Hosea 10:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Eghtɨ Asiriaba golɨn bulmakaun nedazir kam inigh mangɨ, mati me takis gavman ganɨdi moghɨn, me uan atrivir ekiam danɨngam. Israelia fofozir gumazibar akabar gɨn zui, ezɨ fofozir gumazibar akaba dagheba puvatɨ. Kamaghɨn amizɨ, apaniba Israelia abɨraghtɨ, me bar aghumsigham.

Hosea 10:6 ပူးပေါင်းရင်းမြစ်များ

Hosea 5:13

“Efraimia uarir gara fo, me puv arei. Ezɨ Judaba uari uan duar ekiabar gari. Egha me dɨkavigha kantri Asirian ghua uarir akurvaghasa atrivir ekiam gakaghora an azangsɨsi. Ezɨ Asirian atrivim men arɨmariabagh amima, me ghuamazir puvatɨ. A men duabagh amima, da ua aguir puvatɨ.

Aisaia 30:3

Eghtɨ men nɨghnɨzim deragh ingaran koghtɨ me bar aghumsigham. Osɨmtɨzir me bativamin kam, Isipɨn atrivim men akuragh me apazaghan kogham.

Daniel 11:8

Egh a men asebar marvir guaba, ko men aseba baghavɨra itir bizir aghuir me silva ko golɨn ingariziba, ko bizir aghuir igharaziba sara, inigh Isipɨn mangam. Eghtɨ bizir kabar gɨn azenir tabar mɨdoroziba puvatɨgham.

Jeremaia 7:24

Ezɨ ian inazir afeziaba nan akam baraghan aghua. Men naviba arazir kurabar amuasavɨra nɨghnɨgha, uan ifongiabar gɨn ghua akɨrim ragha na gasaragha, uamategha bar saghon ghuavɨra iti.

Maika 6:16

Atrivim Omri ko an otarim, Atrivim Ahap, ia aningɨn arazir kurabar gɨn ghuezir gumazamiziba, aning faragha amizir araziba, ia datɨrɨghɨn aningɨn gɨn ghua dagh ami, kamaghɨn amizɨ, kɨ ia gasɨghasightɨ, Kantrin Igharazibar Gumazamiziba, akɨrim ragh ia gasɨ dɨbovir akabar ia mɨkɨmam. Eghtɨ ia nan gumazamizir nguibar ekiar kamɨn itiba bar moghɨram aghumsigham.”

Hosea 8:6

Israelian ingangarir gumazir mam marvir guar kamɨn ingari. Bizir kam, a God puvatɨ, a pura nedazir kɨnim. Bar guizbangɨra, kɨ bulmakaun kam abɨghɨrarightɨ, a pura mɨnezir kɨnimɨn otogham.

Hosea 4:19

Ia oragh! Kɨ amɨnir gavgavim bizibagh ivai da zui moghɨn, kɨ me inigh mangɨtɨ me ikuvigham. Eghtɨ me ofan asebagh amizibagh nɨghnɨgh, bar aghumsigham.”

Hosea 4:7

“Ia ofa gamir gumaziba bar avɨraseme, egha kamaghɨn ia arazir kurar avɨrim gami. Ia datɨrɨghɨn ziar ekiaba iti. Eghtɨ kɨ ia abɨraghtɨ, ia bar aghumsigham.

Esekiel 36:31

Egh ia uan arazir kurar ia amiziba ko arazir mɨzɨrɨzir kɨ aghuazibagh nɨghnɨgham. Egh arazir kurar kaba bangɨn, ia uari dar aghuaghɨva bar aghumsɨgham.

Jeremaia 48:13

Eghtɨ dughiar kamɨn Israelia asem Betel bangɨn aghumsɨghizɨ moghɨn, Moapia asem Kemos bangɨn bar aghumsigham. Me ghaze, aser kam, a men akuragham.

Aisaia 45:16

Asebar marvir guabar ingarir gumaziba bar guizbangɨra okam nɨghnɨgh bar aghumsigham.

Aisaia 1:29

Ia faragha temer okɨn ekiabar tongɨn, asebar ziaba fava temer kaba bagha bar akonge, egh gɨn ia amizir arazir kurar kaba bagh aghumsɨgham. Ia faragha aseba fasa azenibar ingarigha, dar anogoregha ghaze, da asebar ziaba famin danganiba aghegha pura iti. Egh gɨn ia navibagh iragh, egh arazir ia faragha amizibagh nɨghnɨgh bar aghumsigham.

Jopɨn Akɨnafarim 18:7

Gumazamizir kaba deravɨra itir dughiamɨn me pamten arui, ezɨ osɨmtɨzim me batozɨ, me dapaniba avigha nɨmɨram arui. Me paza igharaz darazir amuasa nɨghnɨzir avɨriba iti, ezɨ men nɨghnɨziba ghua meraram asɨghasɨsi.

2 Atriviba 17:3

An atrivimɨn itir dughiamɨn, Asirian Atrivim Salmaneser iza Israelia ko mɨsosi. Egha Asirian mɨdorozir gumaziba Israelia abɨra, ezɨ Hosia Salmaneserɨn akar dɨkɨrɨzimɨn a gamua ghaze, an an apengan ikɨva, egh zurara azenibar a takisɨn mɨn dagɨaba a danɨngam.

Esekiel 16:28

“Gumazir igharazir kaba iza nɨ ko akua nɨn ifongiam agɨvazir puvatɨ. Kamaghɨn amizɨ, nɨ Asirian gumazibar gɨn ghua mati tuavimɨn amizim tintinimɨn gumaziba bagha ruiagha arui. Me nɨ koma akuima, nɨ arazir kam bagha bar ikuvighavɨra iti.