Hosea 1:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Egh dughiar kamɨn, kɨ Israelian mɨdorozir gumazibar gavgavim Jesrilɨn danganir zarimɨn a gasɨghasigham.”

Hosea 1:5 ပူးပေါင်းရင်းမြစ်များ

Gumazir Dapaniba 6:33

Dughiar kamɨn, Midianɨn adarazi ko Amalekia, ko aruem anadi naghɨn itir gumazamiziba, me uari akuvagha iti. Egha me Jordanɨn Fanem abigha vongɨn ghua, Jesrilɨn danganir zarimɨn averpenibar ingarigha dar iti.

Josua 17:16

Ezɨ Josepɨn ovavir boriba kamaghɨn a mɨgei, “Mɨghsɨar nguazir kam en sufi. Kenania, me danganir zarimɨn nguazir voroghɨra ireghav itiba, me bar moghɨra mɨdorozir karisɨn ainɨn gavgaviba itiba iti. Betsanɨn nguibar ekiam ko an okarigha itir nguibaba ko, Jesrilɨn nguibamɨn boroghɨn danganir zarimɨn itir adarasi, me bar ainɨn mɨdorozir karisba iti.”

Hosea 2:18

“Dughiar kamɨn, kɨ asɨzir atiaba ko, kuruziba ko, kuaraziba koma akar dɨkɨrɨzir gavgavim damigham. Eghtɨ da nan gumazamizibagh asɨghasɨghan kogham. Egh mɨdorozim gamir biziba, mati barir piba ko, afuziba, kɨ bar ada apɨrarigham. Eghtɨ nan gumazamiziba navir amɨrizimɨn ikɨ nguazir kamɨn ikiam, egh uam atiatingan kogham.

Jeremaia 51:56

Gumazir bizibagh asɨghasɨziba, me izɨ Babilon mɨsogh me dɨkabɨragham. Egh me Babilonɨn mɨdorozir gumaziba kalabus darɨgh, men piba apɨrarigham. Ikiavɨra Itir God, a Godɨn guizbangɨn iveziba ikarvazim. Egh guizbangɨra a Babilonian arazir kuraba bagh ivezim me danɨngam.

Onger Akaba 46:9

A nguazimɨn oteviba bar dar mɨdoroziba agefi. Egha barir piba ko afuzibar suigha da apɨragharigha, oraba aviba dagh arɨzi da isi.

Onger Akaba 37:15

Puvatɨgham. Men mɨdorozir sababa raghɨregh merara mɨsueghtɨ me arɨmɨghiregham. Eghtɨ men piba, bar moghɨra dɨpɨrighiregham.

2 Atriviba 15:29

Peka Israelian atrivimɨn itir dughiamɨn, Asirian Atrivim, Tiklat Pileser iza, Israelia mɨsogha, Ijonɨn nguibar ekiam, ko Abel Betmakan nguibar ekiam, Janoan nguibar ekiam, Kedesɨn nguibar ekiam, Hasorɨn nguibar ekiam, Gileatɨn Distrik, Galilin Distrik, ko Naptalin anabamɨn nguaziba bar ada ini. Egha a danganir kabar gumazamiziba inigha, Asirian kantrin ghua me isa kalabuziabar mɨn ingangarir gumazamizir kɨnibar me arɨki.

Esekiel 39:3

Eghtɨ kɨ nɨn agharir kɨriamɨn suirazir barir pim ko, nɨn agharir guvimɨn itir baribav sueghtɨ da iregham.