Hosea 11:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Egha Ikiavɨra Itir God ua kamaghɨn mɨgei: “Israel borir aghɨrimɨn mɨn itima, kɨ bar a gifonge. Ezɨ nan borir kam Isipɨn kantrin itima, kɨ an diazɨma an azenan ize.

Hosea 11:1 ပူးပေါင်းရင်းမြစ်များ

Matyu 2:15

Egha Josep Isipɨn ikia ghua, dughiar Herot ovengezim. Arazir kabanagh otiva Ekiamɨn akam inigha izir gumazir mamɨn akatorimɨn mɨkemezir mɨgɨrɨgɨabar mɨn otifi. A kamaghɨn mɨkeme, “Nan Otarim Isipɨn kantrin itima, kɨ an diazɨma an azenan ize.”

Ua Me Ini 4:22

Eghtɨ nɨ kamaghɨn atrivim mɨkɨm suam, ‘Ikiavɨra Itir God kamaghɨn nɨ mɨgei, “Israel nan otarir ivariam.

Hosea 13:4

Ikiavɨra Itir God ua kamaghɨn mɨgei: “Kɨ Ikiavɨra Itir God, ian God, kɨ Isipɨn ia inigha ian akua azenan ize. Kɨ uabɨra, kɨ ian God. Ua godɨn igharaziba puvatɨ. Kɨrara kɨ ian Akurvazir Gumazimra!

Hosea 2:15

Egh kɨ wainɨn azeniba isɨ ua a danɨngam. Egh danganir zarir kam me kamaghɨn a dɨbori, ‘Osɨmtɨzibar Danganir Zarim,’ kɨ a giragham, eghtɨ a bizir aghuir gɨn izamiba bagh mɨzuamamin danganimɨn otogham. Eghtɨ nan amuim danganir kamɨn aven ikɨ nan akamɨn gɨn mangam, mati a fomɨra igiamra itir dughiamɨn, Isip ategha izava amizɨ mokɨn.”

Jeremaia 2:2

“Nɨ Jerusalemia bagh mangɨ nan akamɨn gun kamagh me mɨkɨm: Ikiavɨra Itir God ghaze, ia bar faraghavɨra nan gumazamizibar otivizir dughiamɨn, ia mati amizim igiamra pamɨn ikia uan pam gifongezɨ moghɨn, ia uari isa na ganigha na gifueghavɨra iti. Egha ia na baghavɨra ikia gumazamiziba puvatɨzir danganimɨn nan gɨn zui, kar nguazir gumazitam dagheba oparizir puvatɨzim.

Malakai 1:2

Ikiavɨra Itir God kamaghɨn mɨgei, “Kɨ bar fomɨra ia gifueghavɨra iti.” Ezɨ ia ghaze, “Nɨ manmaghɨram e gifonge?” Ezɨ Ikiavɨra Itir God ghaze, “Ia oragh, fomɨra Jekop ko Iso, aning aveghbuamning, ezɨ kɨ Jekop gifuegha, Ison aghua.

Hosea 12:13

Israelia Isipɨn itir dughiamɨn, Ikiavɨra Itir God uan akam inigha izir gumazir mam amada, ezɨ a me inigha Isip ataki. Egha akam inigha izir gumazir kam deravɨra me geghufi.

Esekiel 16:6

“Ezɨ kɨ arua iza nɨn garima, nɨ uan ghuzim gɨpoghposi. Ghuzim nɨ avara, ezɨ kɨ nɨ ateghtɨ nɨ aremeghan aghua. Egha kɨ ghaze, ‘Nɨ angamɨra ikiam.

Godɨn Araziba 7:7

“Ia Kantrin Igharazibar Gumazamizibar mɨn avɨrasemeghtɨ, a ia gifuegh ua bagh ia amɨsɨvam. Puvatɨ, ian dɨbobonim a bar sufi.

Hosea 12:9

Ezɨ kɨ Ikiavɨra Itir God, kɨ ian ifavarim gɨfogha gɨfa. Kɨ fomɨra kantri Isipɨn ia inigha ian akua azenan ize. Egh kɨ ia damutɨ, ia uan dɨpenir aghuiba ategh ua purirpenibar dakuam, mati kɨ ia ko gumazamiziba puvatɨzir danganimɨn itima, ia amizɨ mokɨn.

Ua Me Ini 4:23

Ezɨ kɨ nɨ mɨgei, Nɨ nan otarim ateghtɨ a mangɨva nan ofa damuam. Egh nɨ an anogoreghtɨ, a mangɨghan koghtɨ, kamaghɨn, kɨ nɨn otarir ivariam mɨsueghtɨ an aremegham.” ’ ”

Onger Akaba 129:1

Israel, nɨ uan igiamɨn ikegha iza, datɨrɨghɨn nɨn apaniba nɨ gamizir arazir kuraba, nɨ dagh eghan.

Jeremaia 12:7

Ikiavɨra Itir God ghaze, “Israelian gumazamizir kɨ ua baghavɨra mɨseveziba, kɨ akɨrim ragha me gasaragha gɨfa. Gumazamizir kɨ bar gifongezir kaba, kɨ datɨrɨghɨn apanibar amamangatɨghtɨ, me me dɨkabɨragham.

Hosea 10:15

Ia Betelia, ia arazir kurar avɨrim gami, kamaghɨn amizɨ, bizir kurar kamaghɨra garitam ia bativam. Aruem anangtɨ, me Israelian atrivim mɨsueghtɨ, an aremegham.”

Ua Me Ini 19:4

Kɨ Isipɨn amizir biziba, ia uari dar ganigha gɨfa. Egha ia nan gari kɨ ia ini, mati kuarazir bagam uan nguzim uan avɨzimɨn a isi moghɨn, kɨ ua bagha ia inigha iza danganir kamɨn izezɨ, ia datɨrɨghɨn na ko iti.

Godɨn Araziba 33:3

Israelia, me Godɨn gumazamizibara, ezɨ a bar me gifongegha, deraghavɨra me geghuva men gari. Ezɨ kamaghɨn, e a bagh uan teviba apɨrigh, dapaniba avigh an apengan ikɨ, egh an akabar gɨn mangam.

Aisaia 43:4

Kɨ ia isa uabɨn dɨghorim gamigha, bar moghɨra ia gifongegha, ziar ekiam ia danɨngasa. Kamaghɨn amizɨ, kɨ gumazamizir igharazitaba inigh ian danganimɨn inisɨ apaniba bagh me amadagham. Guizbangɨra, kantrin igharaziba ian danganim iniam.

Esekiel 16:22

Nɨ uan arazir kurar kɨ bar aghuaziba ko, nɨn arazir nɨ tuavimɨn amizimɨn mɨn amibar gɨn ghua, tong uan aghɨrimra ikezir dughiam gɨnɨghnɨzir puvatɨ. Dughiar kamɨn nɨ bibiamra ikiava uan ghuzim gɨpoghposi.”