Hosea 1:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Israelia ua bar avɨrasemegham, mati ongarir dadarimɨn gigim, eghtɨ me me mengan iburagham. Datɨrɨghɨn God kamaghɨn me mɨgei, “Ia nan gumazamiziba puvatɨ.” Egh gɨn dughiatam izɨtɨ, a kamaghɨn me mɨkɨm suam, “Ia Godɨn Zurazurara Angamɨra Itimɨn boriba.”

Hosea 1:10 ပူးပေါင်းရင်းမြစ်များ

Jon Osirizir Akar Aghuim 1:12

Ezɨ gumazamizir maba a ini, egha nɨghnɨzir gavgavim an ziamɨn iti. Kamaghɨn amizɨ, a me gamizɨma me Godɨn boribar mɨn otifi.

Aisaia 43:6

Kɨ not ko sautɨn itir gumazamizibav kemeghtɨ, me ia ateghtɨ, ia uamategh izam. Kɨ kantrin bar saghuiamɨn itiba, me mɨkɨmtɨ, me nan otariba amadaghtɨ, me uamategh uan nguibamɨn izam. Kɨ gumazamizir nguazir kamɨn oteviba bar dar itiba, me mɨkɨmtɨ, me nan guiviba amadaghtɨ, me uamategh uan nguibamɨn izam.

Hosea 2:23

Egh kɨ uan gumazamiziba nguazir kamɨn me arightɨ, me aghung azenir aghuir kɨ ingarizimɨn mɨn ikiam. Kɨ faragha kamaghɨn uan gumazamizibav gɨa ghaze, ‘Kɨ Ia Gifongezir Puvatɨ.’ Egh gɨn kɨ bar me gifuegham. Kɨ faragha kamaghɨn me mɨgei, ‘Ia Nan Gumazamiziba Puvatɨ.’ Egh gɨn kɨ kamaghɨn me mɨkɨm suam, ‘Ia nan gumazamizibara.’ Eghtɨ me kamaghɨn nan akam ikaragham, ‘Nɨ en God.’ ”

Aisaia 66:20

Kɨ Ikiavɨra Itir God, kɨ ghaze, gumazamizir kaba mangɨ, ian namakar kantrin kabar aven itiba, me me isɨ Ikiavɨra Itir Godɨn ofan mɨn me inigh na bagh izam. Egh me isɨ hoziaba ko, karisba ko, dabirabir akuriaba ko, donkiba ko, kamelbar afegh, men aku na bagh nan mɨghsɨamɨn itir nguibar ekiam Jerusalemɨn izam. Israelia zurara witɨn ovɨziba ofabar mɨn, da isa itarir nan damazimɨn zuezibagh arɨgha, da atera na bagha nan Dɨpenim izi moghɨn, me men aku na bagh izam.

Jenesis 13:16

Eghtɨ kɨ nɨn boribar amightɨ me nguazir mɨnemniamɨn mɨn bar avɨrasemegham. Eghtɨ gumazitam nguazir mɨnemniaba mengeghɨva nɨn ovavir boriba mengam.

Hosea 1:9

Ezɨ Ikiavɨra Itir God Hosea mɨgɨa ghaze, “Nɨ ziar kam a datɨgh, ‘Loami.’ Ziar kamɨn mɨngarimra kara, Ia Israelia, ia nan gumazamiziba puvatɨ. Eghtɨ kɨ ian Godɨn ikian kogham.”

Jenesis 22:17

Kamaghɨn kɨ guizbangɨra nɨ mɨgei, kɨ deragh nɨ damuva, nɨn ovavir boribar amightɨ me bar avɨrasemegham. Eghtɨ men dɨbobonim, mɨkoveziba ko gigimɨn dɨbobonimɨn mɨn otivigham. Eghtɨ nɨn ovavir boriba uan apaniba abɨnigh, egh men nguibaba iniam.

Hibru 11:12

Kamaghɨn, gumazir kam Abraham a ghurigha egha aremeghasava ami, egha an ovavir borir avɨribar afeziamɨn oto. Ezɨ an ovaviba otiva bar avɨraseme, mati overiamɨn mɨkoveziba, o ongarimɨn dadarimɨn gigiba. Gumazitam da mengɨva avegham.

Jenesis 32:12

Nɨ faragha na mɨgɨa ghaze, kɨ bar deravɨra nɨ damu ovavir borir avɨriba nɨ danɨngam. Eghtɨ men dɨbobonim ongarimɨn gigimɨn mɨn bar avɨrasemeghtɨ gumazitam da mengɨva avegham.”

Jeremaia 33:22

Gumaziba mɨkoveziba ko, ongarimɨn gigiba mengɨva avegham. Eghtɨ kamaghɨra kɨ uan ingangarir gumazim Devit ko, nan ingangarir gumaziba, Livaiba, me damightɨ, men ovavir boriba bar avɨrasemeghtɨ, gumazamiziba me mengan iburagham.”

Aisaia 48:19

Egha ian boriba otiva, mati ongarir dadarimɨn gigimɨn mɨn bar avɨrasemeghai. Ezɨ men ziaba nan damazimɨn gɨvaghan koghai.”

Akɨnafarir Pol Romɨn Nguibar Ekiamɨn Itir Sios Bagha Osirizim 8:19

Guizbangɨra, God ingarizir biziba bar, me dughiar God uan boriba azenim darɨghamim a bagha mɨzua, uan dapaniba fegha tintinibar gara nɨghnɨghɨsi, dughiar manamra bizir kam otivam?

Aisaia 63:16

O Ikiavɨra Itir God, nɨ bar guizbangɨra en Afeziam. En inazir afeziamning, Abraham ko Jekop, aning ua e ko itir puvatɨ, egha e gɨfozir puvatɨ. Ezɨ nɨrara, nɨ fomɨram en Akurvazir Gumazimɨn ikia, e geghuva deragha en gara iza datɨrɨghɨn tu.

Aisaia 64:8

O Ikiavɨra Itir God, nɨ en Afeziam, nɨ mati mɨnebar ingarir gumazim. Ezɨ e mati, gumazim nguazim isa uan dafarimningɨn nguazir mɨnebar ingari. Ezɨ nɨ uan dafarimningɨn en ingari.

Aisaia 65:1

Ikiavɨra Itir God kamaghɨn mɨgei, “Gumazamizir na bagha azai puvatɨziba, kɨ men dɨmdiaba baragh, men akurvaghasa me mɨzua iti. Gumazamizir na burir puvatɨziba, na bagh izasa kɨ me mɨzua iti. Kɨ fo, me bar nan saghon ikia nan ziamɨn nan dɨman aghua. Ezɨ kɨ kamaghɨn men dɨa ghaze, ‘Kɨrara kagh iti. Kɨ kagh iti.’

Daniel 6:26

Kɨ kamaghɨn ia mɨgei, ia nan kantrin gumazamizir kɨ ativaziba, ia ziar ekiam Danielɨn God danɨng, egh Godɨn kamɨn atiating an apengan ikɨ. “Kar Godɨn Ikia Mamaghɨra Itim, egh an atrivimɨn ikɨ mamaghɨra ikiam. An Dughiar an Atrivimɨn Ikiamim ko an gavgavim gɨvaghan kogham.

2 Samuel 7:24

O Ikiavɨra Itir God, nɨ Israelia e gamizɨ, e zurara kamaghɨra nɨn gumazamizibar ikiam. Eghtɨ nɨ uabɨ en Godɨn ikiam.