Hosea 12:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Men inazir afeziam, Jekop, a uan aveghbuam ko, aning uan amebamɨn navir averiamɨn ikia, uaning mɨsosi. Gɨn Jekop ekevegha gɨvagha God ko mɨsosi.

Hosea 12:3 ပူးပေါင်းရင်းမြစ်များ

Jenesis 25:26

Ezɨ Ison amebam a batir dughiamɨn an dozim an dagarir gɨnkevimɨn suiragha azenan ize. Kamaghɨn amizɨ me ziam, “Jekop,” a gatɨ. Dughiar kam Aisak 60plan azeniba itima aningɨn amebam aning bate.

Akɨnafarir Pol Romɨn Nguibar Ekiamɨn Itir Sios Bagha Osirizim 9:11

God arazir a zurara amimɨn gɨn ghua, gumazamiziba uan nɨghnɨzimɨn me ginabi. A gumazamizibar ingangarim bagha nɨghnɨzir pu. Puvatɨ. A uabɨ men diava me ginabi. Kamaghɨn amizɨ Rebeka tɨghar otarir pumuning batamin dughiamɨn, aning arazir kuratam o arazir aghuim gamizir puvatɨzɨ, God kamaghɨn Rebeka mɨgei, “Otarir faragha irɨzim, otarir gɨn irɨzimɨn ingangarir gumazimɨn mɨn ikiam.”

2 Atriviba 17:18

Ikiavɨra Itir God bar Israelian anɨngaghegha, men guabar ganan aghua. Kamaghɨn amizɨ, a men nguazimɨn me batoghezɨ, me ghua saghon itir kantrin ghu. Ezɨ Judan anabamɨn gumazamiziba uan nguazimɨn ikiavɨra iti.

2 Atriviba 17:20

Ezɨ Ikiavɨra Itir God akɨrim ragha bar Israelia gasara. Egha a puv me gamua, egha apaniba amangizɨ me iza me gasɨghasɨki. Israelia arazir kuraba ataghizir puvatɨ, ezɨ Ikiavɨra Itir God men aghuagha, me batoghezɨ me an damazimɨn saghon ghue.

2 Atriviba 17:23

Ezɨ gɨn Ikiavɨra Itir God bar men aghua, egha me batoghezɨ me uan kantrin saghon ghue. Ikiavɨra Itir Godɨn arazir kamɨn mɨngarim kamakɨn, God dughiar avɨriba ikiangsɨzir akaba isa Israelia bagha uan akam inigha izir gumazibagh anɨngi. Kar an ingangarir gumaziba, ezɨ me arua Israelia mɨgɨavɨra iti, ezɨ me me baraghan aghua. Kamaghɨn amizɨ, Asiriaba iza Israelia mɨsogha me abɨragha, me inigha uan kantrin ghue, ezɨ me kantrin kamɨn ikiavɨra iti.

Jeremaia 2:9

Ikiavɨra Itir God, kamaghɨn mɨgɨa ghaze: “Ia amizir arazir kurar kaba bagh, kɨ ia isɨ kot datɨgham. Egh kɨ uaghan ian boriba, ko ian ovavir borir gɨn otivamiba, kɨ me isɨ kot datɨgh me tuisɨgham.

Esekiel 7:3

Ia Israelia, ian dughiar abuananam otogha gɨfa. Eghtɨ kɨ datɨrɨghɨn uan anɨngagharim ia bagh anemadagh, ia amizir araziba tuisɨgham. Egh arazir kurar kɨ ifongezir puvatɨzir avɨriba ikarvagh ivezir kuram ia danɨngam.

Esekiel 7:8

Kɨ ian arazir kurar ia amizir kaba bagh ia tuisɨgh, zuamɨra ian arazir kurar avɨrir kɨ ifongezir puvatɨzir kaba ikarvagh ivezir kuram ia danɨng, egh uan anɨngagharim ia gingeghtɨ, ia osɨmtɨzir ekiaba iniam.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Hosea 4:9

Kɨ pazɨ gumazamizibar amightɨ, me ikuvigham. Eghtɨ ia ofa gamir gumaziba, men mɨrara ikuvigham. Kɨ ian arazir kurar ia amiziba ikarvagh pazɨ ia damuam.

Amos 2:4

“Ia oragh! Ikiavɨra Itir God Akar Gavgavir kam ia ganɨga ghaze, Judaba arazir kurabagh amua ghuavɨra iti. Me nan Araziba batogha, arazir kɨ ifongezibar gɨn zuir puvatɨ. Egha me uan inazir afeziaba faragha gɨn ghuezir aser ifavariba, uaghan dar gɨn zui. Kamaghɨn amizɨ, nan anɨngagharim guizbangɨra me bagha bar ekefe, eghtɨ kɨ ivezir kuram me danɨngam.

Maika 6:2

Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.