Hosea 11:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Me zurara akɨrim na gasi, kamaghɨn ivezir kurar kɨ me danɨngamim, me a gitaghan kogham. Me uarir akurvaghsɨ asebar dɨmam. Eghtɨ aser kɨnir kaba men akuraghan kogham.

Hosea 11:7 ပူးပေါင်းရင်းမြစ်များ

Jeremaia 8:5

Ezɨ Jerusalemɨn gumazamizir kaba na ategha, ua izir puvatɨ. Me zurara akɨribagh igha na gasi. Me ifavarir arazimɨn gɨn mangasa bar gavgavigha, ua na bagh izan aghua.

Hosea 14:4

Ikiavɨra Itir God kamaghɨn mɨgei: “Kɨ gumazamizir na ataghizir kaba ua me iniam. Kɨ uan navir averiamɨn bar me gifuegh, uam men ataran kogham.

Hosea 11:2

Ezɨ dughiar avɨribar gɨn, nan akam inigha izir gumaziba nan gɨn mangasa Israelian gumazamizir kabar dei. Ezɨ akam inigha izir gumaziba men deima, me dughiabar zurara akɨribagh igha me gasi. Nan gumazamiziba asem Bal bagha ofabagh ami. Me mughuriar aghuim zuir ofaba marvir guaba bagha dagh ami.

Hosea 7:16

Osɨmtɨzibar dughiabar, me uarir akurvaghasa na bagh izir pu. Puvatɨ, me aser gavgaviba puvatɨziba baghavɨra zui. Me paza zuir tuavir kam, a mati barir pir kuram. Men gumazir dapaniba uari fa ghaze, me gavgavim ikia uari uan apaniba mɨdorozimɨn me abɨnigham. Ezɨ puvatɨ. Me mɨdorozimɨn aven arɨmɨghiregham, eghtɨ Isipia puvɨra men ingaravakam.”

Jeremaia 3:11

Ikiavɨra Itir God mɨgɨa ghuavɨra ikia ghua kamaghɨn mɨgei: “Israelia ko Judaba, aning na ataghɨragha ghua arazir kurabagh ami. Egha Judabar arazir kuraba bar Israelian arazir kurabagh afira.

Aghuzir Akaba 14:14

Gumazir kuraba uan arazir kurar me amiba bagha ivezir kuram ini. Ezɨ gumazir aghuiba uarira uan arazir aghuiba bagha ivezir aghuim ini.

Onger Akaba 81:11

“Nan gumazamiziba, me nan akaba baraghan aghua. Bar guizbangɨra, Israelia uari abɨnigha nan apengan itir puvatɨ.

Hosea 4:16

Israelian dapaniba bar gavgafi, mati bulmakaun amebar igiar akaba batoziba. Me ghaze, Ikiavɨra Itir God me geghuvam, mati sipsipbagh eghuvir gumazim uan sipsipɨn nguzibagh eghufi. Kɨ garima, me puv akaba batosi, eghtɨ kɨ manmaghɨn me geghuvam? Ti puvatɨgham!

Jeremaia 14:7

Ezɨ nan gumazamiziba kamaghɨn na ko mɨgɨa dɨa ghaze, “Bar guizbangɨra, e akɨrim ragha nɨ gasaragha gɨvagha, arazir kurar avɨrim gami. Ezɨ en arazir kurar kaba e isa kotiam gatɨ. Ezɨ Ikiavɨra Itir God, nɨ uan ziar ekiam gɨnɨghnɨgh, en apangkufigh.

Aisaia 26:10

Eghtɨ nɨ gumazamizibar araziba tuisɨgh gumazamizir kurabar apangkuvightɨ, me ti nɨn arazir derazibar fofozim inighan kogham. Egh me gumazamizir nɨn damazimɨn derazibar nguazimɨn ikɨva, me arazir kurar kabar amu mamaghɨra ikiam. Egh me Ikiavɨra Itir Godɨn ziar ekiam ko gavgavim gɨnɨghnɨghan koghɨva, an apengan ikian kogham.

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Jeremaia 7:25

Ian inazir afeziaba Isip ategha izezir dughiamɨn iza datɨrɨghɨn, kɨ uan akam inigha izir gumaziba, me nan ingangarir gumaziba, me ian inazir afeziaba akam me danɨngasa ivɨvɨgha me amagavɨra iti.

Jeremaia 7:26

Ezɨ ian inazir afeziaba nan akam baraghan aghua. Egha akaba batogha men faragha zuir ovavibagh afiragha arazir kurabagh ami.