Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hosea 13:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

16 Samariaba bar nan akaba barazir puvatɨ, kamaghɨn amizɨ, me ivezir kuram iniam. Apaniba izɨ me mɨsoghtɨ me arɨmɨghiram. Egh borir doziba isɨ nguazimɨn me apɨstɨ, me uaghan arɨmɨghiram. Egh amizir navir adasebar naviba abɨgham.”

အခန်းကိုကြည့်ပါ။ ကော်ပီ




Hosea 13:16
23 ပူးပေါင်းရင်းမြစ်များ  

Dughiar Menahem uan gumaziba ko, me Tirsa ategha Samaria bagha zuimɨn, me Tipsan nguibar ekiamɨn otifi. Ezɨ Tipsan gumaziba uan nguibamɨn aven mangasa Menahemɨn gumazibar amamangatɨzir puvatɨ. Kamaghɨn amizɨ, Menahem mɨdorozim foregha me uariv sogha, Menahem uan adarazi ko me bar pazavɨra, Tipsan nguibar ekiam gasɨghasɨki. Egha me Tipsan nguibamɨn gumazamiziba ko nguibar dozir an boroghɨn itibar gumazamizibav mɨsoghezɨ me ariaghire. Egha me amizir naviba adaiba inigha men navibagh iniva da ofɨrima, me ariaghiri.


Ezɨ Hasael kamaghɨn an azai, “Nan gumazir ekiam, nɨ tizim bagh azi?” Ezɨ Elisa kamaghɨn a ikaragha ghaze, “Kɨ fo, nɨ gɨn arazir kurar avɨribar Israelian gumazamizibar amuam. Nɨ uan mɨdorozir gumaziba ko, men dɨvazir gavgavibagh asɨghasɨgh, egh dar apongtɨ da isiam. Egh ia Israelian gumazir igiabav soghtɨ me arɨghiram. Egh ia borir muziariba, nguazimɨn me apɨstɨ me arɨghiram. Egh ia naviba adair amizibar garir dughiam, ia mɨdorozir sababa inigh men naviba ofɨram. Kamaghɨn amizɨ, kɨ azi.”


Eghtɨ apaniba, borir iririviba, men amebabar aghariba da me amɨkɨva, eghtɨ amebaba ko afeziaba ganvɨra ikɨtɨ, me boriba isɨ dagɨaba itir nguazim gapɨztɨ, me arɨmɨghiram. Eghtɨ apaniba men dɨpenibagh asɨghasɨgh, men biziba okɨmɨva, men amuibar suigh, me abɨn arazir kurabar me damuam.


“Ia oragh! Ikiavɨra Itir God Akar Gavgavir kam ia ganɨga ghaze, Amonian kantrin gumazamiziba, arazir kurabagh amua ghuavɨra iti. Me ua nguazitaba iniasa mɨsosi, egha Gileatɨn Distrighɨn itir amizir naviba adaiba, me men naviba abɨzi da bɨaghiri. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.


Ezɨ a pura bizim, apaniba Tebesia gafiragha, kalabusɨn ingangarim bagha me inigha ghue. Me men boriba, tuavir akar uari bativibar me mɨsozi me ariaghiri. Egha Tebesɨn gumazir aruaba me senbar me ikegha vaghvagha me inigha ghue, ezɨ me men ingangarir gumazir kɨnibar mɨn ingari.


Atrivim Omri ko an otarim, Atrivim Ahap, ia aningɨn arazir kurabar gɨn ghuezir gumazamiziba, aning faragha amizir araziba, ia datɨrɨghɨn aningɨn gɨn ghua dagh ami, kamaghɨn amizɨ, kɨ ia gasɨghasightɨ, Kantrin Igharazibar Gumazamiziba, akɨrim ragh ia gasɨ dɨbovir akabar ia mɨkɨmam. Eghtɨ ia nan gumazamizir nguibar ekiar kamɨn itiba bar moghɨram aghumsigham.”


Eghtɨ mɨghsɨaba an suemningɨn apengan dɨpabar mɨn otivigham, mati kendel isia amera izaghira dɨpamɨn mɨn emɨri. Mɨghsɨar kaba, irɨ danganir zaribar otivigham, eghtɨ dagɨaba poghpogh izighirɨ, mati dɨpam mɨghsɨabar ikegha ivemara izaghiri.


