Hosea 10:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Kɨ kamaghɨn Israelia ko Judabav gei, ‘Ia arazir kurar kam ategh, arazir aghuibar amu, egh guizbangɨra nan ziam fɨ, mati gumazim azenir igiamɨn nguazim abigha dagheba oparima, da deravɨram aghua dagher avɨriba bati. Datɨrɨghɨn ia ua Ikiavɨra Itir God bagh izɨ. Ia ua na bagh izɨtɨ, kɨ bar deravɨra ia damuam.’

Hosea 10:12 ပူးပေါင်းရင်းမြစ်များ

Jems 3:18

Ezɨ kamaghɨn e navir vamɨra iti, kar mati e dagher anabam akara. Ezɨ navir vamɨran arazimɨn tuavimɨn, arazir aghuiba en dabirabimɨn otifi, mati dagher aghuiba azenimɨn aghui.

Aisaia 45:8

“O overiam ko ghuariaba, ia nan akurvazim ko dughiar aghuim, gumazamizibagh ingɨ, mati amozim nguazim giri. O nguazim, nɨ mati, nɨ uan akam akarigh, nan akurvazim inightɨ an aghungɨva arazir aghuim damightɨ, a gumazamizibar navibar aven ikɨ gavgavigham. Kɨ, Ikiavɨra Itir God, kɨ uabɨ uan gumazamizibar akurvaghasa bizir kabar ingarizɨ da otifi.”

Aghuzir Akaba 11:18

Gumazir kuraba inizir biziba, me ghaze da men akuragham, da bar men akuraghan kogham. Da mati pura bizir kɨniba. Ezɨ gumazir arazir aghuibagh amiba, me guizɨn ivezir bar aghuim iniam.

Aisaia 55:6

“Ikiavɨra Itir God bar ian boroghɨra ikia ia mɨzua iti. Kamaghɨn, ia datɨrɨghɨn a buri izɨ an dɨmɨva, a baghvɨra ikɨ.

Hosea 6:3

E Ikiavɨra Itir God gɨfoghsɨ, bar puvɨra ingaram. E fo, mɨzarazibar, aruem zuraram anadi. E fo, aruem garir dughiaba gɨvaghtɨ, amozir dughiabar, amoziba nguazim giri. Kamaghɨra, e fo, Ikiavɨra Itir God izɨva deravɨra e damuam.”

Aisaia 44:3

Kɨ mati gumazim dɨpam isɨ nguazir dɨpaba puvatɨzibagh ingɨva, egh dɨpam damightɨ, a nguazir mɨdiaribar ivemaram. Kamaghɨra, kɨ uan Duam isɨ ian boribagh ingɨva, ian ovavir boriba deragh me damuam.

Fofozir Gumazim 11:6

Nɨ daghetaba mɨzarazimɨn da oparɨva, taba guaratɨzimɨn da opar, nɨ kamaghɨn fozir puvatɨ, dagher nɨ mɨzarazimɨn opariziba o nɨ guaratɨzimɨn opariziba deravɨram otivigham, o da uaghara deravɨram otivam.

Onger Akaba 105:4

E zurara Ikiavɨra Itir Godɨn boroghɨra mangɨ uarir akurvaghsɨ an gavgavim bagh an azangsɨgham.

Luk Osirizir Akar Aghuim 13:24

Ezɨ a kamaghɨn me mɨgei, “Kɨ ia mɨgei, gumazamizir avɨriba tiar akar asuvazimɨn aven mangɨva avegham. Kamaghɨn amizɨma ia gavgavigh tiar akar asuvɨrɨzir kamɨn dɨrighɨva aven mangɨ.

Amos 5:15

Ia arazir kuraba ategh, arazir aghuibara ifongegh dar gɨn mangɨ. Ia kotiamɨn tugh guizbangɨra mɨkɨm. Ia kamaghɨn damutɨ, Ikiavɨra Itir God, a Godɨn Gavgaviba Bar Itim, ia Josepɨn ovavir borir ikiavɨra itir varazira, a ti ian apangkuvam.

Amos 5:6

“Ia uamategh izɨ Ikiavɨra Itir God baghvɨra ikɨ, egh dabirabir aghuim iniam. Puvatɨghtɨma, a ian atarɨva avir mɨzariamɨn mɨn isi izighirɨ, ia Josepɨn ovavir boriba bar ian isigham. Avir kamra Betelɨn nguibam bar an isigham. Eghtɨ avir mɨzariar isir kam amungamin gumaziba puvatɨgham.”

Aisaia 31:1

Ia abuir gumaziba, ia kantri Isipɨn ghuava uarir akurvaghasa, men azangsɨsi, iavzika! Ia bar ikuvigham. Ia Isipian hoziaba ko men karisɨn avɨriba ko karisɨn suizir gumazir bar gavgaviba, ia nɨghnɨzir gavgavim dar iti. Ia ti ghaze, Isipia ian akuragham. Egha ia Israelian Godɨn Bar Zuezim, nɨghnɨzir gavgavim an itir puvatɨ. Egha ia uarir akurvaghasa Ikiavɨra Itir Godɨn azangsɨzir puvatɨ. Kamaghɨn amizɨ, ia bar ikuvigham. Iavzika!

Amos 5:4

Egha Ikiavɨra Itir God, kamaghɨn Israelia mɨgei: “Ia ua izɨ na baghvɨra ikɨ, egh dabirabir aghuim iniam.

