Hosea 11:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ikiavɨra Itir God ua kamaghɨn mɨgei: “Efraimian gumazamiziba bar dughiar avɨribar na gifari. Kɨ Godɨn Bar Zuezim, kɨ zurara uan akar dɨkɨrɨzimɨn gɨn zui. Ezɨ Judaba nan apengan ikia gavgafi.”

Hosea 11:12 ပူးပေါင်းရင်းမြစ်များ

Akar Mogomem 3:21

“Gumazamizir mɨdorozim gamua apaniba abɨriba, kɨ men amamangatɨghtɨ me na ko nan atrivir dabirabim dapiam, mati kɨ fomɨra uaghan mɨdorozim gamigha uan apanim abɨragha, uan afeziam ko an atrivir dabirabim gapera.

Hosea 12:7

Ikiavɨra Itir God kamaghɨn mɨgei: “Efraimia, Kenanian gumazir dagɨaba bagha ingaribar mɨn dagɨar ingangaribagh amua, egha arazir aghuim sara dagh amir puvatɨ. Me gumazir iza men bizibagh ivezibagh ifarasa bar ifonge. Me amadir biziba, me guizɨn ivezibar mɨrara da amadir puvatɨ.

Aisaia 44:20

Men nɨghnɨziba bar ikuvizɨ, me bar arazir kuram gami. Egha mati gumazim averenim ame. Gumazamizir kaba deragh ikiamin tuavitam itir puvatɨ. Egha me kamaghɨn fozir puvatɨ, bizir me suizir kaba, da pura temer kɨniba, da guizɨn godba puvatɨ.”

Akar Mogomem 1:6

An e gamizɨma, e atrivimɨn ofa gamir gumazamizibar otozɨma, God e gativazɨ e Godɨn ingangarim gami, God Iesusɨn afeziam. Zurazurara Krais ziar ekiam ikɨva egh biziba bar dar ganamin gavgavim ikɨ. Bar guizbangɨra.

1 Korin 6:2

Ia ti kamaghɨn fozir puvatɨ? E Godɨn gumazamiziba, e nguazimɨn itir biziba bar, da tuisɨgham. Egh ia guizbangɨra gɨn nguazir kamɨn biziba tuisɨghamin fofozim ikiam, egha datɨrɨghɨn manmaghsua osɨmtɨzir muziarir kaba uarir tongɨn ia da tuisɨghamin fofoziba puvatɨ?

Maika 6:12

Ezɨ nguibar ekiamɨn itir gumazir dagɨar avɨriba itiba, me onganarazibagh amir gumazamizibagh ifara men biziba pura dagh ekua, egha paza me gami. Nguibar ekiar kamɨn gumazamiziba, me bar ifavarir gumazamizibara.

Aisaia 29:13

Ezɨ Ekiam kamaghɨn mɨgɨa ghaze: “Gumazamizir kaba uan akatoribara nan ziam fe, ezɨ men naviba ko nɨghnɨziba bar nan saghon iti. Me guizbangɨra nan ziam fer puvatɨ. Me gumaziba pura uari amizir otivizir arazibar gɨntɨsi. Me arazir kabar men sure gamizɨ, me pura uan akatoribara dar bori, ezɨ da men navir averiabar aven zuir puvatɨ.

Onger Akaba 78:36

Mɨgɨrɨgɨar me amir kaba, da bar guizbangɨra puvatɨ, me a gifarava a mɨgei.

Jenesis 32:28

Ezɨ gumazir kam ghaze, “Datɨrɨghɨn nɨn ziam ua Jekop puvatɨ. Nɨ God ko gumaziba, me mɨsogha me abɨni. Kamaghɨn nɨn ziar igiam Israel.”

Hosea 12:1

Bizir Efraimia arueba ko dɨmagaribar amiba, da bar moghɨra ikuvigha meraram asɨghasɨsi. Ifavarir arazim ko mɨdorozir arazim men tongɨn bar ekefe. Me kantri Asiria ko ingarasa akam akɨri. Egha me olivɨn borebar dagɨar ingangarim gamua da isa Isipɨn da amadi, ezɨ Isipia dagh ivesi.

Hosea 7:16

Osɨmtɨzibar dughiabar, me uarir akurvaghasa na bagh izir pu. Puvatɨ, me aser gavgaviba puvatɨziba baghavɨra zui. Me paza zuir tuavir kam, a mati barir pir kuram. Men gumazir dapaniba uari fa ghaze, me gavgavim ikia uari uan apaniba mɨdorozimɨn me abɨnigham. Ezɨ puvatɨ. Me mɨdorozimɨn aven arɨmɨghiregham, eghtɨ Isipia puvɨra men ingaravakam.”

Hosea 4:15

“Ia Israelian gumazamiziba mati amizim tintinimɨn gumaziba koma akui, egha ia na ategha gɨfa. Ia deraghvɨra ganigh, ia Judan gumazamizibar amamangatɨghtɨ, me ian mɨn arazir kamra damigh uaghan osɨmtɨzim ikiam. Ia Gilgal ko, Betelɨn mangɨ ofabar amuan markɨ. Ia aningɨn mangɨtɨ, aning uaghan nguibar kuramningɨn mɨn otogham. Egh ia nguibar kamningɨn ikɨ, kɨ Ikiavɨra Itir Godɨn Zurara Itimɨn akakagh nan ziamɨn akar dɨkɨrɨzibar amuan markɨ.

Hosea 4:2

Me akar kurabar gumazamizibav gei. Me uarigh ifarava, gumazamizibav sozi me ariaghiri, egha igharazibar biziba okɨava, egha poroghamiba uari bakeir arazim gami. Me arazir kurar avɨrim saram ami, egha gumazamizibav suagharɨgha ghuavɨra iti. Ezɨ arazir kam bar ekevegha ghuavɨra iti.

Jenesis 2:11

Ezɨ faner faragha zuimɨn ziam Pison, a kantri Havilan aven dɨpɨragharui. Kantri Havila golɨn bar aghuim iti. Egha temer borer mughuriar aghuim zuir mam iti. Egha a dagɨar aghuir mam itima, an ivezim bar pɨn iti. Me kamagh a dɨbori, kanilian.

Hosea 7:3

Egha Ikiavɨra Itir God kamaghɨn mɨgei: “Gumazamizir maba tintinimɨn arazir kurabar amuasa akam akɨri, egha atrivim ko an gumazir dapaniba apezepera me gifari.

Hosea 10:13

Ezɨ ia kamaghɨn amir pu. Puvatɨ, ia mati gumazim azenimɨn ingari, ezɨ ian azenibar, ia arazir kuram ko ifavarir arazim opari. Kamaghɨn amizɨ, ian azeniba, dagher kuraba dar aghui, ezɨ ia da api. “Ia ti ghaze, ian mɨdorozir gumazir avɨrim ian akuragham. Ia ghaze, ia deravɨra ikiamin tuavim gɨfogha gɨfa. Ezɨ puvatɨ.