Kɨ Ekiamɨn garima, a uan Dɨpenim avɨnizir dɨvazimɨn aven itir ofa gamir dakozimɨn boroghɨn tughav iti. Egha kamaghɨn mɨgei: “Ia nan Dɨpenimɨn guarir akɨnir ruaribar dapanibav soghtɨ, dɨpenimɨn azuarimɨn danganiba bar ivazvagh. Eghtɨ Dɨpenir akɨnir guariba dɨpɨrighɨrɨ, gumazamizibar dapanibav soghtɨ me arɨmɨghiram. Eghtɨ ariaghirezir puvatɨziba ikɨvɨra ikɨtɨ, kɨ apanibar amamangatɨghtɨ me izɨ me mɨsoghtɨ, me arɨmɨghiregham. Men tarazi aregh deraghvɨra ikian kogham. Bar puvatɨgham.


Ia mangɨ, gumazir Asdotɨn nguibar ekiamɨn dɨpenir gavgavibar itiba, ko Isipɨn kantrin dɨpenir gavgavibar itiba, men diagh, akar kamɨn gun me mɨkemegh, “Ia bar mangɨ Samarian mɨghsɨabar uari akuvagh ikɨ, egh Samarian gumazamizibar gan, me bar onganigha atiatim uarira uarigh anɨdi. Egh men igharaz darazi dɨkabɨrir arazir kurar me amiba ia dar ganigh.”


Mɨdorozir ekiam otoghtɨ, apaniba nguibar ekiam avɨnizir dɨvazimɨn tiar akar ekiam akarigh, ivemar nguibar ekiamɨn aven mangɨ me ko mɨsogham. Nan gumazamiziba uan ifongiamɨn gɨn zui, kamaghɨn amizɨ, mɨdorozir kam me agɨvagham.


Me ifarir gumazamiziba. Kamaghɨn amizɨ, me uan osɨmtɨzibar ivezir kuram iniam. Ikiavɨra Itir God men ofa gamir dakoziba, ko dagɨar guarir akɨniba apɨrarigham.


Me ifara na ko mɨgei, egha gumazir na gɨfozir puvatɨzibar mɨn uan mɨsiabar irav ikia puv arai. Me dagheba ko wainɨn dɨpaba iniasa uan asebar deir dughiabar, me tintinimɨn uan mɨkarzibar ghori, mati na gɨfozir puvatɨzir gumazamiziba. Me akɨrim na gasa puvɨra nan akaba batosi.


Apaniba, kantri Israelɨn nguibar gavgavibagh asɨghasigh, egh uaghan Damaskusɨn gumazamizibagh gativagham. Datɨrɨghɨn kantri Israel ko Siria, aning ziar ekiamning itima, gumazamizir avɨrim aningɨn iti. Eghtɨ kantrin kamning bar ikuvightɨ, gumazamizir varazira ikiam. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”


Borir kam tɨghar kamaghɨn fogh suam, kar nan amebam ko nan Afeziam, ezɨ dughiar kamra, Asirian kantrin mɨdorozir gumaziba izɨ Damaskusɨn nguibar ekiam ko Samarian nguibar ekiamɨn bizir aghuiba okemegh, mangɨ uan atrivim danɨngam. Ezɨ borir kamɨn ziamɨn mɨngarim kamakɨn, Zuamɨram Okemegh Zuamɨram A Inigh Mangɨ.”


Ikiavɨra Itir God bar Israelian anɨngaghegha, men guabar ganan aghua. Kamaghɨn amizɨ, a men nguazimɨn me batoghezɨ, me ghua saghon itir kantrin ghu. Ezɨ Judan anabamɨn gumazamiziba uan nguazimɨn ikiavɨra iti.


Ezɨ namba 9ɨn azenimɨn Hosia Israelian atrivimɨn itima, Asirian atrivim Samariaba dɨkabɨragha, men nguibar ekiam ini. Egha a Israelia inigha Asirian kantrin ghu. Egha marazi isa Halan nguibar ekiam gatɨ, egha marazi isa Gosanɨn Distrighɨn aven itir, Haborɨn Fanemɨn boroghɨra me arɨki. Ezɨ marazi Midian kantrin nguibabar iti.


Dughiar Asirian Atrivim Salmaneser, Hosia kalabus gatɨzimɨn gɨn, Salmaneser uan mɨdorozir gumaziba inigha ghua Israelian nguazimɨn aven arua bar me mɨsosi. Me ghua Samarian nguibar ekiamɨn otivigha, me korogha, 3plan azenibar me ko mɨsosi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