gumazir arazir kurabagh amiba, ia akar kɨ akurir kam, ia bar deravɨram a gɨnɨghnɨgh.

Aisaia 45:20

Ikiavɨra Itir God ghaze, “Ia Kantrin Igharazibar Gumazamizir ikiavɨra itir varazira, ia izɨ uari akufagh! Ia gumazamizir mɨdorozimɨn aven deravɨra ikia, ikiavɨra itiba, ia bar moghɨra kot bagh izɨ! Me uan marvir guar me pura ter otevir kɨnibar ingariziba, da inigha tintinibar dar atera izi. Kɨ men gara ghaze, Me guizbangɨra nɨghnɨzir aghuiba bar puvatɨ. Me uarir akurvaghasa asebar dei, ezɨ da gumazitamɨn akuraghamin gavgaviba puvatɨ.

Aisaia 30:1

Ikiavɨra Itir God kamaghɨn mɨgei, “Judan adarasi, me nan boriba me bar ikuvigham, me bar orazir puvatɨzir darazi. Me nan nɨghnɨzimɨn gɨntɨzir puvatɨ. Me uan nɨghnɨzibar gɨntɨgha ghua kantrin igharazim ko roroam gami. Egha tuavir kamɨn, me arazir kurar bar avɨrim, uan arazir kurar faragha amizibagh siriabagh arɨsi. Mevzika. Kamaghɨn amizɨ, me bar ikuvigham.

Aisaia 1:5

Egha manmaghsua ia Godɨn akam batoghavɨra iti? Ia ti zurara mɨzaziba inian aghua, a? Israelia, ia mati gumazir me bar puv mɨsoghezim, ezɨ an mɨkarzim ikufi, egha gavgaviba puvatɨ. Ezɨ duaba bar an dapanim gizɨfa.

Onger Akaba 2:12

Ia uari amɨragh teviba apɨrigh magɨrɨ, an dagarimningɨn tor. Puvatɨghtɨ, an adarim zuamɨrama otoghtɨ ia arɨmɨghiregham. Guizbangɨra, an anɨngagheghtɨ an anɨngagharim zuamɨrama otogham. Eghtɨ gumazitam God bagh izɨ an aven modogh, nɨghnɨzir gavgavim an ikɨ bar akuegham.

2 Eghaghaniba 33:23

Emonɨn afeziam, Ikiavɨra Itir Godɨn damazimɨn uabɨ abɨragha navim gɨra, ezɨ Emon kamaghɨn amizir puvatɨ. An arazir kurabar osɨmtɨzim ghuavɨra iti.

2 Eghaghaniba 28:13

Ezɨ 4plan gumazir aruar kaba kamaghɨn mɨdorozir gumazibav gei, “Ia kalabuziar maba inigh kagh izan markɨ. E Ikiavɨra Itir Godɨn damazimɨn arazir kurabagh amizɨ dar osɨmtɨzim en iti. Ia arazir kurar kam uam a damightɨ, arazir kam en arazir kuraba isafuraghtɨ, da Ikiavɨra Itir Godɨn damazimɨn mangɨ bar ekevegham. Eghtɨ Ikiavɨra Itir Godɨn anɨngagharir ekiam en ikiam.”

1 Samuel 10:1

Egha Samuel olivɨn borem itir mɨsevir dozim inigha, an dapanim gingegha an tore. Egha ghaze, “Ikiavɨra Itir God nɨ ginabagha ghaze, Nɨ nan gumazamiziba, Israelian atrivimɨn ikiam. Nɨ me gativagh men akurvagh me okarizir apanibar gavgavim da ua me iniam. Eghtɨ ababanir tam, nɨn akakagh suam, Ikiavɨra Itir God, ua bagha inabazir gumazamizibagh ativaghasa, nɨ ginaba. Nɨ datɨrɨghɨn ababanir kamɨn ganam.

Dɨboboniba 32:14

Ia oragh! Ia datɨrɨghɨn uan afeziabar danganiba inigha, arazir kurabagh amir gumazamizibar otifi. Egh ia ti Ikiavɨra Itir God damutɨ, an anɨngagharir bar kuram uam Israelia damuam.

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Hosea 4:17

Efraimia bar uari isa asebagh anigha dar gɨn zui. Markɨ, ia me ateghtɨ me mar uan ifongiabar gɨn mangɨ.

Hosea 8:5

O Samariaba, kɨ ian golɨn bulmakaun marvir guar kam bar an aghua. Kamaghɨn, kɨ bar ian anɨngaghe. Kɨ kamaghɨn ifonge, me uan arazir kurar kam zuamɨram anetakigh. Ezɨ ti puvatɨgham.

Hosea 10:5

Golɨn bulmakaun nedazir Betelɨn itir kam, Samarian nguibar ekiamɨn itir gumazamiziba, me a bagh akongɨva arangam. Guizbangɨra, apaniba an kurkaziba adegham. Kamaghɨn amizɨ, ofa gamir gumaziba ko an gumazamiziba bar, me an apangkuv egh aziam.

Hosea 14:3

Asiriaba en akuraghan kogham. Eghtɨ mɨdorozir hoziaba en akuraghan kogham. E uan dafaribar marvir guabar ingari, egh gɨn e kamaghɨn ua dav mɨkɨman kogh suam, ‘Kar en aseba.’ E fo, e mati asaghasazir borir e geghuvamin amebaba ko afeziaba puvatɨ, ezɨ nɨrara, zurara en apangkufi.”

Aisaia 44:11

Ia gan! Gumazamizir dɨgɨribagh amir kaba, me pura nguazir kamɨn itir gumazir kɨnibara, egha marvir guabar ingari. Kamaghɨn amizɨ, gumazamizir marvir guabar ziaba feba, me bar aghumsigham. Kɨ ghaze, me bar izɨ nan damazimɨn kotɨn tuifigh. Bar guizbangɨra, kɨ me damightɨ, me bar atiatigh bar aghumsigham.

Jeremaia 8:5

Ezɨ Jerusalemɨn gumazamizir kaba na ategha, ua izir puvatɨ. Me zurara akɨribagh igha na gasi. Me ifavarir arazimɨn gɨn mangasa bar gavgavigha, ua na bagh izan aghua.

Hosea 11:2

Ezɨ dughiar avɨribar gɨn, nan akam inigha izir gumaziba nan gɨn mangasa Israelian gumazamizir kabar dei. Ezɨ akam inigha izir gumaziba men deima, me dughiabar zurara akɨribagh igha me gasi. Nan gumazamiziba asem Bal bagha ofabagh ami. Me mughuriar aghuim zuir ofaba marvir guaba bagha dagh ami.