Hosea 13:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Fomɨra Efraimɨn anabamɨn adarazi mɨgeima, anabar igharazibar gumazamiziba atiatiav agoi, egha orasi. Efraimia uari Israelian anababar tongɨn uan ziam fe. Egha Efraimɨn adarazi ua asem Balɨn ziam fava arazir kamɨn arazir kuram gamigha gɨfa. Kamaghɨn amizɨ, me arɨghiregham.

Hosea 13:1 ပူးပေါင်းရင်းမြစ်များ

Hosea 11:2

Ezɨ dughiar avɨribar gɨn, nan akam inigha izir gumaziba nan gɨn mangasa Israelian gumazamizir kabar dei. Ezɨ akam inigha izir gumaziba men deima, me dughiabar zurara akɨribagh igha me gasi. Nan gumazamiziba asem Bal bagha ofabagh ami. Me mughuriar aghuim zuir ofaba marvir guaba bagha dagh ami.

Luk Osirizir Akar Aghuim 14:11

Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiam iniam.”

Aghuzir Akaba 18:12

Gumazir ifaghata egha uan ziam fem, a gɨn ikuvigham. Nɨ ziar ekiam inisɨ, nɨ faragh uabɨ dɨkabɨragh.

1 Atriviba 12:25

Ezɨ Atrivim Jeroboam, Efraimɨn anabamɨn nguazir mɨghsɨaba itibagh isɨn nguibar ekiam Sekem avɨnizir dɨvazim, gavgavim a ganɨga an ingarigha, egha nguibar kam dughiar mabar an ike. Egha gɨn anetegha, Gileatɨn Distrighɨn itir nguibar ekiam Penuel avɨnizir dɨvazimɨn ingara, gavgavim a ganɨdi.

1 Samuel 15:17

Ezɨ Samuel kamaghɨn Sol mɨgei, “Fomɨra nɨ ghaze nɨ pura bizim, nɨ Israelian anababar gumazir dapanim. Ikiavɨra Itir God uabɨ nɨ ginabazɨ, nɨ atrivimɨn oto.

Gumazir Dapaniba 12:1

Ezɨ Efraimɨn anabamɨn adarazi uari akuvagha mɨdorozim damuasa, mɨdorozir biziba inigha Jordanɨn Fanem giregha vongɨn otogha, Safonɨn nguibar ekiamɨn zui. Me ghua kamaghɨn Jepta mɨgei, “Nɨ Amonia ko mɨsoghasa Jordanɨn Fanem girɨgha vongɨn zuir dughiamɨn, nɨ en dɨman aghua? Nɨ oragh, bizir kam bangɨn, e datɨrɨghɨn nɨ ko nɨn dɨpenim dapongam.”

Gumazir Dapaniba 8:1

Ezɨ Efraimɨn anabamɨn gumaziba kamaghɨn Gideon mɨgei, “Nɨ Midianian adarazi ko mɨsoghasa zuir dughiamɨn, nɨ en dɨman aghua. Nɨ tizim bagha kamaghɨn e gami?” Me bar puv a gimoba an atari.

Josua 3:7

Ezɨ Ikiavɨra Itir God, kamaghɨn Josua mɨgei, “Datɨrɨghɨn kɨ Israelian damazimɨn nɨn ziam fɨtɨ, me kamaghɨn fogham, kɨ fomɨra Moses ko ikezɨ moghɨn, kɨ nɨ ko ikiam.

Dɨboboniba 13:16

Gumazir dapanir kaba, Moses moga garir gumazibar mɨn, Kenanɨn nguazimɨn getiasa me amangi. Egha Nunɨn otarim Hosia, Moses an ziam giragha, “Josua,” a gatɨ.

Dɨboboniba 13:8

Nunɨn otarim Josua, a Efraimɨn anabamɨn mav.

Dɨboboniba 10:22

Ezɨ Efraimɨn anabamɨn ikɨzir 3pla, uan fleghɨn suiragha Kohatɨn ikɨzimɨn gɨn zui. Ezɨ Amihutɨn otarim Elisama, a 3plan ikɨzir kabar gumazir dapanim.

Jenesis 2:17

Egh nɨ, temer fofozir arazir aghuim ko arazir kuram anɨdim, an ovɨzim aman bar markɨ. Nɨ anemegh, zuamɨram ovegham.”

2 Korin 5:14

E deragha nɨghnɨgha fo, gumazir mam bar e bagha areme. Ezɨ tuavir kam mati, e bar moghɨrama ovegha gɨfa. Kamaghɨn Krais e gifongezir arazim, en naviba fa e abɨrima, e an ingangarim gami.

Akɨnafarir Pol Romɨn Nguibar Ekiamɨn Itir Sios Bagha Osirizim 5:12

Kamaghɨn amizɨ, gumazir vamɨra arazir kuram gami, ezɨ tuavir kamɨn arazir kuraba nguazir kamɨn oto. Ezɨ nguazir kamɨn gumazamiziba arazir kurabagh amima, ovevem oto. Ezɨ gumazamiziba bar arazir kurabagh amima, ovevem bar me bato.

Aisaia 66:2

Kɨ uabɨ, uan dafarimningɨn overiam ko nguazim ko biziba bar dar ingarizɨ, da otivigha iti. Nan navim kamaghɨn amir gumazamizibar iti: Gumazamizir uari abɨrava, uan arazir kuraba bagha osemegha, nan akam baregha nan atiatia nɨgha, nan apengan itiba, kɨ men gara bar me gifonge. Kɨ Ikiavɨra Itir God, kɨ mɨkemegha gɨfa.

Jopɨn Akɨnafarim 29:21

“Gumazamiziba damuamin araziba kɨ dar me mɨgeima, me akabar kumigha nɨmɨra ikia na barasi.

Jopɨn Akɨnafarim 29:22

Nan mɨgɨrɨgɨaba men navir averiabar ghuaghiri, mati amozir pam emɨra aghumra nguazir averiamɨn ghuaghiri. Kɨ mɨkemegh gɨvaghtɨ, me nan nɨghnɨzim ua mɨgɨrɨgɨar otevitam a isafuraghan kogham. Puvatɨ.

Hosea 2:8

“A kamaghɨn foghan aghua, kɨ uabɨ dagheba ko, wainɨn dɨpam ko, olivɨn borem ko, silva ko, gol ko, bizir maba sara bar a ganɨngi. Ezɨ puvatɨ, a bizir bar aghuir kaba inigha ghua asem Balɨn ziam fe.

Hosea 8:4

“Nan gumazamiziba gumazir dapaniba amɨsevima, kɨ men amamangarɨzir puvatɨ. Me uan silva ko golba isa uari bagha marvir guabar ingari. Kamaghɨn amizɨ, kɨ gumazamizir kabagh asɨghasigham.

Aisaia 7:8

Ia fo, Sirian kantrin faragha zuir nguibar ekiam, an ziam Damaskus. Ezɨ Atrivim Resin, a Damaskusɨn nguibam gativagha an gari. Ia gantɨ, 65plan azeniba gɨvaghtɨ, Israelian kantri, bɨghiregh egh bar gɨvagham.

Hosea 2:10

Egh a ifongezir gumazibar damazimɨn, kɨ an korotiaba suegham. Eghtɨ gumazitam nan dafarimɨn uam a inighan kogham.