Hosea 12:6

Kamaghɨn amizɨ, ia nɨghnɨzir gavgavim uan Godɨn ikɨva uam a bagh izɨ. Egh ia apangkuvir arazim ko guizɨn arazimɨn gɨn mangɨ. Egh a ian akurvaghsɨ ia a mɨzuam.

Amos 5:8

God mɨkovezir kamning Guezam ko, Iavibamɨn ingarigha, egha uaghan mɨkovezir pɨn ikia angazangarim anɨdiba sara ingari. A mɨtarmer bar pɨzim gɨrazɨ, angazangarim oto. Egha angazangarim gɨrazɨ mɨtatem oto. Egha ongarimɨn deima, a izima, an a isa nguazim ginge. A gumazir gavgaviba ko men dɨpenir gavgaviba sarama asɨghasɨsi. God bar bizir kabagh ami, ezɨ an ziam, Ikiavɨra Itir God.

Hosea 8:7

Men arazir kuram, mati pura amɨnir muziarim, eghtɨ arazir kurar kamra, gumazamizibagh asɨghasɨgham, mati amɨnir ekiam iza gumazamizibagh asɨghasɨsi. Egha mati witɨn azenir dagheba mɨsevir puvatɨzim, ezɨ bretbar ingaramin witba puvatɨ. Eghtɨ witɨn kurar kam dagher bar muziariba mɨseveghtɨ, kantrin igharazimɨn gumazamizibara izɨ dar amam.

Aposel 2:18

Dughiar kabar kɨ uaghan uan Duam isɨ, uan ingangarir gumaziba ko ingangarir amizibagh ingegham, eghtɨ me Godɨn akam inigha izir gumazamizibar akabav kɨmam.

Esekiel 34:26

“Kɨ deravɨra uan gumazamiziba ko nguazir nan mɨghsɨam avɨnizibar amuam. Egh amozir dughiamɨn, kɨ amozir avɨribar amutɨ da nguazim girɨ a damightɨ a bar deragham.

Aisaia 30:23

Eghtɨ Ekiam ia oparizɨ dagher ovɨziba bagh amozim amadaghtɨ, a izighirɨ da ruam, eghtɨ da deravɨra nguazir kamɨn otivam. Eghtɨ ia dagher avɨriba ikiam. Eghtɨ ian bulmakauba uaghan damamin grazir avɨriba ikiam.

Jeremaia 50:4

Ikiavɨra Itir God kamaghɨn mɨkeme: “Bizir kaba otivamin dughiamɨn, Israelian gumazamiziba ko Judaba uari akuvagh ua uan nguazimɨn izam. Me izɨva navibagh iragh aziva, uamategh na baghvɨra izam. Kɨ Ikiavɨra Itir God, men God.

Aisaia 5:6

Kɨ nguazim damightɨ ruarim a batoghtɨ dɨkoniba itir ikarɨziba azenir kamɨn avegham. Kɨ wainɨn azenimɨn ogher kuraba asian kogh, egh ikarɨzibar aghariba aghoran kogham. Kɨ uaghan ghuariabav kemeghtɨ, da amozimɨn tɨvaghtɨ a wainɨn azenir kam gizan kogham.”

Aghuzir Akaba 18:21

Nɨn mɨgɨrɨgɨaba, da gavgaviba iti. Da gumazim damutɨ a deraghvɨra angamɨra ikiam, o da uaghan gumazim damutɨ a ikuvigham. Kamaghɨn amizɨ, nɨ mɨgɨrɨgɨar aghuibav kɨmamin arazim gifongegh, nɨ deraghvɨra ikiam.

Onger Akaba 72:6

Nɨ atrivim damightɨ a gumazir aghuimɨn mɨn ikɨtɨ, an arazir aghuiba, amozim azenibagh izi, dagheba dar aghui moghɨn ikiam.

2 Korin 9:10

God dagher ovɨziba gumazamizibagh anɨdima me uan azenibar da opari. Egha dagher guar bar avɨriba isa gumazamiziba bar me ganɨdima, me da api. Kamaghɨra God biziba uaghan ia danɨngtɨ, ia bar izɨvagham. Kamaghɨra ia Godɨn gumazamizir igharaziba men akurvagham. Eghtɨ ian arazir aghuiba otiv mangɨvɨra ikɨ, mati gumazim dagher ovɨziba oparizɨ dar dagheba otiva ghuavɨra iti.

Aisaia 48:18

Ia ti nan Akar Gavgaviba baraghizɨ, kɨ ian akurazɨ ia datɨrɨghɨn deravɨra ikiai, ezɨ ia dabirabir aghuimɨn ikiai, mati fanemɨn dɨpaba zurara izɨva gevir puvatɨ. Egh arazir aghuim ti ian ikia gavgavigha mamaghɨra ikiai, mati ongarim, ongarir dadarimɨn dɨpɨraghira kamaghɨra iti.

Hosea 14:1

O Israelia, ian arazir kuraba ia gamizɨ, ia asaghpora ire. Kamaghɨn amizɨ, ia uamategh Ikiavɨra Itir God, ian God bagh izɨ.

Aisaia 54:14

Kɨ uan arazir aghuimɨn gɨn mangɨ nɨ damightɨ, nɨ gavgavigham. Eghtɨ gumazir nɨ dɨkabɨraghamin tam ua nɨn boroghɨn ikian kogham. Eghtɨ nɨ bizitam uam an atiatingan kogham. Atiatir arazim nɨn saghon ikiam.