Hosea 11:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Kɨ uabɨ, kɨ Efraimia geghara me afi, mati borim daruasa, afeziam a geghara anefi. Egha kɨ uaghan uan agharimningɨn men suigha me ateri. Kɨ deraghavɨra men gari, ezɨ me kamaghɨn fozir puvatɨ, kɨrara kɨ me gamizɨ, me ghuamaghe.

Hosea 11:3 ပူးပေါင်းရင်းမြစ်များ

Jeremaia 30:17

Ian apaniba kamaghɨn mɨgei: ‘Saion mati bizir kɨnim, egha bar ikufi. Ezɨ gumazitam an apangkuvir puvatɨ. Kɨ uabɨ ian mɨkarzibar amightɨ, da ua deragham, egh ian duabar amightɨ, da mɨsigham.’ Kɨ Ikiavɨra Itir God, kɨ kamaghɨn mɨkemegha gɨfa.”

Godɨn Araziba 1:31

Ia faragha gumazamiziba puvatɨzir danganimɨn itima, Ikiavɨra Itir God, ian God, a ian akuragha ia inigha ia atera izavɨra ikia nguazir ia datɨrɨghɨn itir kamɨn oto. Ezɨ an arazir kam, ia an ganigha gɨfa. A mati afeziam uan borim ghurafazɨ moghɨn, ia gami.’

Ua Me Ini 15:26

Ezɨ God me mɨgei, “Ia deragh nan akam baragh. Kɨrara Ikiavɨra Itir God, ian God, ia arazir nan damazimɨn deraziba, ia dar amu. Egh ia nan Akar Gavgaviba ko arazir kɨ ifongeziba bar dar gɨn mangɨ. Ia kamaghɨn damutɨ, kɨ pazɨ ia damuan koghɨva, arɨmariar kurar kɨ Isipɨn gumazamizibagh anɨngiziba ia danɨngan kogham. Guizbangɨra, kɨ ian Ikiavɨra Itir God. Kɨ ian arɨmariaba akɨrizɨ ia ghuamazi.”

Hosea 7:15

Guizbangɨra, kɨrara men akurazɨ, me ekevegha gavgafi. Egha me arazir kuramɨn na damuasa akam akɨri.

Aposel 13:18

Egha a 40plan azenibar gumazamiziba puvatɨzir danganim me ko ikia, men osɨmtɨziba atera men akurvasi.

Hosea 14:4

Ikiavɨra Itir God kamaghɨn mɨgei: “Kɨ gumazamizir na ataghizir kaba ua me iniam. Kɨ uan navir averiamɨn bar me gifuegh, uam men ataran kogham.

Hosea 7:1

“Kɨ Israelia damutɨ me ua deraghasa ifonge. Ezɨ puvatɨ. Kɨ Efraimian arazir kurabar garima, da azenara otifi. Kɨ Samarian nguibar ekiamɨn gumazamizibar bizir kurar me amibar gari. Me uari uarigh ifara dɨpeniba akara biziba okei. Ezɨ men okoruar kurar maba nguibar ekiamɨn tuavibar gumazamizibar biziba pura da isi.

Hosea 2:8

“A kamaghɨn foghan aghua, kɨ uabɨ dagheba ko, wainɨn dɨpam ko, olivɨn borem ko, silva ko, gol ko, bizir maba sara bar a ganɨngi. Ezɨ puvatɨ, a bizir bar aghuir kaba inigha ghua asem Balɨn ziam fe.

Aisaia 63:9

Egha me mɨzaziba ko osɨmtɨziba aterir dughiamɨn, Ekiam uaghan me ko mɨzaziba ko osɨmtɨziba ateri. God uabɨ, ensel o abuir gumazimɨn mɨn otogha ua me ini. Bar fomɨra an ifongiam ko apangkuvim men ikiavɨra iti, kamaghɨn amizɨ, a dughiar bar ruarimɨn me atera bar deravɨra men gari. Bizir kam bagha, a men akurvasi.

Aisaia 46:3

“Ia Israelɨn ikiavɨra itir varazira ia oragh, ia Jekopɨn anabamɨn adarasi, ian amebaba ia batezir dughiamɨn, ian gumazamizir ikɨzir igiamɨn otivizir dughiamɨn ikegha iza datɨrɨghɨn, kɨ ia inigha ia atera, bar deravɨra ian gari.

Aisaia 30:26

Eghtɨ dughiar kamɨn, iakɨnimɨn angazangarim aruemɨn angazangarimɨn mɨn siragham. Eghtɨ aruem isiragh gavgavightɨ an angazangarim bar ekevegh, a fomɨra garir angazangarim gafiragham. Mati nɨ 7plan aruebar aruer angazangariba inigha aruer vamɨra gisafura. Ikiavɨra Itir God uamategh uan gumazamiziba deravɨra me damu men mɨzaziba ko osɨmtɨziba adeghtɨ me ghuamagheghamin dughiamɨn, bizir kaba otivam.

Ua Me Ini 23:25

Egh ia nan ziamra fɨ, kɨrara Ikiavɨra Itir God, ian God. Ia kamaghɨn damutɨ, kɨ bar deraghvɨra ia damuva, dagheba ko dɨpaba ia danɨngɨva, ia dam arɨmariaba batuegham.

Jeremaia 8:22

Kɨ orasi, Gileatɨn nguazim ti marasinɨn aghuiba uam an iti. Egha me ti uaghan doktan maba iti. Ezɨ manmagh amizɨ, nan gumazamiziba ghuamaghezir puvatɨ?

Aisaia 1:2

Ikiavɨra Itir God kamaghɨn mɨgei: “O overiam, nɨ kuarim atɨgh, eghtɨ nguazim, nɨ uaghan oragh. Borir kɨ garima ekeveziba, me datɨrɨghɨn nan akaba batosi.

Godɨn Araziba 8:2

Ikiavɨra Itir God, en God, a 40plan azenibar ian faragha ghua ia inigha gumazamiziba puvatɨzir danganim garui. Ia bizir kam gɨnɨghnɨghvɨra ikɨ. A dughiar kamɨn ian navir averiabagh fofoghasa, ia an Akar Gavgavibagh nɨghnɨghavɨra iti, o puvatɨ. Ia uari fer arazim agɨvagh, an apengan ikiasa, an osɨmtɨzir maba ia ganɨngi.

Ua Me Ini 19:4

Kɨ Isipɨn amizir biziba, ia uari dar ganigha gɨfa. Egha ia nan gari kɨ ia ini, mati kuarazir bagam uan nguzim uan avɨzimɨn a isi moghɨn, kɨ ua bagha ia inigha iza danganir kamɨn izezɨ, ia datɨrɨghɨn na ko iti.

Onger Akaba 107:20

A uabɨ mɨgeima, an akar kam men mɨkarzibagh amizɨ da ua dera. Ezɨ a matmatiamɨn ua me ini.

Godɨn Araziba 33:27

Godɨn Zurara Itim, an en mogomer danganim. A zurara uan dafarimningɨn ian suigha ia ataghɨrazir puvatɨ. Ia mangɨ Kenanɨn nguazim iniamin dughiam a ian faragh mangɨ, ian apaniba batuegh ia mɨkemeghtɨ, ia mangɨ me mɨsoghɨrarigham.