Hibru 9:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ ofa gamir gumazibar dapanim uabɨra Bar Anogoroghezir Danganimɨn aven zui. Azeniba vaghvagha, a dughiar vamɨran aven zui. Egha a purama aven zuir puvatɨ. An asɨzibar ghuziba inigha aven zui. Egha ghuzir kamɨn a uan arazir kuraba gɨn amangasa ofa gamua, egha gumazamizir deragha nɨghnɨzir puvatɨzibar arazir kuraba, da gɨn amangasa ofabagh ami.

Godɨn Akar Aghuim; Akar Dɨkɨrɨzir Gavgavir Igiam

⁷ Ezɨ Ofa Gamir Gumazir Ekiabar Dapanim uabɨra Bar Anogoroghezir Danganim, bar aven itir danganimɨn aven zui. An azenibar dughiar vabarama aven zui. Egha a purama aven zuir puvatɨ. A asɨzibar ghuzim inigha egha aven zui. Egha ghuzir kamɨn a uan arazir kuraba gɨn amangasa ofa gamua, egha gumazamizir deragha nɨghnɨzir puvatɨzibar arazir kuraba, da gɨn amangasa ofabagh ami.

Hibru 9:7 ပူးပေါင်းရင်းမြစ်များ

Ofa Gami 16:34

Me arazir kaba zurara dar gɨn mangɨvɨra ikɨ. Ofa gamir gumazibar dapanim, ofan kaba azeniba vaghvagh dar amu, Israelian gumazamizibar arazir kuraba gɨn amang, egh me damutɨ me nan damazimɨn zuegham.” Ikiavɨra Itir God akar kaba Moses ganɨngi, ezɨ Moses bar adar gɨn zui.

Ofa Gami 5:18

Kamaghɨn amizɨ, a uan asɨzibar okoruabar tongɨn sipsipɨn apurir bar aghuir duaba an mɨkarzimɨn puvatɨzitam inigh, ofan mɨn ofa gamir gumazim bagh mangɨ, egh uan arazir kurabar osɨmtɨziba akɨr da agɨfagh. Eghtɨ ofa gamir gumazim sipsipɨn gumazim inigha izezir kamɨn ivezim dɨborogh a datɨgh. Eghtɨ gumazim sipsipɨn kamagh garitam, ofa gamir gumazim bagh a inigh izɨtɨ, a gumazir kamɨn osɨmtɨzim agevir ofa damightɨ, God an arazir kuraba gɨn amadagham.

Hibru 7:27

Fomɨra ofa gamir gumazibar dapanir igharaziba, me dughiabar zurara ofabagh ami. Me faragha uan arazir kuraba gɨn amangasa ofabagh ami. Egha gɨn me gumazamizibar arazir kuraba gɨn amangasa ofabagh ami. Ezɨ Iesus kamaghɨn amir pu. Bar puvatɨ. A dughiar bar vamɨran, e bagha uan mɨkarzim isa ofan mɨn God ganigha egha aremegha gɨfa.

Ua Me Ini 30:10

Egh azeniba bar dughiar vamɨra, Aron ofa gamir dakozir kam nan damazimɨn zueghsɨ, ingangarim damuam. Ingangarir kam kamakɨn: Asɨzir ian arazir kuraba gɨn amangasa ofa gamim, Aron an ghuzitam inigh, ofa gamir dakozir kamɨn kombar arɨkigh. Ia arazir kam zurara azenibar a damu. Ofa gamir dakozir bar zuezir kam, kɨ Ikiavɨra Itir God, kar nan bizimra.”

Hosea 4:12

Egha me akar mogomeba azenim darɨghasa, pura ter otevibar ingarizir marvir guabar azangsɨsi. Me ghaze, ter otevir kaba, bizir me foghasa ifongezibar gun me mɨkɨmam. Me na ategha gɨfa, egha asebar gɨn zui, mati amizir mam tintinimɨn gumaziba koma akui.

Aisaia 28:7

Godɨn ofa gamir gumaziba ko, Godɨn akam inigha izir gumaziba, uaghan wainɨn dɨpaba ko dɨpar onganiba puv da apava onganigha, asaghporaghira nuighnuigha men daroriba derazir puvatɨ. Godɨn akam inigha izir gumaziba, me irebamɨn mɨn garir bizibar ganasa, God men akakazir biziba, me deragha dar garir puvatɨ. Ezɨ Godɨn ofa gamir gumaziba, men nɨghnɨziba derazir puvatɨgha, gumazamizibar osɨmtɨziba deragha da tuisɨzir puvatɨ.

