Hosea 11:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Kɨ bar me gifongegha men apangkuvigha deragha me gamua men asughasugha, me inigha uabɨ da izegha, men osɨmtɨzir me ateriba adangi. Egha kɨ aviragha men akurvagha dagheba me ganɨdi.

Hosea 11:4 ပူးပေါင်းရင်းမြစ်များ

Jon Osirizir Akar Aghuim 12:32

Datɨrɨghɨn kɨ nguazimɨn iti, ezɨ gɨn me ter ighuvimɨn na guragham, eghtɨ dughiar kamɨn kɨ gumazamiziba bar me damutɨ me na bagh izam.”

Ofa Gami 26:13

Kɨ uabɨ Ikiavɨra Itir God, kɨ ian God. Ia fomɨra Isipɨn kantrin aven ingangarir gumazamizir kɨnibar ikezɨ, kɨ ian osɨmtɨzim agɨvagha ian akua azenan ize. Kɨ ia isa kalabus gatɨzir gumazibar gavgaviba abɨghizɨ, ia kalabus ategha bar akongegha ize.”

2 Korin 5:14

E deragha nɨghnɨgha fo, gumazir mam bar e bagha areme. Ezɨ tuavir kam mati, e bar moghɨrama ovegha gɨfa. Kamaghɨn Krais e gifongezir arazim, en naviba fa e abɨrima, e an ingangarim gami.

Hosea 2:8

“A kamaghɨn foghan aghua, kɨ uabɨ dagheba ko, wainɨn dɨpam ko, olivɨn borem ko, silva ko, gol ko, bizir maba sara bar a ganɨngi. Ezɨ puvatɨ, a bizir bar aghuir kaba inigha ghua asem Balɨn ziam fe.

Aisaia 63:9

Egha me mɨzaziba ko osɨmtɨziba aterir dughiamɨn, Ekiam uaghan me ko mɨzaziba ko osɨmtɨziba ateri. God uabɨ, ensel o abuir gumazimɨn mɨn otogha ua me ini. Bar fomɨra an ifongiam ko apangkuvim men ikiavɨra iti, kamaghɨn amizɨ, a dughiar bar ruarimɨn me atera bar deravɨra men gari. Bizir kam bagha, a men akurvasi.

Solomon 1:4

Nɨ na inigh ga zuamɨra arɨ mangam. Nɨ mati nan atrivim, egh nɨ na inigh mangɨ uan danganir akuimɨn mangɨ. Egh ga uaghara bar akongegham. Nɨ bar na gifonge, kamagh amizɨ ga bar akonge. Gan agoroger kam, a bar wainba apir gumazibar agorogebagh afira. Nɨ bar deragha bar igharagha gari. Kamaghɨn amizɨ, amizir igiaba bar nɨ bagha pura iri.

Onger Akaba 105:40

Me dagheba bagha an azangsɨsi, ezɨ a kuaraziba amadazɨ da izi me da ame. Egha a uan Nguibamɨn bretba isa me bagha da amadazɨ, me da apa bar izefe.

2 Samuel 7:14

Eghtɨ kɨ uabɨ ia inigh, egh ian Afeziamɨn mɨn ikɨtɨ, ia nan borimɨn mɨn ikiam. Egh an arazir kuram damightɨ kɨ mɨzazim a gasegham. Mati afeziam uan borim mɨzazim a gasi moghɨn kɨ a damuam.

Ua Me Ini 16:32

Ezɨ Moses kamaghɨn me mɨgɨa ghaze, “Ikiavɨra Itir God kamaghɨn mɨgei, ‘E mɨner tam inigh, an manabar aghuam. Eghtɨ an en gɨn otivamin ovavir boriba bagh ikiam. Me gɨn an gan suam, kar Ikiavɨra Itir God e ganɨngizir daghem. A Isipɨn kantrin e inigha azenan iza gumazamiziba puvatɨzir danganimɨn e atɨzir dughiam.’ ”

Godɨn Araziba 32:12

Ikiavɨra Itir God uabɨra, tuavim uan gumazamizibar akakasi. Ikɨzir igharazitamɨn asetam men akurazir puvatɨ.

Godɨn Araziba 32:14

Me uaghan, bulmakauba ko memebar oter eborir avɨriba isa, da api. Ezɨ men bulmakaun apuriba ko memeba ko sipsipba deragha mɨkarziba sarama aghuima, dar oviba avɨrasemezɨ, me da api. Ezɨ men witɨn aghuiba ko wainɨn ovɨzir aghuiba bar derazɨ, me da api.