Aisaia 9:16

Gumazir dapaniba tuavir aghuim ko arazir aghuim men akazir puvatɨ. Kamaghɨn amizɨ, gumazamiziba okam nɨghnɨgha pura tintinibar ghue.

Aisaia 3:12

O nan gumazamiziba, iavzika! Ian gumazir dapaniba ia gifara ia gamizɨ, ia men gɨn tuavir kurabar ghue. Ezɨ borir igiaba ko amiziba ia gativagha, ia dɨkabɨra paza ia gami.

Hibru 10:3

Ezɨ puvatɨ. Azenibar zurara, asɨzibar ofan kaba me gamima me ua uan arazir kurabagh nɨghnɨsi.

Amos 2:14

Gumazir puvɨra ivemariba, me arɨ mangɨ mongan iburagham. Gumazir gavgaviba, me ua gavgaviba puvatɨgham. Mɨdorozir gumaziba deragh ikɨsɨ uarir akurvaghsɨ damuva avegham.

Aisaia 29:14

Kamaghɨn amizɨ, kɨ uamategh bizir bar igharagha garitabar amutɨ, da gumazamizir kaba bativam. Eghtɨ me bar dɨgavir kuram damigham. Eghtɨ kɨ gumazamizir nɨghnɨzir aghuiba me ganɨdibar fofoziba adegham, egh kɨ men fofozir gumazamizibar fofoziba bar da agɨvagham.”

Onger Akaba 95:10

Gumazamizir kabar naviba bar saghon ikia nan gɨn zuir puvatɨ. Tuavir kɨ me bagh atɨzim, me zurara a gitavɨrasi. Kamaghɨn, kɨ 40plan azenibar gumazamizir kabar anɨngaghe.

Onger Akaba 19:12

Tinara uabɨ uan osɨmtɨzir an itibagh fogham? O Ikiavɨra Itir God, arazir kurar kɨ amizir maba, kɨ dagh fozir puvatɨ. Nɨ nan arazir kurar kaba batueghtɨ, kɨ nɨn damazimɨn zuegham.

2 Eghaghaniba 33:9

Ezɨ Atrivim Manase Judaba ko, Jerusalemian nɨghnɨzibagh amua me getuima me bar arazir kurabagh amuavɨra iti. Ezɨ men arazir kurar kaba, da gumazamizir fomɨra nguazir kamɨn ikezibar arazir kurabagh afira. Gumazamizir kaba, Ikiavɨra Itir God me batoghezɨ, Israelia nguazir kamɨn aven ize.

2 Samuel 6:7

Usa ghaze, Akar Dɨkɨrɨzir Gavgavimɨn Boksiam ti pura bizim, egha an suira. Kamaghɨn amizɨ, Ikiavɨra Itir God bar puvɨra Usan anɨngaghegha atara a mɨsoghezɨ, an Akar Dɨkɨrɨzir Gavgavimɨn Boksiamɨn mɨriam naghɨram areme.

Dɨboboniba 15:25

Eghtɨ ofa gamir gumazim arazir kuraba gɨn amadir ofa me bagh a damightɨ, Israelian gumazamizibar arazir kuraba bar gɨvagham. Ofan kamɨn mɨngarim kamakɨn, marazi deragha nɨghnɨzir puvatɨgha arazir kurabagh ami. Egha bizir kam bangɨn, me uan arazir kuraba gɨn amadir ofa, Ikiavɨra Itir God bagha a gami.

Efesus 4:18

Egha men nɨghnɨziba mati me mɨtatemɨn iti. Egha me fofoziba bar puvatɨgha men naviba bar gavgafi, kamaghɨn me Godɨn ikɨrɨmɨrimɨn azenan iti.

Hibru 6:19

Egha e bizir aghuir e fogha iniamiba bagha mɨzuair arazir kam, a en akuragha en ikɨrɨmɨrimɨn suiragha gavgavim e ganɨdi, mati angka kurimɨn suirazɨ a gavgavigha danganir vamɨran iti. E Iesus mɨzuaima, an aven ghua inir ekiar me Godɨn Dɨpenimɨn gurazimɨn gɨrakɨrangɨn Bar Anogoroghezir Danganimɨn oto.

Hibru 9:3

Egha me inir bar ekiam, bɨrimɨn mɨn Anogoroghezir Danganimɨn gɨrakɨrangɨn anegura. Ezɨ inir kamɨn gɨrakɨrangɨn danganir igharazir mam uaghan iti, me kamagh a dɨbori, “Bar Anogoroghezir Danganim.”